غزه-ده کؤرپهلر آجلیقدان اؤلور
تورکیه سیاست، اقتصادیات و جمعیت آراشدیرمالاری فوندو – ستا-نین آراشدیرماچی-یازاری جان آجونون "غزه-ده کؤرپهلر آجلیقدان اؤلور" باشلیقلی مقالهسی...
تورکیه سیاست، اقتصادیات و جمعیت آراشدیرمالاری فوندو – ستا-نین آراشدیرماچی-یازاری جان آجونون "غزه-ده کؤرپهلر آجلیقدان اؤلور" باشلیقلی مقالهسی...
"حماس" و دیگر فیلیسطین مقاومت قروپلارینین ایسراییله قارشی باشلاتدیغی "القصی طوفانی" عملیاتیندان سونرا ایسراییلین غزه-نی ایشغالی داوام ائدرکن، ایکی میلیون یاریم اینسانین یاشادیغی 360 کیلومتر مربع لیک زولاق هر طرفدن محاصیرهیه آلینماغا داوام ائدیر. ایسراییل بؤلگهنی هاوادان و قورودان هدف آلیر و سیویل اهالی قصداً قتله یئتیریلیر. یاردیملارین بؤلگهیه چاتماسینین قارشیسی آلینارکن، اینسانلار، خصوصیله اوشاق و کؤرپهلر آجلیقدان اؤلمهیه باشلاییب. دونیا ایسه بونا سادهجه تاماشا ائدیر.
ایسراییلین غزه-نی ایشغالی داوام ائدیر. شهرین 80 فایزی دئمک اولار کی، داغیدیلیب، تخمینن ایکی میلیون یاریم اینسانین یاشادیغی 360 کیلومتر مربع لیک زولاق هر طرفدن محاصیره یه آلینیب، 24 ساعات هاوادان و قورودان بومبالانیر. ایسراییل بونونلا کیفایتلنمیر و اینسانی یاردیمین گئنیش میقیاسدا بؤلگهیه چاتماسینا مانع اولور. بمت-نین سون معلوماتلارینا گؤره، غزه-نین قوزئیینده محاصیرهیه دوشن سیویل وطنداشلار حاضیردا آجلیق چکرکن، غذا چاتیشمازلیغی و سوسوزلوقدان چوخلو اوشاق و کؤرپه اؤلوب. اون مینلرله سیویل ساکینین قصداً بومبالارلا اؤلدورولدوگو بؤلگهده اینسانلار قیدا و سویا چاتا بیلمهدیکلرینه گؤره ایندی حیاتلارینی ایتیریرلر. و چوخ تأسف کی، بوتون بونلار دونیانین گؤزو قارشیسیندا باش وئریر. باتی دؤولتلری، خصوصیله امریکا ظاهرده وضعیتی خلاص ائتمک اوچون موختلیف بیاناتلار وئریپ، آددیملار آتسا دا، ایسرایلین ایشغال حرکتینی و قیرغینلارینی گئنیش میقیاسدا هم سیاسی، هم ده حربی جهتدن دستکلییر. خصوصیله امریکا آز قالا هر گون هاوا کؤرپوسو یاراداراق ایسراییله حربی مهمات داشییارکن بمت تهلوکهسیزلیک شوراسی کیمی قوروملاردا دا ایسراییلین لئهینه موضع توتماغا داوام ائدیر. نه قدر ده بایدن نتانیاهودان موختلیف طلبلر ایرهلی سورسه ده، آتشکسله باغلی ریتوریکا اورتایا قویسا دا پراکتیکادا ایسراییله دستکی داوام ائدیر.
غزه-ده تؤرهدیلن قیرغینلار او حده چاتیب کی، اوشاقلار و کؤرپهلر ایندی آجلیقدان و سوسوزلوقدان اؤلورلر. ایسراییلی دستکلهین باتی دونیاسی طبیعی کی، بوتون بو جینایتلرده اورتاقدیر. باتی دا قلوبال ویجدان حرکاتینین بیر حیسهسی اولان چوخلو اینسانلار وار و اونلار اؤز سؤزونو دئمکدن، آکسیالار تشکیل ائتمکدن چکینمیرلر. لاکین دؤولت سویهسینده سیاست دییشمیر.
نتانیاهونون دؤیوش کابینهسی "حماس"ی حربی یوللا محو ائدهجکلرینین فرقیندهدیر، اونا گؤره ده اونلارین اساس دقتی "حماس"ا دئییل، غزه-نی محو ائتمک، سیویل اهالینی قیرماق و اینسانلاری سینای یاریماداسینا دیپورت ائتمکدیر. تورکیه و گونئی افریقا کیمی اؤلکهلر بو شعورلا اللریندن گلنی ائتمهیه و ایسراییله قارشی ویجدان کوالیسیونو یاراتماغا جهد گؤستریرلر. لاکین نه ایسلام اؤلکهلری، نه ده دیگر اؤلکهلر ایسراییله قارشی چکیندیریجی آددیملار آتا بیلمیرلر. اولان غزه-دهکی دینج ساکینلره، اوشاقلارا و کؤرپهلره اولور.
بلکه ده ایرانی پارانتیزه اولماق لازیمدیر. ایران و اونون وکیل عنصورلری حزب الله و حوثی لر ایسراییله قارشی آشاغی شدتلی اولان حربی شرطلره اویغون رئاکسیالار گؤستریر. حوثی لرین قیرمیزی دنیز و بابل مندبی کسمهسی بو معنادا تأثیرلی گؤرونور، لاکین بو، ایسراییلی چکیندیرمک اوچون تک باشینا کافی بیر ایستراتژی دئییل. خصوصاً ده حزب الله محاربهنین اولینده چوخ سرت ریتوریکا ایرهلی سوروب، اگر ایشغال باشلاسا، ایسراییله قارشی بوتون گوجوموزله دؤیوشهجییک ریتوریکاسینا عمل ائتمهمکله گؤزلنیلندن خیلی آشاغی اولان بیر حربی عملیات اورتایا قویدو. طبیعی کی، امریکانین بؤلگهدهکی محکملندیریلمیش حربی مؤوجودلوغو و تهدیدلرینین ده بوندا تأثیرلی اولدوغو گؤرونور.
نتیجه اعتباری ایله ایسلام اؤلکهلری نه دیپلوماتیک، نه سیاسی، نه ده حربی باخیمدان ایسراییلی چکیندیرهجک هئچ بیر آددیم آتا بیلمهدیلر. باتی اؤلکهلری ایسه، خصوصیله امریکا و بؤیوک بریتانیا ایسراییلین قیرغینلارینا اورتاق اولاجاق شکیلده حربی و سیاسی دستک وئرمهیه داوام ائدیرلر.