Хакан Фидан Газадағы атыстың тоқтатылуы керектігін қайталады

Сыртқы істер министрі Хакан Фидан Түркияның, әсіресе өз аймағында және бүкіл әлемде өмірге қауіп төндіретін дағдарыстарға қарамастан, қиын географияда бейбітшілік пен тұрақтылықтың қорғаушысы болуды жалғастырғанын білдірді.

Министр Фидан Кыршехирде азаматтармен кездесті.

Ауызашар бағдарламасында сөз сөйлеген Фидан Түркияның 21 жылда өркендеп дамығанын  және баршаның бұған куә болғанын айтты.

Фидан Түркия мен президент Режеп Тайып Ердоғанның әлемге қауіп төндіретін дағдарыстар, қақтығыстар және соғыстар алдында ақылдың, әділет және ар-ожданның үні екеніне назар аударды.

Фидан «Біз елімізде  және аймағымызда ойындар ойнауға жол бермейміз» деді.

Израильдің Газадағы қырғындарына тоқталған Фидан Түркияның палестиналықтарды қолдайтынын қайталады.

Хакан Фидан Газада атысты тоқтату және гуманитарлық көмек жеткізу үшін бар күштерімен талпыныстарын жалғастырғандарын атап көрсетті.

Кейбір топтардың Израильдің Газадағы зұлымдықтарына қарсы үн қатпағанын еске салған Сыртқы істер министрі Фидан «Біз Түркия ретінде бұл туралы әу бастан Газада тез арада атысты тоқтату шартының орнатылуы керектігін айттық. Гуманитарлық көмек аймаққа үзіліссіз кіруі керек және енді әділеттілік қамтамасыз етілуі керек» деді.