ژاپنداکی زلزله‌ده اؤلو ساییسی۲۰۰ نفری گئچدی

ژاپنون باتیسیندا‌کی ایشیکاوا ایالتی و بو بؤلگه‌ده‌کی نوتو یاریم آداسی ساحلینده میدانا گلن زلز‌له‌لرده حیاتینی ایتیره‌نلرین ساییسی ۲۰۳ نفره یوکسلدی.

ایشیکاوا ایالت والیلیگیندن وئریله‌ن آچیقلامادا، آیین ایلک گونلرینده میدانا گلن چوخ ساییدا زلز‌له‌ده اؤلنلرین ساییسینین ۲۰۳ نفره یوکسلدیگی بیلدیریلدی.

آچیقلامادا، ۲۲ فرقلی بؤلگه‌ده ۲۶ مین نفرین ۴۰۰ تخلیه نقطه‌سینده یئرلشدیگی ایالتده، باغلانان یوللار سببی ایله ۳ مین ۱۰۰ نفرین قاپالی قالدیغی ایفاده ائدیلدی.

بؤلگه‌ده زلز‌له‌لر قایناقلی موختلیف یارالانمالار نتیجه‌سینده ۵۶۶ نفرین معالیجه گؤردوگو بیلدیریلن آچیقلامادا، خبر آلینا بیلمه‌یه‌ن ۶۸ نفرین عاقیبتینین معین اولونماغا چالیشیلدیغی بیلگیسی پایلاشیلدی.

ژاپن ساوونما باخانی کیهارا مینورو، ۶ مین ۳۰۰ اؤز ساوونما گۆجلری پرسنلینین بؤلگه‌ده‌کی آختارما قورتارما فعالیتلرینه قاتیلدیغینی بیلدیردی.

ژاپن متورولوژی آژانسینا گؤره ۱-۵ ژانویه دؤنمینده ایشیکاوانین نوتو یاریم آداسی و ساحیللرینده، بؤیوکلوکلری ۵ ایله ۷ آراسیندا دییشه‌ن چوخ ساییدا زلز‌له میدانا گلمیشدی.