سودان‌دا 10 میندن چوخ وبا حادیثه‌سی آشکار ائدیلیب

سودان‌دا 2023 ایلینین آوریل آیینین اورتالاریندان بری اوردو ایله چئویک دستک قووه‌لری آراسیندا ایچ‌ساواش داوام ائدرکن، آشکار ائدیلن وبا حادیثه‌لرینین سایی 10 مینی کئچیب.

سودان ساغلیق ناظیری محمد ابراهیم اؤلکه‌ده وبا خسته‌لیگینین آرتدیغینا دیقت چکیب.

12 ایالتده وبا خسته‌لیگینین گؤروندوگونو دئین ابراهیم، یولوخما سایینین 10 مین 800-ه یوکسلدیگی معلوماتینی پایلاشیب.

موناقیشه‌نین ایلک گونلرینده بعضی بؤلگه‌لرده اپیدمینین موشاهیده ائدیلدیگینی ایضاح ائدن ابراهیم، بونون گوندن-گونه یاییلدیغینی قئید ائدیب.

ابراهیم، 2023 ایلینین نووامبر و دسامبر آیلاریندا وبایا قارشی واکسن کامپانیاسینا باشلانیلدیغینی، لاکین چاتیشمالارین یاراتدیغی تهلوکه‌سیزلیک پروبلملری سببیندن اپیدمینین قارشیسینی آلا‌بیلمدیکلرینی بیلدیریب، "اومید ائدیریک کی، گلن پاییزا قدر هئچ بیر یئنی حادیثه گؤرمیه‌جییک." دئدی.