تورک مطبخی (45)
آدانا کباب
تورک مطبخی (45)
ت.رت. تورکیهنین سسی رادیوسوندا، تورک مطبخی پروقرامیندان سلاملار.
تورک یئمک مدنیتینه دایر قیسا معلوماتلار وئرمک، تورک مطبخیندن رسپتلر وئریریک بو پروقرامدا.
اورتا شرق جوغرافیاسینین اولمازسا اولماز یئمکلریندن بیر ده کبابلار. عرب دیلینده "پیشمیش، قیزاردیلمیش" معناسینی وئرن کباب، لوغت مناسییلا بیرباشا اوددا و یا قاب ایچینده سوسوز اولاراق پیشیریلمیش ات یئمکلرینه وئریلن عمومی آددیر. شرق و اورتا شرق اؤلکهلرینده مشهور اولان کبابلار تورک مطبخیندن اولدوقجا فرقلی آچیقلاما اولوناراق، اؤزونه خاص بیر حالا چئوریلمیشدیر. تورکیهده تقریبا هر ویلایته عایید بیر کباب اولسا دا کبابییلا ان مشهور ایللر اؤلکهنین جنوب و جنوب-شرقینده یئر آلان ویایتلردیر. بوتون اؤلکهده عمومیتله "کبابچی" آدی وئریلن رستورانلاردا یئییلن کباب یئمکلری عایید اولدوغو ولایتین آدی ایله خاطیرلانار. بونلار ایچینده ان مشهور اولانلاردان بیر دنهسی ده "آدانا کباب" دیر.
تورکیهنین جنوب بؤلگهسینده یئرآلان و اؤلکهنین آلتینجی بؤیوک ویلایتی اولان آدانایا خاس بو کئبابا درهال درهال هر کئباپچیدا راست گله بیلرسینیز. بو مشهور کئباب ائوده ائدیب دادینا باخماق ایستیرسینیز بلکه دئیه بو گون پروقرامیمیزدا سیزلرله "آدانا کباب" تعریفی پایلاشاجاغیق.
"آدانا کباب" ائتمک اوچون اوّل لازیم اولان وسایللری سایاق؛
350 قرام دانا قیمه
300 قرام قوزو قیمه
1 دیش ساریمساق
2 عدد قورو سوغان
1 چای قاشیغی پول بیبر
1 چای قاشیغی قارا بیبر
1 یئمک قاشیغی آجی بیبر روبو
1/2 دسته جعفری
سیرا گلدی آدانا کبابی حاضیرلاماغا.
سوغانلاری کوپ کوپ دوغرایین. سویونو سوزهرک درین بیر قابا آلین. ساریمساقلاری ازهرک سوغانلارلا قاریشدیرین. قوزو قیمهسی و دانا قیمهسی قاریشدیراراق سوغان و ساریمساق قاریشیغی ایله هارمانلایین. پول بیبر، قارا بیبر و آجی بیبر روبّونو قاریشیغا یئدیرین. مایع یاغی علاوه ائدین. جعفریلری اینجه اینجه دوغرایین و قاریشیغا علاوه ائدین. خرجی سویودوجودا 2-3 ساعات قدر دینلندیری. فرین ایزقارا تئلینی قصابدان آلابیلهجگینیز قویروق یاغی ایله یاغلایین، یوخسا کره یاغی ایله ده یاغلایابیلیرسینیز. فرین 200 درجهیه ایستیلهدین. اتلی قاریشیغی یاستی شیشلره و یا چؤپلره کئچیرین. شیشلری ایزقارا تئلینین اوزرینه دوزون و فرده تخمینن 20-25 دقیقه پیشیرین. نوش اولسون!
تورک مطبخی پروقرامیندا بو گون سیزلره تورک مطبخینین اولمازسا اولمازلاریندان بیری اولان "آدانا کباب" تعریفی وئردیک. بیر باشقا پروقرامدا بیر باشقا تورک لذتیله گؤروشمک اوچون خوشچاقالین.