Вице-президент Джевдет Йылмаз Әзербайжанға барды

ТР Вице-президент Джевдет Йылмаз Әзербайжан президенті Ильхам Әлиев тарапынан қабылданды.

Йылмаз мен Әлиев Загулба сарайында өткен кездесуде екі ел арасындағы қазіргі ынтымақтастықты, жаңа ынтымақтастық мүмкіндіктерін, аймақтық және жаһандық оқиғаларды талқылады.

Вице-президент Йылмаз әлеуметтік желідегі аккаунтынан кездесуге қатысты жасаған мәлімдемесінде «Түрік әлемінің қозғаушы күші Түркия-Әзербайжан ынтымақтастығы елдеріміздің ортақ мүдделеріне негізделген интеграцияланған стратегиямен алға жылжиды. «Бір ұлт, екі мемлекет» ұранымен көтерілген Түркия-Әзербайжан қарым-қатынастарын «Түрік ғасыры» бағдарламасы аясында да нығайта береміз. Әлиев мырзаға жылы әрі шынайы қонақжайлылығы үшін алғыс білдіремін және бауырлас Әзербайжан халқына сүйіспеншілігімді жеткіземін» деді.