تورک مطبخی ( 39)
چرکس تویوغو
تورک مطبخی ( 39)
ت.رت تورکیهنین سسی رادیوسوندان، تورک مطبخی پروقرامیندان هامینیزا سلام. تورک یئمک مدنیتینه دایر قیسا معلوماتلار وئریب، تورک مطبخیندن یئمک تعریفلری وئریریک بو پروقرامدا.
---------
تورک مطبخی دونیانین نؤمرهلی مطبخلریندن بیریدیر دئسک هئچ ده سهو اولماز. اورتا آسیادان بالکانلارا قدر بیر چوخ مطبخین تأثیری واردیر، چونکی تورک یئمکلرینده. تورکلرین اورتا آسیادان آنادولویا کؤچ ائتمهلری باشلایان پروسئس، عثمانلی ایمپراتورلوغونون اورتا شرق و بالکانلارا قدر سرحدلرینی گئنیشلندیرمهسی بیر چوخ فرقلی لذتین و یئمگین بیر خالقادا چاتماسینا یول آچیر. بو سببله تورک مطبخی لازیم ایستیفاده ائدیلن ماتریاللار، ایسترسه ده بیشیرمه اصوللاری باخیمیندان چوخ زنگیندیر. آنادولو جوغرافیاسینا کؤچ ائدن موختلیف میللتلر و طایفهلار دا اؤز یئمه ایچمه مدنیتلرینی اؤزلری ایله گتیرهرک تورک مطبخینین زنگینلشمهسینه قاتقی وئرمیشلر. بو گون سیزلرله تعریفینی اولاجاغیمیز "چرکس تویوغو" دا بیر قافقاز بویو اولان چرکس-لرین تورک مطبخینه قازاندیردیغی بیر یئمک. عادتن سویوق اولاراق، مزه و یا اؤن یئمک اولاراق ییلن بو لذتلی بیر تویوق یئمگینی گؤزلورسونوز آرتیق تعریفیمیز وئرمهیه باشلایا بیلریک ."
-----------
چرکس تویوغو بیشیرمک اوچون اوّلجه لازیم اولان ماتریاللاری سایاق؛
تویوغو پؤرتمک اوچون؛
1 بوتون تویوق
1 دانا باش سوغان
1 دانا یئرکؤکو
5-6 ساپ آز جعفری
1 دانا کرویز ساپی
دوز
ایستیوت
چرکس تویوغونو بیشیرمک اوچون؛
250 قرام قوز ایچی
4-5 دیلیم بایات چؤرک ایچی
2 دیش ساریمساق
1 شیرین قاشیغی توز قیرمیزی بیبر
2 سو ایستکانی قدر تویوق سویو
-------
زامان گلدی، یئمگیمیزی حاضیرلاماغا. اؤنجه ت سوغان، یئرکؤکو، جعفری، کرویز، دوز و ایستیوت علاوه ائتدیگینیز سودا تویوغو اینادی کئچنه قدر قاینادین. پؤرتن تویوغو سودان چیخارین، سویویاندا دریسیندن و سوموکلریندن آییریب ال ایله کیچیک پارچالار حالیندا دیدین. بو آرادا قوز ایچیلری هونگنده یاخشیجا دؤیون و پارچالایین. بایات چؤرک ایچلرینی تویوق سویوندا اریتدیکدن سونرا و سویونو سیخیب قوزا علاوه ائدین. پروزسوز بیر قاریشیق اولانا قدر یاخشیجا قاریشدیرین و ازیلمیش ساریمساق ایله دوزو علاوه ائدین. 1 ¼ ایستکان ایلیق تویوق سویو علاوه ائدهرک قاریشیغی آریقلایین. کیچیک پارچالار حالیندا دیدیلمیش تویوقلاری بوشقابا آلین و اوزرینه قوزلو سوسو تؤکهرک تویوقلا سوسون یاخشیجا قاریشماسینی تامین ائدین. بیر قاشقین ترسی ایله اوستونو و کنارلارینی دوزلدین. اوزرینی قیرمیزی توز بیبرله بزهیهرک سویوق و یا ایلیق اولاراق سرویس ائدین. عافیت اولسون.
---------
تورک مطبخی پروقرامیندا بو گون سیزلره "چرکس تویوغو" تصویری وئردیک. باشقا بیر وئریلیشده بیر باشقا تورک لذتی گؤروشمک اوچون ساغ اولون.