انقرہ میں پاکستان کا یوم دفاع  و  شہدا جوش و جذبے اور جذبہ حب الوطنی سے منایا گیا

ترکیہ کے دارالحکومت انقرہ میں پاکستان کا یوم دفاع  و  شہدا جوش و جذبے اور جذبہ حب الوطنی سے منایا گیا۔

سفیر پاکستان کی رہائش گاہ پر   منعقد ہونے والی  اس تقریب میں بڑی تعداد میں اعلیٰ ترک سول اور فوجی حکام، سفارتکاروں ، میڈیا کے نمائندوںاور پاکستانی کمیونٹی  سے تعلق رکھنے والے افراد نے شرکت کی۔

سفیرِ پاکستان ڈاکٹر یوسف جنید نےاپنی رہائش گاہ پر  تمام مہمانوں کا فرداً فرداً استقبال کیا ۔

یومِ دفاع پاکستان کی تقریب میں  بھارتی افواج کی  1965 میں پوری طاقت کے ساتھ بین الاقوامی سرحدوں کو عبور   کرنے کی تمام  کوششوں کا ناکام بنانے  اور   مادر وطن کے دفاع میں اپنی جانوں کا نذرانہ پیش  کرنے والے  مسلح افواج اور شہداء کی بے مثال جرات کو خراج عقیدت پیش کیا گیا ۔

یومِ دفاع پاکستان کی اس تقریب میں ترک وزیر تجارت پروفیسر ڈاکٹر عمر بولات اور  چیف آف جنرل اسٹاف جنرل  متین گیوراک   نے مہمانِ خصوصی کی حیثیت سے اس تقریب میں شرکت کی۔

 سفیر پاکستان کی رہائش گاہ پر منعقد ہونے والے تقریب سے خطاب کرتے ہوئے سفیرِ پاکستان ڈاکٹر یوسف جنید نے  6 ستمبر کی اہمیت کو اجاگر کرتے ہوئے کہا کہ 16 روزہ جنگ نے یہ سبق چھوڑا کہ امن پسند، بہادر اور خوددار قومیں جو اپنے ملک کے لیے جانیں قربان کرنے کے لیے پرعزم ہیں انہیں طاقت اور جارحیت سے شکست نہیں دی جا سکتی۔

انہوں نے کہا کہ گزشتہ 76 برسوں میں پاکستان پر تین بڑی جنگیں  تھوپی گئی ہیں اور پاکستان  کو معتدد  جھڑپوں کا سامنا بھی کرنا پڑا ہے۔ سفیر نے مزید کہا کہ بھارت جموں و کشمیر پر اپنا غیر قانونی اور غیر اخلاقی فوجی قبضہ جاری رکھے ہوئے ہے اور بین الاقوامی قانون کے ہر اصول اور اقوام متحدہ کی سلامتی کونسل کی قراردادوں کے خلاف کشمیریوں کے حق خودارادیت سے انکار کر رہا ہے۔

سفیر پاکستان  نے کہا کہ  کہ پاکستان علاقائی امن و سلامتی کے لیے پرعزم ہے اور اس نے دہشت گردی کے خلاف عالمی مہمات اور پوری دنیا میں امن کے مشن میں نمایاں کردار ادا کیا ہے۔ سفیر پاکستان نے کہا کہ پاکستان تعمیری مصروفیات، مذاکرات اور پرامن بقائے باہمی کے ذریعے مسائل کے حل پر یقین رکھتا ہے ۔ انہوں نے اس موقع پر  ترک عوام اور حکومت کا پاکستان اور پاکستان کی حکومت کا بھر پور ساتھ دینے پر  شکریہ ادا کیا۔

تقریب سے خطاب کرتے ترکیہ کے وزیر تجارت  پروفیسر ڈاکٹر عمر بولات نے مثالی اور تاریخی دوطرفہ تعلقات،  بالخصوص فروغ پاتے دفاعی تعلقات اور دونوں ممالک کی مسلح افواج کے درمیان بہترین تعاون کو سراہا۔ انہوں نے اس بات پر زور دیا کہ سٹریٹجک  اور دو طرفہ تعلقات خطے  اور خطے سے باہر  امن و استحکام کو فروغ دینے کا ایک اہم عنصر ہیں۔

 اس موقع پر ترک مسلح افواج کے سربراہ  جنرل متین گیوراک نے پاکستان ترکیہ  سٹریٹجک پارٹنرشپ کو اجاگر کرتے ہوئے پاکستان کی مسلح افواج کے شہداء کی قربانیوں اور بہادری کو خراج تحسین پیش کیا۔

انہوں نے کہا کہ  پاکستانی قوم  ہر سال 6 ستمبر کو یوم دفاع پاکستان کی بہادر مسلح افواج کی قربانیوں، ان کی پیشہ ورانہ مہارت، لگن اور لگن کو خراج تحسین پیش کرتی ہے جس کے ساتھ انہوں نے قوم کی خدمت کی ہے۔ 1965 کی جنگ پاکستانی تاریخ میں غیر متزلزل قومی عزم، حوصلے، مضبوط عزم اور قربانی کے بے مثال جذبے کی علامت کے طور پر نمایاں ہے۔

سفیر پاکستان کی رہائش گاہ پر   منعقد ہونے والی  اس تقریب میں بڑی تعداد میں اعلیٰ ترک سول اور فوجی حکام، سفارتکاروں ، میڈیا کے نمائندوںاور پاکستانی کمیونٹی  سے تعلق رکھنے والے افراد نے شرکت کی۔