بولاری بیلیرسینیزمی؟ (31)
فیلیقران /گوموش ایشچیلیغی، مینلرله ایل اول آنادولودا، ماردینده آنادان دوغموش بیر صنعت اولدوغونو بیلیردینیزمی؟
بولاری بیلیرسینیزمی؟ (31)
"فیلیقران"
فیلیقران /گوموش ایشچیلیغی، مینلرله ایل اول آنادولودا، ماردینده آنادان دوغموش بیر صنعت اولدوغونو بیلیردینیزمی؟
فیلیقران، نازیک قیزیل و یا گوموش مفتیلله، اوچ اؤلچولو اوبژه/شئی یاراداجاق شکیلده، موختلیف ناخیشلار یارادیلاراق ایشلمه صنعتیدیر. آنادولودا ماردینده دوغولموش و اینکیشاف ائتمیش بیر ال صنعتیدیر. فیلیقران، صنعتکار، ایشینده ایستیفاده ائدجگی هر جور ماتریالی اؤزو ائدر. بوتون پروسهدورلار بیتدیکدن سونرا اوستا، تاریخی و اؤز ایمضاسینی اثرین اؤنملی بیر یئرینه آتیر. ال قلمی ایله تانیتما پروسهسی، آز سایدا قالان ماردین اوستالارین بیر عنعنه اولاراق هله ده داوام ائدیر.
آرکولوژی تاپینتیلارا گؤره گوموش فیلیقران کئچمیشی میلاددان اوّل اوچ مین ایله قدر اوزانیر. بو صنعت، بیر عنعنه اولاراق مزوپوتامیا مکانیندا یاشایان سوریانیلر طرفیندن گونوموزه قدر چاتدیریلمیشدیر. عثمانلیلار زامانیندا بؤیوک ماراق گؤرن فیلیقران او تاریخلرده ده سوریانی-لرله عینیلشن بیر صنعت ساحهسی کیمی قبول ائدیلیردی. یاخین زامانا قدر ده عینی وضعیت اعتیبارلییدی. آنجاق سون ایللرده سوریانی-لرله بیرلیکده موسلمانلار دا بو صنعتله مشغول اولماغا باشلادیلار.