Фидан мен Байрамов ортақ баспасөз мәслихатын өткізді

ТР Сыртқы істер министрі Хакан Фидан бас қала Анкарада Әзербайжан Сыртқы істер министрі Джейхун Байрамовпен ортақ баспасөз мәслихатында «Күшті Түркия күшті Әзербайжан, күшті Әзербайжан күшті Түркия деген сөз» деді.

Армения-Әзербайжан қарым-қатынастарына тоқталған Фидан аймақтық тұрақтылыққа апаратын жолдың ауқымды бітімгерлік келісімі арқылы жүзеге асатынын, бұл үшін Зәңгезур байланысын ашудың маңызы зор екенін айтты.

Лачын жолының Әзербайжан жері екеніне тоқталған Фидан «Әзербайжан кез-келген шараны қажет деп санаса, оны қабылдау оның ең үлкен егемендік құқығының бірі болып табылады» деді.

Түркия-Армения қарым-қатынастарының тоқтау себебінің Арменияның Әзербайжан жерлерін басып алуы екенін еске салған Хакан Фидан «Басқыншылық іс жүзінде аяқталғанымен, Әзербайжан мен Армения арасындағы шекара келісімі қарқынды түрде жалғасуда. Біз мұқият қадағалаймыз. Түркия ретінде ұстанымымыз Армения мен Әзербайжан арасындағы келісімдерге қол жеткізілгеннен кейін Президент Ердоғанның қарым-қатынастарды қалыпқа келтіруге ерік-жігері бар. Түркияның да қарым-қатынастарын қалыпқа келтіру арқылы экономикалық және тұрақтандыруды дамыту үдерісін мүмкіндігінше тезірек бастағымыз келеді» деді.

Түркия мен Әзербайжан энергетикалық ынтымақтастығының Еуропаның энергетикалық қауіпсіздігіне де үлес қосқанын атап көрсеткен министр Фидан «(ТрансАнадолы табиғи газ құбыры) «TANAP» Еуропаның маңызды газ жеткізушісі болып табылады» деді.