Blinken Qıtayğa baraçaq
Amerika Quşma Ştatları däwlät särqätibe Qıtayğa 3 könlek räsmi säfär yasayaçaq
Amerika Quşma Ştatları däwlät särqätibe Êntoni Blinken Qıtayğa 3 könlek räsmi säfär yasayaçaq.
Qıtay tışqı êşlär ministrlığınnan yasalğan belderügä kürä Blinken xezmättäşe Vang Yinıñ çaqıruı belän 24-26 aprel’ könnärendä Qıtayğa baraçaq.
AQŞ matbuğatında urın alğan xäbärlärgä kürä Blinken säfärendä Vang belän köndäşlek qısalarına kermägän säwdä ısulları häm sänägät’täge artıq citeşterü belän ber rättän ber törkem ike yaqlı, regional’ häm global’ problemanı kön tärtibenä kiteräçäk.
AQŞ wäkillegeneñ söyläşülärdä narkobiznesqa qarşı köräş, yasalma intellekt ölkäsendä xezmättäşlek, xalıqlar arasındağı üzara bäyläneşlärneñ arttırıluı häm ike il armiyaläre arasında êlemtäneñ kön tärtibenä kiterelüe kötelä.
Êntoni Blinken häm Vang Hind-Tın okean töbäge belän ber rättän Yaqın Könçığıştağı kiyerenkeleklärne quzğataçaq.
Blinkennıñ säfäre AQŞ qazna ministrı Djanet Yellennıñ 4-9 aprel’ könnärendä Qıtayğa yasağan säfärennän qısqa waqıttan soñ çınğa aşuı iğtibarnı cälep itä.
Bäyläneşle xäbärlär
Ğazzädä 10 meñnän artıq keşe cimereklär astında
Xezmätkärlär häm cihazlar citmäw arqasında êzläw-qotqaru êşçänlekläre 2-3 yıl däwam itärgä mömkin