گوندم آنالیز(51)
سوریه‌ده عملیاتا یول آچان پروسس و آمریکانین سوریه سیاستی
گوندم آنالیز(51)
تورکیه جمهور باشقانی رجب طیب اردوغانین آچیقلاماسی ایله تورکیه‌نین فراتین شرقینی پ.ک.ک/ی.پ.گ ترور تشکیلاتین‌دان تمیزلمه‌یه قارشی عملیاتی رسمن اعلان ائدیلیب. پرزیدنتین آچیقلاماسی سونراسیندا بؤلگه‌ده بیر چوخ حرکت باش وئردی، بو حالدا سوریه‌ده عملیاتا یول آچان پروسس و آمریکانین سوریه سیاستی ایله تورکیه‌نین آمریکایا تقدیم ائتدیگی واریانت‌لار اهمیت کسب ائدیر.
سئدا (سیاست، ایقتیصاد و توپلوم آراشدیرما‌لاری فوندو) آراشدیرماچی - یازار جان آچ-نین مسئله ایله باغلی قیمتلندیرمه‌سینی تقدیم ائدیریک.
تورکیه‌نین فراتین شرقینه قارشی حرکته کئچمه‌سینده منبیج چوخ اهمیت‌لی اولدو. خصوصیله عفرین حرکاتی سونرا دومینو تأثیری منبیج و فراتین شرقی گوندمه گلمیشدی. تورکیه حربی معنادا دا منبیجده دوغرو حرکته گلمه‌یه باشلامیشدی. آمریکا بونو گؤردوگو اوچون تورکیه ایله ماسایا اوتورماق مجبوریتینده قالدی و بیر یول پلانی اورتایا چیخاردی. بو یول پلانیندا بیرگه پاترول‌لارین باشلاماسی اما بونون خاریجینده ده ی.پ.گ-نین آغیر سیلاح‌لاری قویوب فراتین شرقینه چکیلمه‌سی و منبیجده یئرلی طایفه‌لاردان عبارت اولا‌جاق بیر مجلیسین یارادیلماسی لازیم ایدی، اما آمریکانین بو معنادا تورکیه‌نین باشینی قاتماغا چالیشدیغی، آغیر آددیم آتدیغی و ی.پ.گ-نین حاضیردا بؤلگه‌ده قالماغا داوام ائتدیگی گؤرولوب. بو وضعیت ایسه تورکیه‌نین آمریکایا اولان اعتیمادینی جیدی معنادا سیلکه‌له‌دی. خصوصاً پرزیدنتی رجب طیب اردوغانین آمریکایا یؤنلیک باخیشی‌نین یئنی‌دن فورمالاشماسینا یول آچدی. تورکیه، اگر من دیپلوماسی یولو آمریکا ایله برابر ی.پ.گ تهدیدینی مینیمیزه ائده‌میریک، اوزامان نیظامی اولا‌راق حرکته کئچمک چتین و نه قدر گؤزله‌سم بونون خرجی ده چوخ آرتا‌جاق منتیگی ایله حرکته کئچدی.
آمریکا سوریه‌دکی وارلیغینا دایر رسمی بیر نئچه اساس تقدیم. داعش ایله موباریزه، سونرا داعشین تکرار اورتایا چیخماسینی انگللمک، ایرانی بؤلگه‌دن چیخارماق و اسد رژیمینی بؤلگه‌دن اوزاق توتماق. تورکیه ایسه آمریکایا آلترناتیو اولا‌راق اورتایا قویور: پ.ک.ک هژومونیسی ایله عرب اها‌لی‌نین چوخ اولدوغو بؤلگه‌لرده نئجه ثابت‌لیک تامین اولونا‌جاق؟ اونسوز دا گؤروندوگو کیمی، منطقه‌ده ثابت‌لیک یارادیلمامیش‌دیر دئییل. هله ده ایران ایله چالیشان پ.ک.ک اوزرین‌دن ایرانا قارشی نئجه بیر نفوذ دایره‌سی یارادیلا‌جاق؟ اسد رژیمی ایله ایللر بویو چالیشمیش اولان ی.پ.گ ایله رژیم نئجه بؤلگه‌دن اوزاق توتولا‌جاق؟ 2011دن سونراکی پروسس‌ده، عین العرب، عفرین و قامیش‌لی بؤلگه‌لرینی و بیر چوخ سیلاحی ی.پ.گ-یه اسد رژیمی تحویل وئرمیشدی. آمریکا اورتایا کویدوگو اوچ هدفی پ.ک.ک اوزرین‌دن نایل اولا بیلمیر. تورکیه ایسه آمریکایا آلترناتیو اولا‌راق پ.ک.ک کیمی بیر ترور تشکیلاتی‌نین بیرگه بؤیوگونه ائدیلمه‌سینی، سوریه موخالیفتی‌نین قانونی اولا‌راق اورتایا قویدوغو سوریه موقتی حکومتی‌نین آلتیندا یارادیلان، عرب‌لر، تورکمن‌لر و کوردلردن عبارت اولان میللی اوردو ایله بیرلیکده فراتین شرقینده ثابیتلیگین برپا اولونماسینی تکلیف ائدیر. آمریکانین گیزلی گونده‌لیگی اولمادیغی تق‌دیرده، بو تکلیفه ایستی باخماسی لازیم‌دیر، اما تورکیه‌نین آمریکایا تقدیم ائتدیگی چیخیش یولونو آمریکانین رد ائتمه‌سی، آمریکانین سوریه‌دکی حقیقی مقصدلری‌نین نه اولدوغو نقطه‌سینده اؤنملی سوال ایشاره‌لری دوغورماقدا.
عمومی معنادا، تورکیه‌نین فراتین شرقینه قارشی عملیاتین اساس سببی‌نین آمریکانین سوریه سیاستی‌نین تورکیه‌نین امنیتینی تهدید ائتمه‌سینه باخمایا‌راق، آمریکانین تورکیه ایله دیپلوماتیک ساحه‌ده آپاردیغی موقاویله‌لره رعایت ائتممه‌سی و تورکیه‌نین تقدیم ائتدیگی آلترناتیو‌لره اولماماسی‌نین، تورکیه‌نین آمریکانین سوریه سیاستی‌نین مقصدلری ایستیقامتینده اندیشه‌لرینین آرتیریلماسی اولموش‌دور. تورکیه اؤز طالعینی اؤز الینه آلا‌راق، فراتین شرقینی پ.ک.ک/ی.پ.گ ترور تشکیلاتین‌دان تمیزلمه‌یه قرارلی‌دیر.
سئدا (سیاست، ایقتیصاد و توپلوم آراشدیرما‌لاری فوندو) آراشدیرماچی - یازار جان آچ-نین مسئله ایله باغلی قیمتلندیرمه‌سینی تقدیم ائتدیک.
