تۆرکمنیستان جمهورباشقانی سردار بردی‌محمدووون روسیا سفری
جمهورباشقانی بردی‌محمدووون ایلک رسمی سفرینی روسیایا ائتمه‌سی، طرفسیز خاریجی سیاست آپاران عشق‌آباد یؤنتیمینین خاریجی سیاست‌ده اؤنجه‌لیک وئردیگی اؤلکه‌لردن بیرینین ده روسیا اولدوغونو اورتایا قویور
تۆرکمنیستان جمهورباشقانی سردار بردی‌محمدوو، ۱۰ ژوئن ۲۰۲۲.جی ایل تاریخینده روسیا فدراسیونونا رسمی سفرده گئرچکلشدیردی. تۆرکمنیستان جمهورباشقانی سردار بردی‌محمدوو کرملینده روسیا جمهورباشقانی ولادیمیر پوتینله گؤروشدو. ایکی اؤلکه جمهورباشقانلارینین دار و گئنیشله‌دیلمیش فورماتدا گؤروشمه‌لری اولدو. روسیا جمهورباشقانی ولادیمیر پوتین، سردار بردی‌محمدووون تۆرکمنیستانا سفر تکلیفینی قبول ائتدیگینی بیلدیردی. دانیشیقلارین سونوندا ایکی اؤلکه آراسیندا ۱۵ آنلاشما ایمضالاندی. بونونلا دا ایکی اؤلکه آراسیندا ایندیه دک ایمضالانمیش آنلاشما‌لارین ساییسی ۳۰۰ اولدو. جمهورباشقانی سردار بردی‌محمدووون تۆرکمنیستان جمهورباشقانی کیمی ایلک خاریجی رسمی سفرینی روسیایا ائتمه‌سی ایکیلی و بؤلگه‌سل ایلیشکی‌لر باخیمیندان اؤنملیدیر.
مطبوعات نماینده‌لری اوچون تشکیل ائدیله‌ن توپلانتیدا روسیا جمهورباشقانی ولادیمیر پوتین، تۆرکمنیستان جمهورباشقانی سردار بردی‌محمدووا دوستلوق نیشانی تقدیم ائتدی. پوتین روسیا-تۆرکمنیستان استراتژیک ایلیشکیلرینین درینلشدیریلمه‌سینی نظرده توتان بیاننامه‌نی ایمضالادیقلارینی دا وورغولایاراق، گئچه‌ن ایل اورتاق تیجارت حجمینین ۸۶۵ میلیون دلار اولدوغونو بیلدیردی. جمهورباشقانی بردی‌محمدوو پاندمی دؤورون‌ه گؤندریله‌ن واکسنلره گؤره روسیایا تشکور ائتدی.
روسیا-تۆرکمنیستان ایلیشکیلری موختلیف پلتفورملاردا گلیشیر. مثلاً، ۱۲-۱۳ می ۲۰۲۲.جی ایل تاریخلرینده عشق‌آباددا ۱.جی اورتا آسیا-روسیا پارلمانلارآراسی فورومو و ۱.جی اورتا آسیا-روسیا قادینلارین دیالوگونون گئرچکلشدیریلدیگینی خاطیرلادماقدا فایدا وار.
*
سردار بردی‌محمدوو ۲۰۲۲.جی ایل ۱۲ مارسدا ائدیله‌ن سئچیمده جمهورباشقانی سئچیلدیکدن سونرا جمهورباشقانی اولاراق ایلک دفعه ۱-۲ ژوئن ۲۰۲۲.جی ایلده سعودی عربیستانا سفر ائتدی. هم عبادت هم ده تیجارت آماجی داشییان بو سفر تۆرکمنیستانین یئنی جمهورباشقانینین عرب یاتیریملارینا اؤزل اؤنم وئردیگینی گؤستریر.
جمهورباشقانی بردی‌محمدووون ایلک رسمی سفرینی روسیایا ائتمه‌سی، طرفسیز خاریجی سیاست آپاران عشق‌آباد یؤنتیمینین خاریجی سیاست‌ده اؤنجه‌لیک وئردیگی اؤلکه‌لردن بیرینین ده روسیا اولدوغونو اورتایا قویور. تۆرکمنیستان جمهورباشقانی یوردایچی و یورددیشی سفرلرینده روسلار طرفیندن اۆره‌تیلن و ولادیمیر پوتینین ده قوللاندیغی آئوروس سنات لیموزین آراباسی قوللانیر.
تۆرکمنیستانین انرژی و نقلیات کیمی استراتژیک ساحه‌لرینده روسیانین جدی یاتیریملاری وار. بو اؤلکه‌لر اولوسلارآراسی گونئی-قوزئی نقلیات دالانیندا کیلید رول اویناییرلار. تۆرکمنیستانین اؤزللیکله تاتاریستانلا چوخ یاخشی اقتصادی ایلیشکیلری وار.
۴۳۰۰و بورسلو اولماق اۆزره ۳۰ میندن چوخ تۆرکمن گنجی روسیادا یۆکسک تحصیل آلیر. مقایسه ائدیلیرسه، سون بیلگیلره گؤره، تۆرکیه‌ده ۱۸ مین تۆرکمن گنجی اونیوئرسیته‌ده تحصیل آلیر. کرملینده کئچیریله‌ن گؤروشمه‌ده تۆرکمنیستان-روسیا اورتاق اونیوئرسیته‌سینین آچیلماسی ایله باغلی آنلاشما الده ائدیلدی. قید ائدک کی، تۆرکمن گنجلری روسیا فدراسیونونداکی تاتاریستان، آدیگه، قاراچای-چرکز کیمی تۆرکلرین چوخ اولدوغو جمهوریتلرده تحصیل آلماغا اوستونلوک وئریرلر.
اؤزت اولاراق، تۆرکمنیستان جمهورباشقانی سردار بردی‌محمدوو ایلک یورددیشی رسمی سفرینی قارداش تۆرک جمهوریتلریندن بیرینه دئییل، روسیایا ائتمیش اولدو.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
