تورک مطبخی (38)

تورک مطبخی (38)

-----

ت.ر.ت تورکیه‌نین سسی رادیوسون‌دان هامینیزا سلام عزیز اوخویوجولار. تورک مطبخی پروقرامیندا بو گون سیزلرله "قوزو اتلی، تروزلی گووئچ" تعریفی پایلاشاجاغیق.

تورکجه‌ده بیشمیش تورپاق‌دان دوزلدیلمیش قاپلامایا دا، بو قاقاپلاما ایچینده بیشن ضیافته ده "گووئچ/ساخسی" آدی وئریلیر. هر جور ات، تروز و یا باغلیاتی ساخسیدا بیشیرهبیلیرسینیز. تورپاق‌دان اولانین ایچینه قویولان وسایل‌لر عنعنوی اولا‌راق اودون بخاریسیندا بیشیریلمه‌سی کیمی الکتریک‌لی بوخاری و یا بیلاواسیطه اوجاغین اوستونده بیشیرمک. بیشیرمک اوچون هانسی واسطه ایستیفاده ائتسه‌نیز ائدین دقت ائتمیینیز لازیم اولان نقطه ساخسی ایچین‌دکی یئمک‌لرین نورما‌دان داها اوزون مدتده بیشیردی‌لر. بونون سببی ایسه تورپاق‌دان دوزلدیلمیش قاب‌لارین گئج ایسینیب گئج سویوماسی‌دیر. ساخسیدا بیشن یئمک‌لرین لذت‌لی اولماسی‌نین سیرری ده بورادا یاتیر اصلینده. بو گون سیزلرله تعریفینی پایلاشجاغیمیز "قوزو اتلی، تروزلی گووئچ" ده قوزو اتی‌نین تروزلرله بیرلیکده هارمونی ایچینده آغیر-آغیر بیشیردیگی لذت‌لی بیر یئمک.

---------      

تروزلی گووئچ ائتمک اوچون هر زامانکی کیمی اوّل لازیم اولان ماتریال‌لاریمیزی سایاق؛

700  قرام قوشباشی دوغرانمیش قوزو اتی

2  دانا اورتا بوی باش سوغان

4  دانا یاشیل بیبر

4  دانا بامادور

2  دانا بادیمجان

3  دانا اورتا بوی یئرآلما

1  دانا اورتا بوی یئرکؤکو

1  دانا اورتا بوی کدو

1  یئمک قاشیغی بامادور روبّ‌و

3  دیش ساریمساق

1  شیرین قاشیغی قورو ککلیکوتو

1  چای قاشیغی ایستیوت

کیفایت قدر دوز

یاریم چای ایستکانی زیتون یاغی

زامان گلدی، یئمیگمیزی حاضیرلاماغا. اوّل ایستیفاده ائدجگیمیز گووئچ‌ین ایچ اوزونو فیرچا کمکی ایله یاغلایین. آرزو ائتسه‌نیز گووئچ‌ین دیبینی بیر ساریمساقلا دا اووابیلیرسیز. بو شکیلده ساریمساق اتیری یئمک داها چوخ لذت وئره‌جک. ایلک اولا‌راق گووئچ‌ین ان آلت بؤلومونه اوِل اتلری سیرالایین. قورو سوغان‌لاری خالقا فورماسیندا دوغرایا‌راق، اتلرین اوزرینه قویون. اونلارین اوزرینده ایسه دوغرانمیش یاشیل بیبرلری یئرلش‌دیرین. بادیمجان‌لاری، کدونو و یئر آلمالاری دا اتله عینی بؤیوکلوکده اولا‌جاق شکیلده دوغرایین. ایستیوت اوستونه نؤوبه ایله اوّلجه یئر آلمالاری، سونرا بادیمجان‌لاری، ان سون ایسه کدو‌لاری قویون. گووئچین ان اوسته خالقا شکلینده دوغرانمیش بامادورلاری یئرلش‌دیرین. بامادور روبّونو بیر آز سو سولان‌دیراین. ایچینه ایستیوت، دوز، ککلیکوتو و زیتون یاغینی علاوه ائده‌رک، یاخشیجا قاریش‌دیرین. روبّ‌لو سوسو یئمگین اوستونه تؤکون. گووئچ اوجاغین اوستونه یئرلش‌دیرین و ضعیف اوددا بیر - بیر ساعات یتریم بیشیرین. اتلی گووئچ یئمگینی بیشیردیک‌دن سونرا ایستی اولا‌راق سرویس ائدین. عافیت اولسون.

----------

تورک مطبخی پروقرامیندا بو گون سیزلره "قوزو اتلی تروزلی گووئچ" تعریفی وئردیک. باشقا بیر وئریلیشده بیر باشقا تورک لذتی گؤروشمک اوچون ساغ اولون.