پیتر سیارتونون اورتا آسیا جمهوریتلرینه سفری
ماجاریستانین اورتا آسیا جمهوریتلری ایله ایلیشکیلری تورک دؤولتلری تشکیلاتی چرچیوهسینده گلیشیر
ماجاریستانین خاریجی ایشلر و تیجارت باخانی پیتر سیارتو ۳-۴ می ۲۰۲۲.جی ایل تاریخلرینده اورتا آسیا جمهوریتلرینه سفر ائتمیشدیر. پیتر سیارتونون اورتا آسیا سفری زامانی ایلک سفر ائتدیگی اؤلکه قازاقیستان اولودو. سیارتو نور سلطاندا قازاقیستان پرزیدنتی قاسم جؤمرت توکایئو طرفیندن قبول ائدیلدی. گؤروشمهده توکایئو ماجاریستانلا امکداشلیغین اینکیشافینا بؤیوک اؤنم وئردیگینی بیلدیردی. ماجاریستانین خاریجی ایشلر و تیجارت باخانی اؤلکهسینین قازاقیستانلا استراتژیک اورتاقلیغی مؤحکملهندیرمک ایستدیگینی بیان ائتدی. سیارتو، قازاقیستانا سفری چرچیوهسینده قازاقیستانین باشباخانی موعاوینی و خاریجی ایشلر باخانی مختار تیلئوبئردی ایله گؤروشدو. طرفلر ایکی اؤلکهنین تیجارت-اقتصادی امکداشلیغینی موذاکیره ائتدیلر.
۳میده پیتر سیارتو قیرقیزیستاندا اولدو. بیشکئکده قیرقیزیستان پرزیدنتی سادیر چاپاروو سیارتونو قبول ائدرک، قیرقیزیستان-ماجاریستان ایلیشکیلرینین، استراتژیک اورتاقلیق و دوستلوغون مؤحکملهنمهسینه خیدمتلرینه گؤره اونا «دوستلوق» نیشانی تقدیم ائتدی. جاپاروو، قیرقیزیستان وطنداشلارینین اوکراینادان چیخاریلماسیندا پیتر سیارتونون بؤیوک قاتقی وئردیگینی وورغولادی. ماجاریستانین خاریجی ایشلر و تیجارت باخانی سفری چرچیوهسینده قیرقیزیستانین خاریجی ایشلر باخانی ژنبک کولوبایئو و قیرقیزیستانین اقتصاد و تیجارت باخانی دانیار آمانگلدیئو ایله گؤروشدو. بوندان علاوه، سؤزوگئدن سفر چرچیوهسینده بیشکئکده قیرقیزیستان-ماجاریستان استراتژیک شوراسینین ایکینجی توپلانتیسی گئچیریلدی. گؤروشمهده ماجاریستان و قیرقیزیستان آراسیندا اقتصاد و تیجارت، تحصیل، مدنیت و نقلیات ساحهلرینده امکداشلیق موذاکیره اولوندو.
ماجاریستانین خاریجی ایشلر و تیجارت باخانی سیارتو داها سونرا بیشکئکدن داشکنده گئچدی. ۴ میده پیتر سیارتو باشقانلیغی ایله اؤزبکیستان-ماجاریستان حؤکومتلرآراسی کمیسیونونون ۷.جی توپلانتیسیندا اؤزبکیستان باشباخانینین موعاوینی، یاتیریمچیلار و خاریجی تیجارت باخانی سردار اومورزاکوو ایشتیراک ائتدی. گؤروشمهده اکینچیلیک، درمانچیلیق، انرژی، غذا و تحصیل ساحهلرینده امکداشلیق موذاکیره اولوندو. پیتر سیارتو خاریجی ایشلر باخانینین موعاوینی ولادیمیر نوروولا دا گؤروشدو.
*
روسیا اوکراینایا هوجوم ائدنده ماجاریستان اورتا آسیالیلارین اؤز اؤلکهلرینه قاییتماسینا کؤمک ائتمکله اؤز قارداشلیق بورجونو یئرینه یئتیردی. سیارتونون بیشکئک سفرینده، ماجاریستانین ویززایر شیرکتی بوداپست-بیشکئک اوچوشلارینا یاخیندا باشلایاجاغی دا بیلدیریلدی.
ماجاریستان حکومتی هر ایل ۵۰۰دن چوخ اورتا آسیالی اؤیرنجییه اؤز تحصیل قوروملاریندا تحصیل آلما حاقی وئریر. ماجاریستاندا بورسلا تحصیل آلان اورتا آسیالی اِؤیرنجیلرینین ساییسی ایلدن ایله آرتیر. مثلاً، سیارتونون سونونجو سفری زامانی ماجاریستان حکومتینین قیرقیزیستانا آییردیغی بورس سهمیهسی ۱۵۰دن ۲۰۰ نفره قالدیریلدی.
ماجاریستانین اورتا آسیا جمهوریتلری ایله ایلیشکیلری ده تورک دؤولتلری تشکیلاتی چرچیوهسینده گلیشیر. ماجاریستانین تورکسوی، اولوسلارآراسی تورک آکادمیسی و تورکپا کیمی اولوسلارآراسی تشکیلاتلارلا داها یاخین امکداشلیق یئریتمهسی اورتا آسیا جمهوریتلری ایله امکداشلیغینی گوجلهندیرهجک. گوندمده ویشگراد قروپونون تورک دؤولتلری تشکیلاتی و اورتا آسیا جمهوریتلری ایله امکداشلیغینی گلیشدیرمهسی ده وار.
ایکیلی ایلیشکیلرین قورولماسینین ۳۰.جو ایلدؤنومونده بوداپستین اورتا آسیا جمهوریتلری ایله ایلیشکیلری یئنی بیر سویهیه یوکسلمیشدیر. ویکتور اوربانین رهبرلیگی ایله فیدس پارتیسینین یئنیدن اقتدارا گلمهسی یاخین گلهجکده ماجاریستان-اورتا آسیا ایلیشکیلرینین داها دا اینکیشاف ائدجگینه ایشاره ائدیر.
آوراسیا گوندمی - ۳۷
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی