تورک مطبخی (47)
تورک قهوهسی
آنکارادان ت.ر.ت تورکیهنین سسی رادیوسوندا هامینیزا سلاملار ...
تورک مطبخی پروقرامی باشلادی!
قهوه ایچمک خوشونوزا گلیرمی؟ ساده، سودلو، فیلتر یا دا سودا اریین ...
سحر تئزدن اویانماق اوچون، گون اورتادان سونرا کئیف اوچون و یا نفیس بیر یئمگی تاچلاندیرماق اوچون ...
نه شکیلده اولورسا اولسون دونیادا هر گون 2.25 میلیارد فینجان قهوه مصرف ائدیلیر. شؤهرتی دونیایا یاییلمیش بیر ایچکی اولان "تورک قهوهسی" ده بو تورپاقلاردا ان چوخ مصرف ائدیلن قهوه نوعلریندن بیری ...
پیشیریلمسیله، سرویس اوصولویلا، ایچمه شکلیله حتی ایچدیکدن سونراکی فال ریتوئلیله اولدوقجا فرقلی بیر قهوهدیر تورک قهوهسی ...
آدی هر نه قدر تورک قهوهسی اولسا دا تورکیه تورپاقلاری اوزرینده قهوه یئتیشمز. بو قهوهنین تورک قهوهسی آدییلا خاطیرلانیر اولماسی تورکلرین گلیشدیردیگی فرقلی پیشیرمه اوصولو علاقهدار بیر وضعیتدیر.
آنادولو تورپاقلارینا قهوه ایلک دفعه 16. عصرده یمندن گلیر. قیسا زاماندا سئویلیر، منیمسنیلیر و یاییلار. باتی دونیاسینین قهوه ایله تانیش اولماسی دا تورکلرین سایهسینده اولور. 17. عصر باشلاریندا تورکیهیه گلن وندیکلی تاجیرلر، عثمانلیدا گؤردوکلری بو اتیرلی، کئیف وئریجی ایچکیسی آوروپایا گؤتورورلر. ایلک باشلاردا کوچهلرده ساتیلان قهوه، 1645-جی ایلده ایلک دفعه ایتالیادا بیر دوکاندا، یعنی کافهده ساتیلماغا باشلاییر. 18-جی عصرین ایلک ایللریندن اعتباراً ده قهوه آوروپادا یاییلماغا باشلاییر. قهوهنین اوتریشه گیرمه حکایهسی ده اولدوقجا ماراقلیدیر.
1683-جی ایلده وینی احاطه ائدن عثمانلی اوردوسو مغلوب اوغرایار و چکیلرکن گئریده چوواللار دولوسو قهوه بوراخار. اوتریشلیلر، چوواللاری ایچیندکی قهونی، باشلانغیجدا حیوان یئمی ظن ائدرلر. عثمانلیلاری تانییان جورج کولجیجکیج/ Georg Kolschitzky، بو چوواللاری اؤزونه وئریلمهسینی ایستییر و اونلاری سرمایه ائدهرک وینده قهوه ایچیلن بیر یئر آچار. بئلهجه اوتریشلیلر ده قهوه ایله تانیش اولموش اولور.
-----
16. عصردن بری عینی اصوللارلا حاضیرلانان و تقدیم ائدیلن تورک قهوهسینین تورک مدنیتینده اؤزل بیر یئری واردیر. قوموم هر سویهسیندن اینسانی اورتاق مخرجده گؤروشدورن قهوه، ان اهمیتلی ایجتیماعیلشمه واسطهلریندن ده بیریدیر. بیریله قارشیلیقلی ایچیلن قهوه، کافهنین ایچهرن قهونی بیر مایعدن چوخ داها چوخونو ایفاده ائدر.
بیر فینجان قهوه کیمی زامان گؤزل بیر صحبت، کیمی زامان پایلاشیلان بیر درد، کیمی زامان دا گلهجکله علاقهدار بیر خبردیر. نئجه می؟ مشهور بیر عنعنه اولاراق، قهوهنی ایچدیکدن سونرا، فینجان ترس چئوریلیر و بیر دیلک توتولور. داها سونرا فینجان قابینین اوزرینه ترس بیر شکیلده قویولور و سویوماغا بوراخیلار. فینجان تامامیله سویویونجا آچیلیر قهوه فینجانینین ایچیندکی شکیللر فالچیلیق قایدالارینا گؤره اولونار، گلهجکله علاقهدار کهانتلرده بولونولور.
تورک قهوهسی ایله علاقهدار بو قدر معلومات کؤچوردوکدن سونرا ماراق ائدنلر اوچون بیر ده نئجه ائدیلدیگینی ایضاح ائدک ایستهسهنیز.
--------
تورک قهوهسی تخمینن 70 میللی لیتیرلیک کیچیک فینجانلاردا ایچیلیر و بو فینجانلار اؤلچو اولاراق ایستیفاده ائدیلر. قهوه حاضیرلاماق اوچون لازیم اولان وسایللر بئله؛
-1 چای قاشیغی توز قهوه (اگر تاپا بیلسهنیز حاضیر چکیلمیش اولانلاری ایستیفاده ائده بیلرسینیز.)
-1 قهوه فینجانی سو -شکر (1/3 ایله 1 شیرین قاشیغی آراسی)
تورک قهوهسینین حاضیرلانما شکلی اولدوقجا آیرینتیلیدیر.
اوّلجه، اگر حاضیر اولاراق آلمادینیزسا، تزه قوورولموش کیفیتلی قهوه توملاری توز حالینا گتیریلیر. سونرا قهوه جئزوه آدی وئریلن اؤزل قهوه پیشیرمه قابینا قویولار. اگر جئزوهلرین یوخسا سود قیزدیرماقدا ایستیفاده اوزونجا بیر قاب دا عینی ایشی گؤرور. قهوهنین اوزرینه سویوق سو و شکر علاوه ائدیلیر. بورادا شکر موضوعسویلا علاقهدار ده اطرافلی معلومات وئرمک یئرینده اولور. چونکی تورک قهوهسینین شکری پیشیریلیرکن قویولور، پیشدیکدن سونرا بیر داها اصلا نه شکر نه ده سود علاوه اولماز! قهوه علاوه شکره گؤره دؤرده آیریلیر؛ ساده، آز شکرلی، اورتا و شکرلی. ساده قهوهیه شکر علاوه اولماز. آز شکرلی اوچون 1/3 شیرینی قاشیغی، اورتا قهوه اوچون 2/3 شیرینی قاشیغی و شکرلی قهوه اوچون 1 شیرینی قاشیغی، بلکه بیر آز داها چوخ، شکر قویمانیز لازیمدیر. ایندی قهوهمیزی پیشیرمهیه قالدیغیمیز یئردن داوام ائدک؛ جئزوهیه قویولان قهوه، شکر و سو یاخشیجا قاریشدیریلیر و اوجاغین اوستونه قویولور. آز آتشده اوستوندکی کؤپوک یونگولجه گؤپورنه قدر تخمینن 3-4 دقیقه پیشیریلیر. قهوه کؤپورونجه کؤپوگو بیر بؤلوو فینجانا تؤکولور. چونکی قهوه نه قدر کؤپوکلویسه او قدر یاخشی اولدوغو دوشونولر. جئزوه یئنیدن آتشه قویولار و قهوه قاینایینجا فینجانا بوشالدیلیر.
یانیندا بیر ایستکان سو و تورک لوکومویلا بیرلیکده خیدمت ائدیلیر. نوش اولسون!
تورک مطبخی پروقرامیندا بو گون سیزلره تورک قهوهسیندن سؤز ائتدیک. بیر باشقا پروقرامدا بیر باشقا تورک لذتیله گؤروشمک اوچون خوشچا قالین.