تورک مطبخی
ائزو گئلین آشی
تورک مطبخی (49)
یایین تاریخی 03 - 09 دسامبر 2019
ت.ر.ت تورکیه‌نین سسی رادیوسوندا، تورک مطبخی پروقرامین‌دان سلاملار.
تورک یئمک مدنیتینه دایر قیسا معلومات‌لار اؤتورمک، تورک مطبخین‌دن تعریف‌لر وئریریک بو پروقرامدا.
آش‌ین یئری تورک مطبخینده چوخ اؤزل‌دیر. موسوم‌دن موستقیل اولا‌راق یئمه‌یه آشلا باشلاماق ایسه عمومی بیر آلیشقانلیقدیر. هم ده زنگین یا دا کاسیب، کندلی و یا شهرلی توپلومون هر قروبوندا. فرق‌لی مدنیت‌لرده عمومیتله آخشام یا دا گونورتا یئمک‌لرینده تقدیم ائدیلن آش، تورک مطبخینده هر وعده یئییله‌بیلر. صاباح قهوه آلتیندا/ قئیلان آلتی/ قلیان آلتی آش ایچه‌رک گونه باشلاماق، خصوصیله کند یئرلرینده، اولدوقجا مشهور بیر آلیشقانلیقدیر. بو گون بیز ده سیزه تورک مطبخینه خاص، بورام بورام آنادولو قوخوسو وئرن بیر آش اوچون تعریف وئرجگیک.
آشمیزین آدی "ائزو گئلین" آشی ". آدینی تورکیه‌نین جنوب-شرقین‌دکی غازی آنتپ‌ده یاشامیش اولدوغونا اینانیلان "ائزو گئلین" آدلی قادین‌دان ائتدیگینه اینانی‌لار بو آش‌ین. آنا وسایلی قیرمیزی مرجیمک اولان بسلییجی، لذت‌لی و حاضیرلاماسی اولدوقجا پراکتیک بیر آش "ائزو گئلین" آشی.
اگر حاضیرسینیزسا آشمیزین تعریفینی وئرمه‌یه کئچه بیلریک آرتیق.
"ائزو گئلین آشی" ائتمک اوچون اوّل -هر زامانکی کیمی-لازیم اولان وسایل‌لری سایاق؛ 1 ½ ایستکان قیرمیزی قیرمیزی مرجیمک
3 یئمک قاشیغی دوگو
2 یئمک قاشیغی یارما
1 عدد قورو سوغان
1 چای قاشیغی بامادور روبّو
1 یئمک قاشیغی کره یاغی
6 سو ایستکانی ایستی سو
1 چای قاشیغی نعناع
1 چای قاشیغی دوز
سرویس اوچون:
1/2 عدد لیمون سویو
1 چای قاشیغی قیرمیزی بیبر
سیرا گلدی "ائزو گئلین" آشینی پیشیرمه‌یه.
اوّلجه مرجیمگین آغ سویو گئدنه قدر بول سودا یاخشیجا یویون. ایستی سویو گئنیش بیر قازاندا قاینادین. یویوب سویونو سوزدوردوغونوز قیرمیزی مرجیمگین قازانا کؤچورون. اوزرینه 3 یئمک قاشیغی دوگو 2 یئمک قاشیغی یارما و 1 چای قاشیغی دوز علاوه ائدین. تخمینن 35 دقیقه، قیرمیزی مرجیمکلری یوموشایانا قدر پیشیرین. آیری بیر تاوادا 1 یئمک قاشیغی یاغ اری‌دیر. اوزرینه 1 عدد کوپ دوغرانمیش قورو سوغانی علاوه ائدین و قووورماغا باشلایین. قوورولان سوغان‌لارا اؤنجه1 چای قاشیغی بامادورروبّو، سونرا دا 1 چای قاشیغی نعناع علاوه ائدین. هامی‌سینی بیرلیکده 2 دقیقه داها قووورون. قوورولان سوسونوزو اوجاق‌دان آلین. مرجیمگین قایناتدیغینیز قازانا قوورولان روبّ‌لو سوغان قاریشیغی علاوه ائدین. سونرا سرعت‌لیجه قاریشدیردیغینیز آشینی 10 دقیقه داها پیشیرین. اوزرینه لیمون سویو و قیرمیزی بیبر علاوه ائده‌رک ایستی اولا‌راق سرویس ائدین. نوش اولسون!
تورک مطبخی پروقرامیندا بو گون سیزلره تورک مطبخی‌نین اونودولمازلاریندان بیری اولان "ائزو گئلین آشی"نین تعریفینی وئردیک.
بیر باشقا پروقرامدا بیر باشقا تورک لذّتیله گؤروشمک آرزوسویلا ساغلیقلا قالین.
