بولاری بیلیرسینیزمی؟ (26)
ایستانبول مودرن موزه‌سی"
بولاری بیلیرسینیزمی؟ (26)
"ایستانبول مودرن موزه‌سی"
ایستانبولدا بیر معاصر صنعت‌لر موزه‌سی اولدوغونو بیلیردینیزمی؟
ایستانبول مودر‌نین توخوم‌لاری، 1987-جی ایلده، 1-جی بین الخالق معاصر اینجه‌صنعت سرگی‌لرینده، بوگونکو آدییلا بین الخالق ایستانبول بینعلی-نده آتیلدی. آنجاق پروژه، 2003-جی ایلده 8-جی ایستانبول بینعلی-نده سس گتیردی. معمار سینان گؤزل صنعت‌لر آکادمیسی‌نین یانیندا یئر آلان گؤمروک دئپوسو، بینعلین اساس مکانی کیمی ایستیفاده ائدیلمیشدی. دؤورون باش ناظیری رجب طیب اردوغان دئپونون دایمی اولا‌راق ایستیفاده ائدیلمه‌سینی تصدیق ائدیب و 8000 مترمربعلیک آنبار بیناسی، معاصر بیر موزه‌یه چئوریلیب.
تورکیه‌نین ایلک مودرن و معاصر اینجه‌صنعت موزه‌سی اولا‌راق 14 ایل عرضینده فعالیت‌لرینی بو بینادا داوام ائتدیرن ایستانبول مودرن، می 2018 اعتباریله بئی اوغلون‌داکی موقتی مکانینا کؤچوب. موزه‌نین یئنی بیناسی تامام‌لانانا قدر 3 ایل عرضینده بوتون فعالیتینی قوصورسوز اولا‌راق داوام ائتدیرجگی موقتی مکانی، مدنیت و اینجه‌صنعتین قلبی بئی اوغلوندا یئر آلیر.
ایستانبول معاصر، مودرن و معاصر اینجه‌صنعت ساحه‌لرین‌دکی محصول‌لاری نوماییش ائتدیردیگی مدت‌لی و داوام‌لی سرگی سالون‌لاری، شکیل قالریسی، تحصیل و سوسیال پروقرام‌لاری، کیتاب‌خانا، سینما، کافه و ماغازاسی ایله صنعت‌سئورلره خیدمت وئریر. آیریجا دونیانین آپاریجی موزه‌‌لرینده حیاتا کئچیردیگی سرگی‌لرله ده تورکیه‌نین تقدیماتینا و مدنیت توریزمی‌نین غنیلشمه‌سینه قاتقی وئریر.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
