تورک مطبخی (36)
چوبان قووورما
تورک مطبخی (36)
ت.ر.ت تورکیهنین سسی رادیوسوندا، تورک مطبخی پروقرامیندان هامینیزا سلاملار.
تورک یئمک مدنیتینه دایر قیسا معلوماتلار وئریب، تورک مطبخیندن رسپتلر وئریریک بو پروقرامدا.
-------
بو گون سیزلرله تورک مطبخینده تقریبن هر بؤلگهده، کیچیک نوانس و وسایل فرقلری ایله حاضیرلانان بیر ات یئمگی تعریفی پایلاشاجاغیق.
یئمگیمیزین آدی؛ چوبان قووورما.
آذربایجان تورکجهسینه ترجومه ائده بیلهجگیمیز چوبان قووورما حاضیرلاماسی آسان، لذتلی بیر یئمک. روایته گؤره؛ چوبانلار کندلریندن اوزاقدایکن بو یئمگی راحتجا ائده بیلدیکلری اوچون وئریلمیش بو آد.
اساساً ده بامادور و بیبرین بول و تزه اولدوغو یاز آیلاریندا داها دا بیر لذّتلی اولان چوبان قووورما تعریفینی ماراق ائدیرسینیزسه آرتیق وسایللریمیزی سایماغا گئچهبیلیریک.
------
چوبان قووورما ائتمک اوچون لازیم اولان وسایللریمیزی بئله؛
1 یئمک قاشیغی کره یاغی
1 یئمک قاشیغی گونه باخان یاغی
750 قرام قوزو کوشباشی ائت
15 - 20 هدد آرپاجیک سوغان
4 - 5 دیش ساریمساق
4 - 5 عدد ایتی بیبر
دوز
قارا بیبر
توز قیرمیزی بیبر
3 عدد بامادور
1 سو ایستکانی ات سویو
قورو ککلیک
1 سوغانین سویو
30 میلی آلما سیرکهسی
------
اتلری بیر قابین ایچریسینه قویون، اوزرینه سوغان سویو، آلما سیرکهسی، دوز قارا بیبر علاوه 20 دقیقه بو قاریشیغین ایچینده شکافدا گؤزلدین. بو آرادا گونهباخان یاغینی و کره یاغی تاوایا آلین و ایستیلدین. اتلری سوسون ایچینده ساخلاماقدان / مارینه ائتدیگینیز مایعدن چیخاریب، سوزهرک یاغدا 15 دقیقه اورتا آتشده قووورون. آردیندان آرپاجیک سوغان و ساریمساقلاری علاوه ائدین، 5 دقیقه داها سوتئلئیین/ قاریشدیرین.
ایری دوغرانمیش بیبرلری علاوه ائدین، 5 دقیقه داها سوتئلئیین/ قاریشدیرین. کیچیک دوغرادیغینیز بامادورلاری علاوه ائدین و بیر تور داها چئویرین. ائت سویونو و قورو ککلیکوتو خاریج دیگر ادویهلری ده علاوه ائدیب، اوجاغین آلتینی کیسین. اتلری قاپاغی باغلی اولاراق یوموشانا قدر تخمینن 40 دقیقه بیشیرین. اوجاقدان آلمادان قورو ککلیکوتو سپین. ایستی اولاراق سرویس ائدین. نوش اولسون ...
----
تورک مطبخی پروقرامیندا بو گون سیزلره تورک مطبخینین ان بیلینن و سئویلن اولماق یئمکلریندن بیر اولان "چوبان قووورما" تعریفی وئردیک.
بیر باشقا پروقرامدا بیر باشقا تورک لذتیله گؤروشمک اوچون خوشچاکالین.