15 جولای خاین چئوریلیش جهدی و تورک دونیاسینین فتو ایله موباریزهسینین اؤنمی
تورک ایسلام آراشدیرمالاری مرکزینین رهبری، خزر بیلیم یوردونون معلمی دؤکتور تلمان نصرت اوغلونون "15 جولای خاین چئوریلیش جهدی و تورک دونیاسینین فتو ایله موباریزهسینین اؤنمی" باشلیقلی یازیسی
تورک ایسلام آراشدیرمالاری مرکزینین رهبری، خزر بیلیم یوردونون معلمی دؤکتور تلمان نصرت اوغلونون "15 جولای خاین چئوریلیش جهدی و تورک دونیاسینین فتو ایله موباریزهسینین اؤنمی" باشلیقلی یازیسی
اوزون ایللر بویو داوام ائدن پلانلی بیر استراتژی، آچدیقلاری تحصیل یووالاری اوزریندن حاضیرلادیقلاری بئیین و روحلاری اله کئچیریلمیش نسیللرله اوردو، تهلوکهسیزلیک بوروکرسیسی باشدا اولماقلا تورکیه و بوتون تورک-ایسلام عالمینین دؤولت قوروملارینا سیزاراق قرار وئریجی مکانیزملره حاکم اولماق، جمعیتین موختلیف طبقهلرینی هؤرومچک آغلارینین ایچینه چکمک ایستهین فتؤ-نون نئجه تهلوکهلی بیر تشکیلات اولدوغو 15 جولای خاین چئوریلیش جهدیله آچیق بیر شکیلده اورتایا چیخدی. خاریجی امپریالیست دایرهلر طرفیندن حمایه ائدیلن بو تشکیات، تاریخی اعتیباریله گئنیش جوغرافیالاردا محکم باغلاری بولونان، مارکا دیری اولان تورک آدی، تورک مکتبلری اوزریندن شبکهلشهرک فعالیتینی ایلدن ایله گئنیشلتمیش، قلوبال میقیاسداکی هدفلرینی حیاتا کئچیره بیلمک اوچون اولجه تورکیه دؤولتی و اقتدارینی اله کئچیرمگی باشلیجا وظیفهسی اولاراق گؤرموشدور.
سووئت دؤولتینین داغیلماسی ایکی قوطبلو دونیا رئاللیغینین دا سونونو گتیرمیش، تورک دونیاسی موستقیللیگینی الده ائتمیش، ژئوپولیتیک آنلامدا دا تورکیه-نین اؤنونده بؤیوک ایمکانلار آچیلمیشدی. بئله سیاسی شرایطده نهنگ بیر مدنیتی تمثیل ائدن، استراتژی بیر جوغرافیادا یئرلشن، سویداش، دینداش و اقرابا ساحه ایله بوتونلشمه احتیمالیندا قلوبال آکتیور کیمی وارلیق گؤسترمه پتانسیلی یوکسک اولان و تاریخ بویو دونیانین موختلیف جوغرافیالاریندا بؤیوک ایمپئراتورلوقلار قورموش تورک میللتینین تک گوجلو دؤولتینه صاحیب اولان تورکیه-نین دونیانین قرار وئریجیلرینین لیمانلارینا دمیرلنمهسی چوخ داها واجیب حالا گلمیشدی. تصویر ائتمهیه چالیشدیغیمیز قلوبال سیاسی منظره ایچینده بسلنهرک بؤیودولن فتو هم داخیلدن، هم ده خاریجدن تورکیه-نین چئورلنمهسی، نظارت آلتینا آلینماسی ایشینده ان اؤنملی آراج لاردان بیری اولموشدور.
بؤیوک اورتا دوغو پروژه لری ایله سوریه و عراق جبههسینده باش وئرنلر اساس اولماقلا ترور تشکیلاتلارینا بئله میدان آچیلاراق تورکیه-نین میللی تهلوکسزیلیگینه، اراضی بوتؤولوگونه تهلوکه تؤرهدهجک حادثهلر یاشانینجا باتی "متفیق"لرینین تهلوکهلی اویونونا قارشی تورک دؤولتینین حملهلری باشلامیش، خصوصی ایله آغ دنیزینه چیخیشی اولان ترور دؤولتی قورما پلانینا قارشی ان اوست پردهدن اعتراضلار اورتایا قویولموشدور. اردوغانین لیدرلیگیله سرگیلنن بو میللی دوروش، اونون اوزریندن تورکیه-نی داها مرکب و چتین برطرف ائدیله بیلهجک کشفیات عملیاتلارینین هدفی حالینا گتیرمیشدیر. اردوغانین حاکمیتدن اوزاقلاشدیریلاراق داها سؤزه باخان بیر اقتدارلا عوض لنمهسی ایشینده اساس وظیفه ایللر بویو دؤولتین موختلیف یاپی لارینا یئرلشدیریلن، اینسانلارین دینی دویغولاریندان ایستیفاده ائدهرک تشکیلاتلانیب مدیادان اقتصادیاتا چوخ بؤیوک بیر گوج حالینا گلن فتو-یه وئریلمیشدیر.
میت بحرانی، گزی پارکی نوماییشلریله باشلایان ایغتیشاش تشببوسو، 17- 25 دسامبر عملیاتی کیمی سیستملی کاراکتر آلان بوتون عملیاتلارین اساس هدفی البتده اردوغانی اقتداردان ائندیرمک ایدی. تورکیه-نین قلوبال آکتیور، موستقیل گوج مرکزلریندن بیرینی تمثیل ائدن اؤلکه کیمی میدانا چیخماسینی ایستمهین موستملکچی دایرهلر داخیل و خاریجدکی دیگر اویونچولارینی دا حرکته کئچیرمیش، ایستانبول و آنکارانین کوچهلرینده آرد-آردا بومبالار پارتلاماغا باشلامیشدی. آنجاق تورک دؤولتینین سیاستینی معینلشدیرنلر بو میللی دوروشو داوام ائتدیرهرک بوتون سدلری آشماقدا، سونونا قدر تهلوکهسیزلیک بوروکراسینی فتو-دان تمیزلمکده قرارلی اولونجا اوردو ایچیندهکی دئوشیرمه شبکهسی آغالارینین تعلیماتی ایله تورک خالقییلا اونون قهرمان اوردوسونو قارشی قارشییا گتیرمک اوچون سون و تهلوکهلی هوجومونو حیاتا کئچیرمک ایستمیشدیر. 15 جولای خاین چئوریلیش جهدی زامانی تورک بویوک میللت مجلیسی بیناسی باشدا اولماقلا دؤولت بینالاری دا بومبالانمیش، سینهسینی سیپر ائدهرک خیانتین قارشیسینی آلماغا چالیشان 249 معصوم اینسان شهید اولموش، ایکی میندن چوخ وطنداش یارالانمیشدیر.
15 جولای قورتولوش ساواشیندان سونرا تورک دؤولتینین قارشی-قارشییا قالدیغی ان جدی تهلوکهلردن بیری ایدی. آنجاق اؤنجهلیکله جمهور باشقانی اردوغانین سیاسی لیدرلیگی، دیرایتی سایهسینده تورک میللتی اوردوسو، پولیسی، ضیالیلاری، گنج لریله بوتؤو حالدا آیاغا قالخاراق دؤولتینی بو تهلوکهدن قوروموش، غبطه اویاندیراجاق بیر میللی ایراده نوماییش ائتدیرمیشدیر. تورک خالقی هم ده دموکراسی ساواشیندان غالیب چیخمیشدیر. چئوریلیشه جهد دؤورو، ائلهجه ده فتو-نون دؤولت و جمعیت حیاتیندان تمیزلنمهسی زامانی میدان چیخان کریپتو ( گیزلی) فتوجو قاورامی بو تشکیلاتین سیرادان بیر تشکیلات اولمادیغینی، اونونلا موباریزهده دؤولت آغلی و بیلگیسینین واجیب اولدوغونو دا اورتایا قویموشدور. اینسان حاقلاری، دموکراسی کیمی قاوراملاری اؤزونون سئویملی شعارینا چئویرن باتی دونیاسینین سسسیزلیک و مایوسلوق ایچینده تورک میللتینین او خاین چئوریلیش جهدینین قارشیسینی نئجه قهرمانلیقلا آلماسینی ایزلمهسی ده آیری بیر مؤوضوع دور. سونراکی دؤور امریکا باشدا اولماقلا باتی اؤلکهلرینین فتو-یا هر جور دستک وئرمهیه داوام ائتمهسی، خالقین اوزرینه آتش آچان، حربی طیاریله اؤلکهدن قاچان خونتاچیلارا سیغیناجاق وئرمهسی، فتح الله گولنی تورکیه-یه تحویل وئرمک بیر یانا دورسون امریکا و دونیانین فرقلی اؤلکهلریندکی مکتبلرینه مادی یاردیملار ائتمهسی بو شبکهنین ایمپریالزیمین اوزانتیسیندان باشقا بیر شئی اولمادیغینی گؤسترمیشدیر. بو تشکیلاتلانمانین قلوبال و شاخهلی کاراکترینی دقته آلدیغیمیزدا تورکیه ایله پارالل اولاراق دونیا چاپیندا، خصوصی ایله تورک-ایسلام عالمینده موباریزهنین نه قدر اؤنملی اولدوغو دا آنلاشیلماقدادیر. تورک دونیاسینین داها دا میللیلشمهسی، موستقیللشمهسی اوچون فتو کیمی گیزلی گوندمله باشقا اؤلکهلره خیدمت ائدن تشکیلاتلاردان تمیزلنمهسی شرطدیر. اونودولمامالیدیر کی، حیمایچی مرکزلرین باسقی سیندان چکینیلهرک سؤزوگئدن شبکهیه قارشی جدی موباریزه آپاریلمازسا زامانیندا تورکیه-دن تورک دونیاسینا یاییلدیقلاری کیمی بو سفر ده گوجلو اولدوقلاری تورک دونیاسیندان تورکیه-یه سیزماق، تورک دؤولتلرینین قرار آلیجی مخانیزملرینه یئرلشهرک تورکیه ایله علاقهلرین درینلشدیریلمهسینه مانع اولماق، تورک دونیاسینین بیرلیگینی سابوتاژ ائتمک احتیمالی بؤیوکدور.