پرودا 16 میلیون ایل‌لیک دلفین فوسیلی تاپیلیب

پرودا آمازون چاییندا چوخ ایری دلفین تورونه عایید 16 میلیون ایل‌لیک کله‌ فوسیلی تاپیلیب.

گاردیانین خبرینه گؤره، زوریخ بیلیم‌یوردوندا آپاریلان آراشدیرمادا تاپیلان دلفین تورونون اَن یاخین قوهومونون 10 مین کیلومتر اوزاقلیقدا، گؤنئی-دوغو آسیادا یاشادیغی معین ائدیلیب.

آراشدیرمانین باش مؤلفی آلدو بنیتس-پالومینو، فوسیلین؛ 16 – 24 میلیون ایل اول یاشامیش و اوزونلوغو 3.5 متره قدر اولان پلاتانیستویدیا عائله‌سینه عاید اولدوغونو ایضاح ائتدی.

بنیتس-پالومینو قید ائدیب کی، بو چای دلفین تورونون شیرین سو چایلاریندا یئنی غذا منبعلری تاپماق اوچون اقیانوسلاری ترک ائتدیگی تخمین ائدیلیر.

زوریخ دانیشگاهینین پالئونتولوژی دپارتامانینین دیرکتورو مارسلو آر سانچز-ویلاگرا، "گونئی آمریکادا 20 ایلدیر آپاردیغیمیز آراشدیرمالار نتیجه‌سینده بو گون بؤلگه‌ده تاپیلان بعضی جانلیلارین چوخ ایری فورمالارینی اورتایا چیخاردیق. لاکین بو، دلفین تورونون ایلک نمونه‌سی ایدی." دئدی.

آراشدیرما ”سایینس ادونسیز“ ژورنالیندا درج اولونوب.