ائرکهن یاشلارداکی استرس اۆرک خستهلیکلری ریسکینی آرتیریر
بیر آراشدیرما، ائرکهن گنجلیک دؤنمینده آغیر استرسه معروض قالان شخصلرین، حیاتلارینین ایرلیلهیهن دؤونملرینده اۆرک ساغلیغی پروبلئملریله قارشیلاشما ریسکینین داها چوخ اولدوغونو اورتایا قویدو
ائرکهن یاشلارداکی استرس، ایرلیلهیهن دؤنمده اۆرک خستهلیکلری ریسکینی آرتیریر.
آمریکا بیرلشمیش دؤولتلرینده ائدیلهن بیر آراشدیرما، ائرکهن گنجلیک دؤنمینده آغیر استرسه معروض قالان شخصلرین، حیاتلارینین ایرلیلهیهن دؤونملرینده اۆرک ساغلیغی پروبلئملریله قارشیلاشما ریسکینین داها چوخ اولدوغونو اورتایا قویدو.
آراشدیرماچیلار، گونئی کالیفورنیا اونیوئرسیتهسینه باغلی اوشاق ساغلیغی چالیشمالارینا قاتیلان ۱۳ ائله ۲۴ یاشلارینداکی ۲۷۶ نفرین بیلگیلرینی آراشدیردی.
قاتیلیمچیلار، استرس سویهلرینه گؤره "داواملی یۆکسک استرس"، "زامان ایچینده آزالان استرس"، "زامان ایچینده آرتان استرس" و "سۆرهکلی دۆشوک استرس" اولماق اوزره ۴ قروپا آیریلدی.
آراشدیرماچیلار، یئریتدیکلری چالیشما نتیجهسینده استرس سویهسی یۆکسک شخصلرین ایرلیلهیهن یاشلاردا داها چوخ کیلو آلدیغینی، اوبزیته ریسکینین یۆکسک اولدوغونو و بو سببله اۆرک خستهلیکلرینه توتولما ریسکلرینین ده آرتدیغینی معین ائتدی.
آیریجا بو شخصلرین ایرلیلهیهن یاشلاردا دامار ساغلیغینین داها پیس و قان باسینجلارینین دا یۆکسک اولدوغو اورتایا قویولدو.
آراشدیرمانین نتیجهلری، "آمریکن هارت آسوسییشین" درگیسینده یاییملاندی.
ایلگیلیلی خبرلر
وانواتودا 6.1 ریشتر گوجونده زلزله باش وئریب
زلزلهدن سونرا جان و مال ایتکیسی قیده آلینماییب، سونامی خبردارلیغی ائدیلمهییب