اؤزبکیستانین دیگر تورک جمهوریتلریله علاقه لری
"آوراسیا گوندمی"’ پروقرامی‌نین بو گونکو حیسه سینده اؤزبکیستانین دیگر تورک جمهوریتلریله علاقه لرینی قیمتلندیرجییک.
"آوراسیا گوندمی"’ پروقرامی‌نین بو گونکو حیسه سینده اؤزبکیستانین دیگر تورک جمهوریتلریله علاقه لرینی قیمتلندیرجییک.
تورکدیل‌لی دؤولت‌لرین امکداشلیق شوراسی‌نین باش کاتیبی باغداد امره یئو 8-11 فوریه 2021 تاریخ‌لری آراسیندا اؤزبکیستاندا بیر سیرا گؤروش کئچیردی. امره یئو اؤزبکیستان عالی مجلیسی سناتونون صدری تانزیلا ناربایئوا ایله اؤزبکیستان پارلامئنتی‌نین تورکپا-یا قوشولما پروسه سینی موذاکیره ائتدی. امره یئو اؤزبکیستانین خاریجی ایشلر، مدنیت، تاریم، اینواسیون و اینکیشاف ناظیرلری، اینفورماسیون تکنولوژی و ارتباطات، یاتیریم و خاریجی تیجارت ناظیرلری، گنج‌لر ایشلری آژانسی، فوتبول فدراسیونونون صدرلری ایله امکداشلیق مسئله‌لرینی ده موذاکیره ائتدی.
اؤزبکیستان حکومتی تورک جمهوریتلری ایله اینتگراسیون نامینه 10 فوریه 2021-جی ایل تاریخینده لاتین الیفباسی‌نین تامامیله قبول ائدیلمه‌سی اوچون یول خریطه‌سینی قبول ائتدی. قبول ائدیلمیش یول خریطه‌سینه گؤره، اؤزبکیستان 2023-جو ایل ژانویه نین 1-دک تامامیله لاتین الیفباسینا کئچیر.
اؤزبکیستان و قازاخیستان آراسیندا تورکیستان-چیمکنت-داشکند سرعت‌لی قاتار لاییحه‌سینی حیاتا کئچیرمک اوچون تئز-تئز دانیشیق‌لار آپاریلیر. بوندان علاوه، ایکی اؤلکه آراسیندا یئنی ماک تارال-داربازا دمیر یولونون اینشاسی دا گوندمده‌دیر. 16 فوریه 2021-جی ایلده اؤزبکیستان و قازاخیستانین تیجارت ناظیرلری سرحدده گؤروشه‌رک، بیرگه اینشا ائدیله‌جک "اورتا آسیا" اولوسلار آراسی تیجارت و اقتصادی امکداشلیق مرکزی‌نین وضعیتینی موذاکیره ائتدی‌لر.
اؤزبکیستانین خاریجی ایشلر ناظیری عبدالعزیز کاملوو 16-18 فوریه 2021 تاریخ‌لرینده تورکمنیستان، قازاخیستان و تاجیکیستانا سفر ائتدی. اؤزبکیستانین خاریجی ایشلر ناظیری بو اؤلکه‌لرین دؤولت باشچی‌لاری طرفیندن قبول ائدیلدی. خاریجی ایشلر ناظیری کامیلوو تورکمنیستان، قازاخیستان و تاجیکیستان پرزیدنت‌لریندن داشکندده "اورتا آسیا و گونئی آسیا: بولگه سل باغلیلیک، میدان اوخوما‌لار و فورصت‌لر" باش‌لیقلی اولوسلار آراسی کنفرانسین حیاتا کئچیریلمه‌سینه دستک اولما‌لارینی ایسته‌دی.
17 فوریه 2021-جی ایل تاریخینده اؤزبکیستان-ماجاریستان حکومتلر آراسی اقتصادی امکداشلیق کمیسیونونون 6-جی ایجلاسی بوداپست-ده کئچیریلدی. ایجلاسدا اؤزبکیستان باش ناظیری‌نین معاوینی، یاتیریم و خاریجی تیجارت ناظیری ساردور عمرزاکوو ون رهبرلیک ائتدیگی اؤزبکیستان نماینده هئیتی ایشتیراک ائتدی. ایجلاسدا ایکی اؤلکه‌نین تیجارت حجمی‌نین 2020-جی ایلده بیر اوولکی ایل ایله موقاییسه‌ده 50% آرتدیغی بیلدیریلدی. گؤروشون سونوندا اؤزبکیستان و ماجاریستان طرف‌لری آراسیندا بعضی امکداشلیق موقاویله‌لری ایمضالاندی. ائله همین گون بوداپست-ده ماجاریستان-اؤزبکیستان ایش فورومو کئچیریلدی. سفر چرچیوه‌سینده اؤزبکیستان جمهوریتی‌نین تاریم ناظیری جمشید خودژاو 16 فوریه 2021-جی ایلده بوداپست-ده تورک شوراسی نماینده‌لیگینی زیارت ائتدی.
اؤزبکیستان تورک جمهوریتلرینین گونئی آسیا اؤلکه‌لرینه آچیلان قاپی‌سی اولماق اوچون جهد گؤستریر. اؤزبکیستان افغانیستان‌داکی یاردیم‌لارینی آرتیردی. داشکند رهبرلیگی هیندوستان و پاکیستان باشدا اولماقلا گونئی آسیا اؤلکه‌لریندن اولان هئیت‌لرله گؤروش‌لری آرتیردی. اؤزبکیستانین بو چرچیوه‌ده اولوسلار آراسی بیر کنفرانس تشکیل ائتمک ایسته‌دیگینی ده یوخاریدا بیلدیردیک.
اؤزبکیستانین اعلان ائتدیگی علی شیر نوایی‌نین آنا‌دان اولماسی‌نین 850 ایللیگی تدبیرلری ایل بویو بوتون تورک جمهوریت‌لرینده قئید ائدیله‌جک. تورکسوی و تورک آکادمیسی بو ایستیقامتده ایلک فعالیت‌لری حیاتا کئچیردی. اولوسلار آراسی تورک آکادمیسی 2021-جی ایلی "علی شیر نوایی ایلی" اعلان ائتدی. خلاصه اولا‌راق اؤزبکیستانین تورک جمهوریتلریله علاقه‌لری گوج‌لنه‌رک داوام ائدیر. اؤزبکیستانین ایشتیراکی تورک جمهوریتلرینین اولوسلار آراسی تشکیلات‌لارینا گوج وئریر.
