افغانستان میں عبداللہ عبداللہ کے قافلے پر بموں سے حملہ
پولیس کے مطابق یہ بم حملہ ایک ہوٹل کے باہر کیا گیا جہاں عبد اللہ عبداللہ انتخابی ریلی سے خطاب کے بعد واپس روانہ ہو رہے تھے۔ بم حملے میں دو افراد ہلاک اور 16 زخمی ہو گئے
افغانستان میں صدارتی انتخابات کے پہلے راونڈ میں سب سے زیادہ ووٹ حاصل کرنے والے عبداللہ عبداللہ کے قافلے پر بموں سے حملہ کیے جانے کی اطلاع ملی ہے۔
اس حملے کے دوران عبداللہ عبداللہ محفوظ رہے ہیں تاہم ان کے محافظ کو زخم آئے ہیں۔
پولیس کے مطابق یہ بم حملہ ایک ہوٹل کے باہر کیا گیا جہاں عبد اللہ عبداللہ انتخابی ریلی سے خطاب کے بعد واپس روانہ ہو رہے تھے۔ بم حملے میں دو افراد ہلاک اور 16 زخمی ہو گئے۔
عبداللہ عبداللہ ٹیلی ویژن پر ایک براہ راست پروگرام میں شریک ہوئے تاکہ وہ اپنے حامیوں کو یقین دہانی کروا سکیں کہ وہ بخریت ہیں۔
کسی گروپ نے اس حملے کی ذمہ داری قبول نہیں کہ تاہم طالبان نے رواں ہفتے ہی انتخابی عمل میں رخنا ڈالنے کی دھمکی دی تھی۔
صدارتی انتخابات کا دوسرا اور حتمی مرحلہ 14 جون کو ہو گا جس میں عبد اللہ عبداللہ اور اشرف غنی مد مقابل ہیں۔ کامیاب ہونے والا اُمیدوار صدر حامد کرزئی کی جگہ نظام حکومت سنبھالے گا۔
دونوں اُمیدوار ملک بھر میں انتخابی جلسوں سے خطاب کر رہے ہیں۔
متعللقہ خبریں
افغانستان کے صوبہ گور میں شدید بارشیں اور سیلاب جان لیوا ثابت ہو رہے ہیں
کل سے صوبے میں آنے والے سیلاب سے 50 افراد ہلاک اور درجنوں لاپتہ ہو گئے
