بئینینه چیپ یئرلشدیریله‌ن شخصین دۆشونجه‌لری اوخوندو
پارکینسون خسته‌سی ۷۱ یاشینداکی جفری کیفرین بئینینه، خسته‌لیگی سببی ایله گیردیگی عملیاتدا، اؤنجه‌دن وئردیگی ایجازه‌یه دایاناراق چیپ تاخیلدی
آمریکا بیرلشمیش دؤولتلرینده بئینینه چیپ یئرلشدیریله‌ن بیر نفرین دۆشونجه‌لری ۲۵ دقیقه بویو اوخوندو.
وال استریت ژوورنالین (WSJ) یاییملادیغی خبره گؤره، پارکینسون خسته‌سی ۷۱ یاشینداکی جفری کیفرین بئینینه، خسته‌لیگی سببی ایله گیردیگی عملیاتدا، اؤنجه‌دن وئردیگی ایجازه‌یه دایاناراق چیپ تاخیلدی.
پرکیسیون نئروساینس شیرکتینین گلیشدیردیگی لایر ۷ کورتیکال اینترفیس آدلی ایمپلنتین اوزرینده‌کی الکترودلار، کیفرین بئینینه باغلاندی.
ایمپلنتده‌کی چیپلر، بئییندن گؤندریله‌ن سیگناللاری توپلارکه‌ن، بونلار کابل‌سیز باغلانتی واسطه‌سی ایله صونعی ذکا دستکلی بیر پروگراما گؤندریلدی.
ایمپلنته باغلی بیر کابل دا کیفرین دؤشونده هم باتری هم ده آنتن ایشی گؤرن جیهازا باغلاندی.
چالیشمادا کیفرین اللری ایله ائتدیگی بعضی حرکتلر، مونیتورلاردان اؤلچوله‌ن بئیین سیگناللارییلا اویغونلاشدیریلدی. داها سونرا خسته‌دن اللرینی ترپتمه‌دن آز اؤنجه‌کی حرکتلری ائتمه‌یی دۆشونمه‌سی ایسته‌نیلدی. کیفر حرکتلری ائتمه‌یی دۆشوندوکجه بئیین سیقگناللارینین دا گئرچک زامانلی اولاراق ثبت ائدیله‌بیلدیگی و حرکتلرله اویغونلاشدیغی گؤرولدو.
پرکیسیون نئروساینسین قوروجولاریندان بنجامین راپوپورت، "آختاردیغیمیز بو ایدی. حرکته چئوریله‌بیلمه‌یه‌ن بیر دۆشونجه اولدوغوندا بئینین نه سؤیله‌مه‌یه چالیشدیغینی بئله بیله‌جگیمیزی تائید ائتدیک" دئدی.
ایلگیلی‌لی خبرلر
آمریکادان نووه سلاحی آچیقلاماسی
"نووه سلاحی ایستیفاده‌سینه باغلی بیر قراری اصلا صونعی ذکایا بوراخماریق"
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی
