تیس ممالک برکس میں شامل ہونا چاہتے ہیں: پوٹن

روسی صدر ولادیمیر پوٹن نے اعلان کیا کہ تقریباً 30 ممالک برکس برازیل، روس، ہندوستان، چین اور جنوبی افریقہ میں شامل ہونا چاہتے ہیں۔

پوٹن نے روس کے بارے میں ایک تحریری بیان دیا ہے کہ وہ برکس میں 2024 کی مدت صدارت سنبھالے۔

پوٹن نے کہا کہ برکس نے ایک جیسی پالیسیوں کے ساتھ ریاستوں کی توجہ مبذول کروائی۔

یاد رہے کہ 15 ویں برکس سربراہی اجلاس میں منظور کیے گئے فیصلے کے مطابق، برکس اب 10 ممالک پر مشتمل ہے حال ہی میں مصر، ایران، متحدہ عرب امارات، سعودی عرب اور ایتھوپیا نے برکس میں نئے مکمل ارکان کے طور پر شمولیت اختیار کی ہے  اور یہ برکس کے بڑھتے ہوئے اختیارات کا مضبوط اشارہ ہے۔

پوٹن نے نشاندہی کی کہ وہ برکس میں روس کی مدت صدارت کے لیے "منصفانہ عالمی ترقی اور سلامتی کے لیے کثیرالجہتی کو مضبوط بنانا" کا نعرہ استعمال کریں گے ۔

 انہوں نے کہا کہ روایات کو محفوظ رکھتے ہوئے اور تنظیم کے پچھلے سالوں میں جو تجربہ حاصل ہوا ہے اس کی رہنمائی کرتے ہوئے ہم تمام ضروری اقدامات کریں گے تاکہ نئے شرکاء کو تمام سرگرمیوں میں ڈھالنے میں آسانی ہو۔

پوتن نے اس بات پر زور دیتے ہوئے   کہاکہ برکس میں شامل ہونے کے خواہشمند نئے ممالک کے بارے میں جائزہ لیا جائے گا ہم تقریباً 30 ممالک کی تیاری کا جائزہ لیں گے جو کسی نہ کسی طریقے سے برکس کے کثیر جہتی ایجنڈے میں حصہ لینا چاہتے ہیں۔

پوتن نے کہا کہ وہ بین الاقوامی اور علاقائی سلامتی کو درپیش چیلنجوں کا موثر جواب تلاش کرنے کے لیے رکن ممالک کو مشترکہ طور پر خصوصی اہمیت دیں گے۔

ولادیمیر پوتن نے اس بات پر زور دیا کہ اکتوبر 2024 میں کازان میں منعقد ہونے والی برکس سربراہی کانفرنس روس کی مدت صدارت کا نتیجہ ہوگی۔