تۆرکیه و آذربایجانین گئرچکلشدیردیگی اوچلو توپلانتیلار
قاراباغدا میدانا گلن سون حادثهلرده قازاقیستان و اؤزبکیستان خاریجی ایشلر باخانلیقلاری سرعتله آذربایجانا دستک آچیقلاماسی یاییملادیلار
آذربایجان و تۆرکیهنین دیگر دؤولتلر ایله امکداشلیغی گوجلهندیرمک اوچون اویقولامایا قویدوغو اوچلو توپلانتیلار شبکهسی گئنیشلهییر. ۲۷ جولای ۲۰۲۲ تاریخینده باکیدا آذربایجان، قازاقیستان و تۆرکیهنین خاریجی ایشلر و اولاشدیرما باخانلارینین بیرینجی اوچلو توپلانتیسی گئرجکلشدیریلدی. توپلانتیدا اوچلو امکداشلیغی آرتیرما، خزر گئچیشلی دغو باتی اورتا کوریدورونو گلیشدیرمه کیمی قونولار دانیشیلدی. توپلانتی سونوندا خاریجی ایشلر باخانلاری طرفیندن باکی بیاننامهسی ایمضالاندی. بورادا بونو ایفاده ائتمهلیییک کی، آذربایجان، قازاقیستان و تۆرکیه آراسیندا اوچلو توپلانتینین ضرورتی تۆرکیهنین سسی رادیوسونون آوراسیایا باخیش پروگرامیندا ایلک دفعه ۲۰۱۵.جی ایلده دیله گتیریلمیشدی.
۲ آگوست ۲۰۲۲ تاریخینده داشکندده آذربایجان، اؤزبکیستان و تۆرکیه خاریجی ایشلر، تیجارت و اولاشدیرما باخانلارینین بیرینجی اوچلو توپلانتیسی گئرجکلشدیریلدی. توپلانتیدا اوچلو امکداشلیق، اولاشدیرما ساحهسینده امکداشلیغی آرتیرما، تۆرک دؤولتلر تشکیلاتی ذیروهسی حاضرلیقلاری قونولاری اله آلیندی. توپلانتی سونوندا خاریجی ایشلر باخانلاری طرفیندن داشکند بیلدیریسی ایمضالاندی.
آذربایجان و تۆرکیهنین اوچلو فورمتدهکی توپلانتیلارینا قازاقیستان و اؤزبکیستانین قاتیلماسیندا سؤز قونوسو اؤلکهلرین لیدئرلرینین توتومو اؤنملی رول اوینادی. بو ایل تۆرکیه و آذربایجان لیدئرلری اؤزبکیستانا، قازاقیستان لیدئری تۆرکیهیه وئریملی سفر گئرچکلشدیرمیشدی. باکیداکی مطبوعات توپلانتیسیدا دانیشان قازاقیستان باشباخان کؤمکچیسی و خاریجی ایشلر باخانی موختار تیلوبردی قازاقیستان جمهورباشقانی قاسیم جومرت توکایئوین آگوست آییندا آذربایجانا سفر ائدهجگینی بیلدیردی.
باکی و داشکندده گئرچکلشدیریلن اوچلو توپلانتیلار ایندیدن ثمرهسینی وئرمهیه باشلادی. قاراباغدا میدانا گلن سون حادثهلرده قازاقیستان و اؤزبکیستان خاریجی ایشلر باخانلیقلاری سرعتله آذربایجانا دستک آچیقلاماسی یاییملادیلار. بو دا تۆرک دونیاسینین اولوسلارآراسی ساحهده اورتاق حرکت ائتمهلری، خاریجی سیاستده اورتاق سؤیلهم گلیشدیرمهلری باخیمیندان اؤنم ایفاده ائدیر.
*
آذربایجان و تۆرکیه اوچلو توپلانتیلار سریسینی گورجوستان، ایران و تۆرکمنیستان ایله باشاری ایله داوام ائتدیریر. سؤز قونوسو توپلانتیلار لازیم اولدوغوندا اوچلو ذیروهلره ده چئوریلیر. آیریجا لازیم اولدوغو زامان آذربایجان و تۆرکیه اوچلو فورمتدهکی توپلانتیلاری باشقا اؤلکهلر ایله ده ائدیر. مثلاً، تۆرکیه-روسیا-اوکراینا اوچلو خاریجی ایشلر باخانلاری توپلانتیسی، تۆرکیهنین آراچیلیغی ایله آنتالیا دیپلوماسی فوروموندا آنتالیادا تشکیل ائدیلمیشدی. آذربایجان ۲۰۱۶.جی ایلده روسیا و ایران ایله بیرلیکده خاریجی ایشلر باخانلاری اوچلو توپلانتیسی باشلاتمیشدی.
باکی و داشکندده ایلکی گئرچکلشدیریلن اوچلو توپلانتیلاردا آغیرلیقلی اولاراق نقلیات و تیجارت قونولاری اله آلیندی. اؤزبکیستان یؤنتیمی اولوسلارآراسی نقلیات شبکهسینی گئنیشلتمک اوچون اؤزبکیستان-قیرقیزیستان-چین و ترمز-مزار شریف-کابل-پیشاور دمیر یولو تیکینتیلرینی دستکلهدیگینی آچیقلادی. سؤز قونوسو دمیر یولو تیکینتیلرینین سورعتلندیریلمهسی اوچون داشکند یؤنتیمینین اؤزبکیستان-قیرقیزیستان-چین و اؤزبکیستان-افغانیستان-پاکیستان اوچلو توپلانتیلارینی گئرچکلشدیرمهسی لازیمدیر.
قازاقیستان و اؤزبکیستان لیدئرلری چولپون آتادا گئرچکلشدیریلن سون اورتا آسییا لیدئرلری غیر رسمی توپلانتیسینا بیر گون اؤنجهسیدن گلدیلر. بئلهجه اوچ اؤلکه لیدئری اؤز آرالاریندا موشاویره ائتمه فورصتی تاپدیلار. بؤلگهسل پروبلئملرین حلی باخیمیندان بو جور اوچلو توپلانتیلار اؤنملیدیر.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی