بولاری بیلیرسینیزمی؟(30)
بو گون دونیانین ان بؤیوک لاله اؤره‌تیمچی‌سی اولان هولنده لاله‌نین ایستانبول‌دان گئتدیگینی بیلیردینیزمی؟
بولاری بیلیرسینیزمی؟ (30)
"لاله"
نشر تاریخی
23.07.2019
بو گون دونیانین ان بؤیوک لاله اؤره‌تیمچی‌سی اولان هولنده لاله‌نین ایستانبول‌دان گئتدیگینی بیلیردینیزمی؟
لاله ایلک اولا‌راق آسیا‌دان تیجارت یول‌لاری بویونجا غربه دوغرو یاییلدی. سلجوق تورک‌لریله بیرلیکده آنادولویا گلن لاله، سلجوق‌لو باغچا‌لارینی و سارای دیوارلارینی بزه‌دی. عثمانلی دولتی‌نین یارانماسین‌دان سونرا دا لاله حیاتین هر ساحه‌سینی بزمه‌یه داوام ائتدی. پادشاه‌لارین کافتان‌لاردا، کؤینک‌لرینده، عسگرلرین دبیلقه، آت باش‌لیق‌لاریندا، سارای و مسجیدلرین دیوار بزک‌لرینده لاله موتیو‌لری ائدیلدی. 1453دکی فتح‌دن سونرا لاله‌نین یئنی گؤزده مکانی ایستانبول اولدو. کریمه، سوریه کیمی موختلیف یئرلردن گتیریلن لاله‌لردن یئنی نوع‌لر الده ائدیلیردی.
آوروپا نین لاله ایله تانیش اولماسی ایسه 16.یوز ایلین ایکینجی یاری‌سیندا‌دیر. موختلیف منبع‌لره گؤره لاله‌نین آوروپادا گؤرونمه‌یه باشلاماسی 1555-1562 تاریخ‌لری آراسینا تصادف ائدیر. اوتریش-ماجاریستان ایمپراتورونون قانونی سلطان سولیمان یانین‌داکی سفیری اوگیئر گیسلین ده بوسبق‌ین ایستانبول‌دان آوروپایا آپاردیغی بیتکی‌لر آراسیندا لاله سوغان‌لاری دا وار. لاله بوسبق‌ین دقتینی چکمیش و بو بیتکی‌نین سوغان نباتات متخصصی اولان دوستو کارل کلوسیوسا وئرمیش، یولداشی دا لاله‌نی هولند‌لی‌لره تانی‌دیر. و زامان ایچینده ایستانبول‌دان گئدن لاله‌لر هولندین میللی چیچگی حالینا گلیر.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
