ژاپنداکی دئپرملرده جان ایتکیسی آرتیر
ژاپنون باتیسینداکی ایشیکاوا ایالتینین نوتو یاریم آداسی و ساحیللرینده، بؤیوکلوکلری ۵ ایله ۷ آراسیندا دییشه‌ن چوخ ساییدا زلزله میدانا گلدی
ژاپنون باتیسینداکی ایشیکاوا ایالتینده و بو بؤلگه‌ده‌کی نوتو یاریم آداسی ساحلینده دۆنن میدانا گلن زلز‌له‌لرده جان ایتکیسی ۳۰ اولدو.
ژاپن متئورولوژی آژانسینا گؤره، دۆنن باتیدا‌کی ایشیکاوانین نوتو یاریم آداسی و ساحیللرینده، بؤیوکلوکلری ۵ ایله ۷ آراسیندا دییشه‌ن چوخ ساییدا زلزله میدانا گلدی.
ژاپن متئورولوژی آژانسی، ایشیکاوا ساحللری داخیل بؤلگه‌‌ده سونامی اویاریلارینین قالدیریلدیغینی بیلدیردی.
دئپرملر سونراسی قورو یوللاریندا چؤکمه یاشاندیغی، نوتو یاریم آداسینداکی واژیما شهرینده چیخان یانغیندا یاخین چئوره‌ده‌کی ۲۰۰ دولاییندا یاپینین زیان گؤردوگو بیلدیریلدی.
دؤولت تلویزیونو ن‌ح‌ک‌یه عاید گؤرونتو‌ده، واژیمادا ۷ قاتلی بیر بینانین یان یاتدیغی گؤرولدو.
ایشکاوا ایالت والیلیگی، زلزله‌لر سونراسی ۳۰ نفرین حیاتینی ایتیردیگینی آچیقلادی.
بؤلگه‌‌دن ۵۰ مینه یاخین اینسانین چیخاریلدیغی و فرقلی نقطه‌لرده ییخینتی آلتیندا ۱۴ نفرین قورتاریلماغی گؤزله‌دیگی تعیین ائدیلدی.
ایالت‌ده ۱۹ طبی قورولوشون الکتریک کسیلمه‌سی یاشادیغی بیلدیریلیرکن، مارکت و باققاللارداکی محصوللارین یئر آلدیغی رفلرینین بوشالدیغی گؤرولدو.
باشباخان کیشیدا فومیو، مرکزی حکومتین، بؤلگه‌یه گمیلرله کؤمک چاتدیریلماسی اوچون حاضرلیق ائتدیگینی بیلدیردی.
ژاپن باشباخانی، "زامان گئچدیکجه فاجعه‌نین تأثیری داها دقته آیدینلاشیر. حیات قورتارماق زامانا قارشی بیر یاریشدیر" ایفاده‌سینی ایشلتدی.
زلز‌له‌لره باغلی آنالیزده، ساحلده‌کی واژیمادا قورونون ۱،۳ متر باتییا دوغرو حرکت ائتدیگینین معین اولوندوغو قید ائدیلدی.
ایلگیلی‌لی خبرلر
وانواتودا 6.1 ریشتر گوجونده زلزله باش وئریب
زلزله‌دن سونرا جان و مال ایتکیسی قیده آلینماییب، سونامی خبردارلیغی ائدیلمه‌ییب
