آمریکادا سویوق هاوا دوخساندان چوخ جان آلدی
اؤلکهنی گئچهن هفته تأثیری آلتینا آلان و بو هفته ده داوام ائتمهسی گؤزلهنیلهن سویوق هاوا دالغاسی سببی ایله حیاتینی ایتیرهنلرین ساییسی ۹۲ نفره چیخدی
آمریکا بیرلشمیش دؤولتلرینین بیر چوخ بؤلگهسینده سون ۱ هفتهدیر یاشانان سرت هاوا شرطلرینین یول آچدیغی حادثهلرده، ۹۲ نفر حیاتینی ایتیردی.
سیبیاس نیوزا گؤره، اؤلکهنی گئچهن هفته تأثیری آلتینا آلان و بو هفته ده داوام ائتمهسی گؤزلهنیلهن سویوق هاوا دالغاسی سببی ایله حیاتینی ایتیرهنلرین ساییسی ۹۲ نفره چیخدی.
تنسی ساغلیق موسسهسی بیلگیلرینه گؤره ایالتده سویوق هاوا شرطلری سببی ایله ۲۵ نفر حیاتینی ایتیردی.
اورگن ایالتینده ۱۶ نفر حیاتینی ایتیررکهن ایلینوی، پنسیلوانیا، میسیسیپی، واشینگتن، کنتاکی، ویسکانسین، نیویورک، نیوجرسی کیمی ایالتلرده ده سویوق هاوایا باغلی اؤلوملرین ثبت ائدیلدیگی بیلدیریلدی.
اؤته یاندان متورولوژی متخصصلری، سویوق هاوانین بو هفته ده تأثیرینی داوام ائتدیرجگینی ایفاده ائدرک، اؤزللیکله یوللاردا قار و بوزلانمایا قارشی اویاری ائتدی.
بو آرادا، آمریکانین دوغو و اورتا ایالتلرینده تأثیرلی اولان قطب سویوقلاری داوام ائدرکهن ۲۰ ژانویهده ورمونت ایالتینده اسکی اوچون داغلیق بؤلگهیه گئدن و داها سونرا خبر آلینمایان ۶سی اوشاق ۲۳ نفر، ساغ تاپیلدی.
پلیس، دۆنن وئردیگی آچیقلامادا، آلتیسی اوشاق اولماق اوزره توپلام ۲۱ نفرین ایتکین اولدوغونو معین ائتدیکلرینی، داها سونرا ۲ اسکییه گئدنین داها ایتکین اولدوغو خبری آلدیقلارینی و چالیشمالار نتیجهسینده توپلامدا ۲۳ نفرین ساغ قورتاریلدیغینی ایفاده ائتدی.
ایلگیلیلی خبرلر
وانواتودا 6.1 ریشتر گوجونده زلزله باش وئریب
زلزلهدن سونرا جان و مال ایتکیسی قیده آلینماییب، سونامی خبردارلیغی ائدیلمهییب