اسرائیل میں وزیراعظم بنجمن نیتن یاہو کے خلاف مظاہرے

اسرائیل میں وزیراعظم بنجمن نیتن یاہو کی حکومت پر "حماس کے ساتھ جنگ ​​بندی اور قیدیوں کے تبادلے کے معاہدے" کے لیے دباؤ میں اضافہ ہوتا جا رہا ہے۔

دارالحکومت تل ابیب میں کل رات تقریباً ایک سو  افراد   پر مشتمل  گروپ  سڑکوں پر نکل آیا  اور  سڑکوں کو ٹریفک کے لیے بند کر دیا۔

مظاہرین نے نیتن یاہو حکومت سے غزہ میں جنگ بندی اور قیدیوں کے تبادلے کو قبول کرنے کا مطالبہ کیا۔

مظاہرین وزارت دفاع کے سامنے جمع ہوئے، انہوں نے بینرز اٹھا رکھے تھے جن پر لکھا تھا کہ "قیدیوں کو آزاد کرو" اور "کوئی قیمت زیادہ نہیں ہے" اور حماس کے ساتھ فوری معاہدے کا مطالبہ کیا۔

اگرچہ اسرائیل کے انتہائی دائیں بازو کے وزراء تقریباً ہر روز رفح پر زمینی حملے کا مطالبہ کرتے ہیں، لیکن وہ قیدیوں کے تبادلے کو مناسب اہمیت نہ دینے پر تنقید اور احتجاج کا نشانہ بنتے ہیں۔

اسرائیلی حکام کے مطابق غزہ کی پٹی میں 130 سے ​​زائد اسرائیلی قیدی ہیں جن میں سے کچھ ہلاک ہو چکے ہیں۔