استرالیادا باشلایان فلاکتلی مئشه یانغینلاری
رسمیلر یانغینین باشلادیغی گوندن بو یانا 19 مین 500 هکتاردان چوخ اراضینین کوله دؤندویونو بیلدیریب
22 فوریهده استرالیانین ویکتوریا ایالتینده باشلایان مئشه یانغینلاری "فلاکتلی" حدده چاتدیغیندان، تخمینن 30 مین اینسانین یاشادیقلاری اراضینی تخلیهسی طلب اولونوب.
"استرالیان" قزئتینین معلوماتینا گؤره، رسمیلر کنترل آلتینا آلینامایان مئشه یانغینلارینین «فلاکتلی» سویهیه چاتدیغینی بیلدیریبلر.
رسمیلر ایالتین باتیسیندا یاشایان تخمینن 30 مین اینسانی درحال بؤلگهنی ترک ائتمیه چاغیریب.
فؤوقالعاده حاللار بارهده و خبردارلیقلار حاققیندا معلومات وئرن "وایسائمرجنسی" وبسایتی دا یانغینین بؤیویه بیلهجیی و یوللارین باغلانا بیلهجیی بارهده خبردارلیق ائدیب.
22 فوریهده ویکتوریا ایالتینین باتیسیندا مئشه یانغینی باش وئریب و رسمیلر کولیین آلووو قوزئی-دوغویا داشیدیغینی وه بؤلگه اطرافینداکی یاشاییش بولگهلرینین یانغین تهلوکسی ایله اوزلشدیگینی آچیقلاییب.
رسمیلر یانغینین باشلادیغی گوندن بو یانا 19 مین 500 هکتاردان چوخ اراضینین کوله دؤندویونو بیلدیریب.
استرالیا مئتئورولوژی ایدارهسی ایستی و کولکلی هاوا اؤنگؤردوکلرینی، بونا گؤره ده یانغینین 28 فوریهده «فلاکتلی» سویهیه چاتما ریسکینین اولدوغونو وورغولادی.
ایلگیلیلی خبرلر
وانواتودا 6.1 ریشتر گوجونده زلزله باش وئریب
زلزلهدن سونرا جان و مال ایتکیسی قیده آلینماییب، سونامی خبردارلیغی ائدیلمهییب