Қарабахта заңсыз армян күштеріне тиесілі оқ-дәрі қоймасы табылды
Қарабахтың Козлукөпрү ауылында заңсыз армян күштеріне тиесілі оқ-дәрі қоймасы табылды.
Әзербайжан армиясының Қарабахтағы лаңкестікпен күрес операциясы кезінде бақылауға алынған Козлукөпрү ауылында заңсыз армян күштеріне тиесілі оқ-дәрі қоймасы табылды.
Әзербайжан Қорғаныс министрлігінен жасалған мәлімдемеде Козлукөпрү ауылындағы ферма ғимараттарының бірінде оқ-дәрі қоймасының анықталғаны хабарланды.
Зымыран, артиллериялық снарядтар, миналар мен әртүрлі калибрлі оқтар сақталған қойманың көптен бері пайдаланылғаны және оқ-дәрілердің қоймаға жедел жәрдем көлігімен жеткізілгені атап өтілді.
Әзербайжан армиясы конституциялық тәртіп орнату үшін 19 қыркүйекте Қарабахта лаңкестікке қарсы операция бастаған еді.
Қарабахтағы заңсыз армян қарулы күштері 24 сағатқа созылған операциядан кейін қаруларын тастаған болатын.
Ұқсас жаңалықтар
Ердоған Қасым-Жомарт Тоқаевпен телефонда сөйлесті
Әңгіме барысында Түркия-Қазақстан қарым-қатынастары, аймақтық және жаһандық мәселелер талқыланды.
Орталық Азия елдері 3 сала бойынша күш біріктіруге шешім қабылдады
Қазақстан Президенті Орталық Азия елдері қауіпсіздік кеңестерінің хатшыларын Ақордада қабылдады.