اورتا دوغو-دا بؤیوک محاربهیه دوغرومو گئدیلیر؟
تورکیه سیاست، اقتصادیات و جمعیت آراشدیرمالاری فوندو – ستا-نین آراشدیرماچی-یازاری جان آجونون "اورتا دوغودا بؤیوک محاربهیه دوغرومو گئدیلیر" باشلیقلی مقالهسی...
تورکیه سیاست، اقتصادیات و جمعیت آراشدیرمالاری فوندو – ستا-نین آراشدیرماچی-یازاری جان آجونون "اورتا دوغودا بؤیوک محاربهیه دوغرومو گئدیلیر" باشلیقلی مقالهسی...
عراق، سوریه و اوردونیا اوچ بوجاغیندا ایستراتژی نقطهده اولان امریکانین "Tower 22" پایگاهی کامیکادزه اینسانسیز هاوا آراج لارین هدفی اولوب و ان آزی 3 امریکا عسگری اؤلوب، 35 عسگر یارالانیب. امریکایی شوکا سالان بو هوجومون فاعلی کیمی عراق-دا شیعه میلیسلرین یاراتدیغی قاناد تشکیلاتی ایسلامی مقاومت اؤنه چیخدی. جو بایدن هوجومدان سونرا حرکت کورسونو و نئجه جاواب وئرجگینی سئچمکده چتینلیک چکسه ده، اورتا دوغودا امریکا-ایران و اونلارین متفیقلرینین ایشتیراک ائدجگی بؤیوک بیر محاربهنین باشلایاییب-باشلامایاجاغی نامعینلیگینی قورویور.
اوکتبرین 7-ده "القصی طوفانی" عملیاتی ایله باشلایان و ایسراییلین غزه-ده سوی قیریم تجاووزونه قارشی ایران و اونون وکیللرینین باشلاتدیغی قارشیدورمالار حادثهلرین بولگهسل محاربهیه چئوریلیب-چئوریلمهیهجگی ایله باغلی ناراحاتلیقلاری آرتیریب. لاکین ایران-داکی حزب الله و دیگر عراق شیعه قروپلاری موناقیشهلرین داها نظارتلی شکیلده داوام ائتمهسینی تعمین ائتدیلر. حتی زامان-زامان ایسراییلین تخریباتچی حرکتلرینه قارشیدا "ایستراتژی صبیرله" نظارتلی شکیلده جاواب وئرمهیه اوستونلوک وئردیلر. بونون استثناسی کیمی یمن-دهکی انصارالله حرکاتینی و حوثی لری گؤسترمک اولار. قیرمیزی دنیز و بابل مندب بوغازینین ایسراییل و متفیقلرینین گمیلری اوچون باغلانماسی بؤیوک اسکالاسیا دئمک ایدی و امریکا بؤیوک بریتانیانین دستکی ایله یمنه قارشی هاوا عملیاتلاری کئچیرمهیه باشلادی.
آنجاق سون حادثه و امریکا حربی بازاسینین دا عراق، سوریه و اوردون اوچ بوجاغیندا هدف اولماسی یئنی بیر قیغیلجیم دئمکدیر. داها اول عراق-سوریه بؤلگهسیندهکی امریکا بازالارینا 200-ا یاخین هوجوم اولوب، لاکین بونلار اساساً سمبولیک هوجوملار و یالنیز امریکانی چتین وضعیته سالماق اوچون گوج نوماییشلری ایدی و ایندی ایسه بیرباشا امریکا عسگرلری اؤلدورولوب.
طبیعی کی، بایدن پروسهسین و بو ایداره اولونان موناقیشهلرین بوندان سونرا نئجه فورمالاشاجاغینا قرار وئرهجک. او، امریکا توپلومونون، خصوصاً ده جمهوریتچیلرین گوجلو تضییقی آلتیندادیر و بیرباشا ایرانا ضربه وورماق طلبلری گوندمدهدیر، لاکین سئچکیلره گئدن بیر اؤلکهده ایرانلا محاربهیه قرار وئرمک آسان مسئله دئییل. بو، بوتون اورتا دوغو و طبیعی کی، امریکا و متفیقلرینین ماراقلارینی تهدید ائدهجک جدی تهلوکه اولاجاق. بایدن احتیمال کی، داها محدود جزا واریانتلارینا باخیر کی، بئلهلیکله چوخ ضعیف گؤرونمهدن توپلوما بیر شئی تکلیف ائتسین، عینی زاماندا ایرانا قارشی چکیندیریجی تدبیرلر گؤرسون. چوخ گومان کی، ایرانا باغلی عنصورلر و اونلارین وکیللری عراق و سوریه-دهکی هاوا عملیاتلارینین هدفی اولاجاق. اونا گؤره ده حاضیردا بؤیوک محاربه احتیمالی هله چوخ یوکسک دئییل. آنجاق ایسراییلین غزه-نی ایشغالی و قتل عام لاری داوام ائتدیکجه، اورتا دوغودا هئچ کیم باریش ایچینده یاشایا بیلمهیهجک. بورایا امریکا و اونون متفیقلری داخیلدیر.