جمهور باشقانی اردوغان:"تورکیه اوکراینادا باریشا نایل اولماق اوچون سعیلرینی داوام ائتدیرهجک"
جمهور باشقانی رجب طیب اردوغان آنکارادا سفرده اولان آلمانیا باش ناظیری اولاف شولتس ایله بیرگه مطبوعات کنفرانسی کئچیریب.
اردوغان: "روسیا-اوکراینا بحرانیندا دایمی آتشکسین الده اولونماسیندا سعیلریمیزی داوام ائتدیرجییک"
جمهور باشقانی رجب طیب اردوغان آنکارادا سفرده اولان آلمانیا باش ناظیری اولاف شولتس ایله بیرگه مطبوعات کنفرانسی کئچیریب.
گؤروشده اساساً روسیا-اوکراینا بحرانی ایله باغلی موذاکیرهلر آپاردیق. پروبلئمین حلی اوچون دیپلوماتیک سعیلرین گوجلندیریلمهسینین اؤنمی قئید اولوندو. دایمی آتشکسین تامین اولونماسی ایستیقامتینده سعیلریمیزی یورولمادان داوام ائتدیرجییک. سیویل شخصلر اوچون اینسانی دهلیزلر یارادیلمالیدیر. بورادا ان مهم مسئله آتشین دایاندیریلماسیدیر.
بونو جمهور باشقانی رجب طیب اردوغان آنکارادا سفرده اولان آلمانیا باش ناظیری اولاف شولتس ایله بیرگه مطبوعات کنفرانسیندا دئییب.
دؤولت باشچیسی “ناتو-نون ایکی متفیقی اولاراق، ناراحاتلیقلاریمیزین اولدوغونو تصدیقلهدیک. بیز حل یولوندا دیپلوماتیک سعیلری سرعتلندیرمهیه راضیلاشدیق. سعیلریمیز نتیجهسینده خاریجی ایشلر ناظیریمیز مولود چاووش اوغلونون دا ایشتیراک ائتدیگی گؤروشده روسیا و اوکراینانین خاریجی ایشلر ناظیرلری (سرگئی لاوروو و دیمیترو کولبا) بیر آرایا گلدی. آنتالیادا کئچیریلن دیپلماسی ایجلاسی مهم اوغوردور. تردد ائتمهدن دایمی آتشکسین یارادیلماسی اوچون سعیلریمیزی داوام ائتدیرجییک. یاشادیغیمیز چتین دؤورده حساب ائدیرم کی، بیزیم یوکسک سویهلی مصلحتلشمه مکانیزملریمیز یئنیدن جانلاندیریلمالیدیر”ایفادهلردن ایستیفاده ائدیب.
جمهور باشقانی اردوغان بیلدیریب کی، بؤلگهسینده باش وئرن سون حادثهلر تورکیه-نین تهلوکهسیزلیک و انرژی ساحهلرینده اساس رول اوینادیغینی ثبوت ائدیب.
جمهور باشقانی اردوغان آلمانیا ایله تیجارت حجمی ایله باغلی اولاراق "2020-جی ایلده 38 میلیارد دولار جیواریندا اولان ایکی طرفلی تیجارت دؤوریهمیز 2021-جی ایلده 41 میلیارد دولاری کئچدی. بونو 50 میلیارد دولارا چاتدیرماقدا قرارلیییق" دئییب.
اولاف شولتس دا اؤز نؤوبهسینده “(روسیانین اوکراینایا هوجوملاری) آتشکسین تامین ائدیلمهسی بارهده همفیکیریک. تورکیه-نین دیپلوماتیک حله تحفه لرینی آلقیشلاییریق. ان واجیب مسئله سلاحلارین سوسماسیدیر. سلاحلار مومکون قدر تئز سوسدورولمالیدیر. اوکراینانین اراضی بوتؤولوگونون قورونماسی چوخ واجیبدیر. بوغازلارین (تورکیه طرفیندن) مونترو کنوانسیونونا اویغون اولاراق باغلانماسی بحرانین بؤیومهسینین قارشیسینی آلدی” دئییب.
شولتس آوروپا بیرلیگی ایله تورکیه آراسیندا انرژی ساحهسینده امکداشلیغین واجیبلیگینی ده وورغولاییب.