ТИКА Ауғанстанда 600 отбасына азық-түлік жәрдемін жеткізді

Түрік ынтымақтастық және үйлестіру агенттігі (ТИКА) Ауғанстанның батысындағы мұқтаж 600 отбасына азық-түлік жәрдемін жеткізді.

ТИКА-ның Герат кеңсесі жасаған мәлімдемеге қарағанда Ауғанстанда Рамазан айында жүргізілген жәрдем шаралары аясында батыстағы Герат, Нимруз, Фарах және Бадгис аймақтарындағы 600 отбасыға азық-түлік өнімдері таратылды.

Әр отбасына 2 ай бойы жететіндей мөлшерде ұн, күріш, май, бұршақ, көк жасымық, томат пастасы, шай, қант сияқты негізгі азық-түлік өнімдері жеткізілді. Тарату кезінде мүгедектер, қарттар мен жесірлерге алдын ала берілді.

Жәрдемдердің Ораза айтта да жалғасатыны айтылып, Рамазан айында мұқтаж отбасыларға 30 тоннадан астам гуманитарлық жәрдем таратылғаны атап көрсетілді.