2022-جی ایلده تورکیه-نین ساوونما صنایعسی
ستا – سیاست، اقتصادیات و جمعیت آراشدیرما‌لاری فوندونون آراشدیرماچی‌سی جان آجونون "2022-جی ایلده تورکیه-نین ساوونما صنایعسی" باش‌لیق‌لی مقاله‌سی...
ستا – سیاست، اقتصادیات و جمعیت آراشدیرما‌لاری فوندونون آراشدیرماچی‌سی جان آجونون "2022-جی ایلده تورکیه-نین ساوونما صنایعسی" باش‌لیق‌لی مقاله‌سی...
تورکیه ساوونما صنایعسی اولدوز کیمی پارلاماغا داوام ائدیر. سون ایللرده جدی یوکسلیش موشاهیده ائدیلن سئکتور 2022-جی ایلی ذیروه‌ده تاماملادی. تورکیه-نین ساوونما صنایعسی و هاواجیلیک سئکتورو 2022-جی ایلده 4،3 میلیارد دو‌لارلیق صادرات حیاتا کئچیریب. 2021-جی ایلده 3،2 میلیارد دو‌لارلیق صادرات ائتمکله او واختا قدرکی صادرات رئکوردو قیران تورکیه ساوونما صنایعسی و هاواجیلیک (هاواچی‌لیق) سئکتورو بونونلا دا بو ساحه‌ده یئنی رکوردا ایمضا آتیب.
آک پارتیا حکومتی‌نین ایلک دؤوروندن بری ایستراتژی سئکتور اولا‌راق گؤرولن تورکیه ساوونما صنایعسی و هاواجیلیک سئکتورو آددیم-آددیم گوجلنمه‌یه داوام ائدیر. سون ایللرده اولدوز کیمی پارلایان سئکتور یالنیز 2022-جی ایلده 4،3 میلیارد دو‌لارلیق صادرات حدینه چاتیب. بئله‌لیکله، 2022-جی ایل اوچون نظرده توتولان 4 میلیارد دو‌لارلیق صادرات مبلغی آرتیقلاماسی ایله حیاتا کئچیریلیب. 2021-جی ایلده اولدوغو کیمی "بایکار" شیرکتی سئکتورون صادرات لیدئری اولدو. مشهور"بایراکتار تب2" پیلوت‌سوز اوچوش آپارات‌لاری‌نین (پوا) اوره تیجیسی اولان شیرکت 2022-جی ایلده 1،18 میلیارد دو‌لارلیق صادرات حیاتا کئچیریب. تخمینن 50 میلیارد دو‌لارلیق بیر حجمه چاتان تورکیه ساوونما صنایعسی سئکتوروندا بیر چوخ شیرکت قلوبال لیگده ذیروه‌یه یوکسلیر. دونیانین بیر چوخ اؤلکه‌سینه صادرات شبکه‌سینی گئنیشلندیرمکله یاناشی، بیر چوخ تورک شیرکتی دونیانین ایلک 100 شیرکتی آراسیندا یئر آلیر. 7 تورک شیرکتی ساوونما صنایعسی ساحه‌سینده یوکسک کیفیت‌لی قلوبال رقابت سیاهی‌سینا داخیل اولوب. خصوصیله آسئلسان و تای کیمی تورک شیرکت‌لری چوخ بؤیوک اوغورلار الده ائدیرلر.
تورکیه خاریجی سیاستده موستقیل اولا‌راق اؤز ماراق‌لارینی مرکزده ساخلایا‌راق سیاست اورتایا قویارکن تأسف کی، باتلی متفیق‌لری طرفیندن چوخ جدی تحریم لره معروض قالدی. خصوصیله، سلاح تحریم لری تورکیه اوردوسونون قارشی‌سینی آلماق مقصدی داشیییردی. لاکین بو تحریم لر تورکیه-نین عزمینی گوجلندیردی، بونونلا دا تورکیه ساوونما صنایعسی‌نین اینکیشافینا تحفه وئردی. حاضیردا تورکیه اوردوسونون احتیاج‌لاری‌نین 80 فایزی میللی اوره تیم موسسه‌لری ایله اؤدنه بیلیر. سئکتور میلیاردلارلا دو‌لار صادرات ائده بیله‌جک توتوما صاحیب‌دیر. طبیعی کی، تورکیه-نی بو ساحه‌ده بنزرلریندن فرقلندیرن ان مهم خصوصیت اونون موناقیشه‌لرین ایچینده یئر آلماسی و گئنیش سرحدیانی حربی عملیات‌لار آپاران بیر اؤلکه اولماسی‌دیر. بئله‌لیکله، تورکیه بو ساحه‌ده نینکی احتیاج‌لارینی گؤرور، هم ده تولید ائتدیگی سلاح سیستم‌لرینی آکتیو شکیلده سیناق‌دان کئچیرمک و داها دا اینکیشاف ائتدیرمک ایمکانینا مالیک اولور.
خصوصیله سیها ساحه‌سینده تورکیه شیرکت‌لری محاربه‌نین ماهیتینی دییشدیره‌جک میقیاسدا یئنی‌لیک‌لره ایمضا آتا‌راق سئکتوردا بیرینجی یئری توتدو. عراق، سوریه، لیبیا و آذربایجان کیمی اؤلکه‌لرده ده سیها-لارا اساس‌لانان محاربه کونسئپسیا‌لاری اینکیشاف ائتدیریلرکن، سیها-لار میداندا یاراتدیق‌لاری افکتله دونیادا یئنی بیر فئنومئنه چئوریلدی. حاضیردا 30-دان چوخ اؤلکه تورکیه-نین سیها-لارینی آلیب؛ اونلارلا اؤلکه ده آلماق اوچون جهد گؤستریر. تورک سیها-لاری هم آسیمتریک، هم ده اننوی هدف‌لره قارشی اوغورلو اولان نادیر سیستم‌لردن بیری‌دیر.
بؤیوک دؤولت اولماق باخیمیندان تورکیه-نی گله‌جه‌یه داشییا‌جاق سئکتورلار آراسیندا ساوونما صنایعسی بیرینجی یئرده‌دیر. حاکمیت‌دکی حکومتین بو شعورلا سئکتورا دستکینی داوام ائتدیرجگینی پروقنوزلاش‌دیرماق اولار. تورکیه ساوونما صنایعسی ایداره‌سی 2053-جو ایله قدر تورکیه ساوونما صنایعسینی 100 فایز موستقیل حالا گتیرمگی و صادرات قابیلیتینی 50 میلیارد دو‌لارا چاتدیرماغی هدفلییر. آک پارتیا حکومتی 2003-جو ایلدن بو یانا سئکتورا جدی دستک وئرسه ده، خصوصیله سون دؤورده تورکیه-نین حربی صنایعسی ساحه‌سینده هرطرف‌لی ترانسفورماسیا پروسه‌سی یاشانیب. 2016-جی ایلده اوغورسوز چئوریلیش جهدیندن سونرا ساوونما صنایعسی‌نین پرزیدنتلیگین ترکیبینه داخیل ائدیلمه‌سی و "ساوونما صنایعسی ایداره هئیتی‌نین" یارادیلماسی دا بوندا تأثیرلی اولوب. اونا گؤره ده ساوونما صنایعسینده اینکیشافین و سرعتلنمه‌نین داها دا آرتاجاغی نظرده توتولور.
