آذربایجان جمهورباشقانی ایلهام علییئوین آلبانی سفری
ارمنیستانی دستکلهیهن فرانسانی حسابا قاتمازساق، باکی یؤنهتیمی آوروپانین بیر چوخ اؤلکهسی ایله ایلیشکیلرینی اوست سویهده داوام ائتدیریر و آوروپا اؤلکهلرینه سرمایهلر قویور
۱۵ نوامبر ۲۰۲۲ تاریخینده آذربایجان جمهورباشقانی ایلهام علییئو آلبانییه بیر گونولوک ایلک رسمی سفرینی گئرچکلشدیردی. آلبانی جمهورباشقانی بایرام بگای آذربایجانلی قونومداشینی بریگادا ساراییندا مراسیمله قارشیلادی. ایکیلی و هیئتلر آراسی گؤروشمهلر ائدیلدی. گؤروشمهلرین آردیندان ایکی اؤلکه جمهورباشقانلاری مئدیا منسوبلاری اوچون مطبوعات کونفرانسی تشکیل ائتدیلر.
جمهورباشقانلاری مطبوعات توپلانتیسیندا انرژی، توریزم، اقتصاد، تیجارت کیمی ساحهلرده امکداشلیق فورصتلرینی دیله گتیردیلر. جمهورباشقانی ایلهام علییئو آلبانی انرژی اآلتیاپیسینین گلیشدیریلمهسینه سرمایه قویماغا حاضر اولدوقلارینی، اؤلکهنی طبیعی گاز شبکهسی ایله تجهیز ائدهبیلهجکلرینی بیلدیردی. آیریجا ایکی اؤلکه گلهجک ایلدهن اعتباراً یوکسک امکداشلیق شوراسی ییغینجاغی دۆزنلهمه قراری آلدیلار.
آنلاشما تامین ائدیلهن بیر باشقا اؤنملی قرار، آذربایجانین تیرانادا ائلچیلیک آچاجاق اولماسیدیر. بیلیندیگی اوزره، آذربایجانین آتن ائلچیسی تیرانا ائلچیسی وظیفهسینی بیرلیکده ایجرا ائدیر.
آذربایجان جمهور باشقانی ایلهام علییئو سفر چرچیوهسینده آلبانی باشباخانی ادی راما ایله ده آیری بیر گؤروشمه گئرچکلشدیردی. گئچهن آوریل آییندا آلبانی باشباخانی راما آذربایجانا گئرچکلشدیردیگی رسمی سفری چرچیوهسینده باکیدا جمهور باشقانی علییئو ایله بیر آرایا گلمیشدی.
*
گلیشمهلردن گؤرولدوگو اوزره آذربایجان-آلبانی ایلیشکیلری گلیشیر. طرفلر اؤنجه انرژی ساحهسینده امکداشلیغی گلیشدیریرلر. ایکی اؤلکه اوزون ایللردیر ترانس آدریاتیک طبیعی گاز بورو خطی پروژهسینده بیرلیکده چالیشیرلار. آذربایجان گئچدیگیمیز جولای آییندا آوروپا بیرلیگی ایله ایمضالادیغی طبیعی گاز میقدارینی ایکی قاتینا چیخارما آنلاشماسینی حیاتا گئچیررکهن، آلبانی هم آلیجی هم ده ترانزیت اؤلکه اولاراق اؤن پلانا چیخیر. بو باغلامدا دسامبر آییندا تورکمنیستاندا گئرچکلشدیریلهجک آذربایجان-تورکیه-تورکمنیستان اوچلو ذیروهسینین اؤنمی بؤیوک. انرژی ساحهسیندهکی بو گلیشمهلره باخاراق آذربایجان-آلبانی ایلیشکیلرینین بوندان سونرا داها دا گلیشهجگینی سؤیلهیهبیلریک. روسیا-باتی بحرانی سوردوگو مدتجه آوروپانین انرژی گوونلیگی قونوسوندا آذربایجان داها چوخ مسئولیت آلاجاق.
آذربایجان-آلبانی سیاسی ایلیشکیلری ده اوست سویهده سیر ائدیر. آذربایجان جمهورباشقانی ایلهام علییئو آلبانییه ایلک سفرینی گئرچکلشدیرمهسینه قارشیلیق، آلبانی لیدئرلری آذربایجانا تئز تئز گئدیرلر. مثلاً، اسکی آلبانی جمهورباشقانی ایلیر متا گئچهن ژوئن آییندا گئرچکلشدیریلن ۹.حو کۆرهسل باکی فورومونا قاتیلمیش، جمهورباشقانی علییئو ایله گؤروشموشدو. آلبانی جمهورباشقانلاری کۆرهسل باکی فورومونا منتظم اولاراق ایشتیراک ائدیرلر. باشباخان ادی رامانین یئددی آی اؤنجه آذربایجانا سفر گئرچکلشدیردیگینی داها اول ایفاده ائتدیک. طرفلر بیرلشمیش میللتلر، آوروپا گوونلیک و امکداشلیق تشکیلاتی، ناتو، قارادنیز امکداشلیق تشکیلاتی، ایسلام امکداشلیق تشکیلاتی کیمی اولوسلارآراسی تشکیلاتلاردا امکداشلیغی داوام ائتدیریر. باکی و تیرانا یؤنهتیملری اولوسلارآراسی ساحهده بیر بیرلرینی دستکلهییرلر.
عمومیتله آذربایجانین باتی اؤلکهلری ایله ایلیشکیلری ده گلیشیر. ارمنیستانی دستکلهیهن فرانسانی حسابا قاتمازساق، باکی یؤنهتیمی آوروپانین بیر چوخ اؤلکهسی ایله ایلیشکیلرینی اوست سویهده داوام ائتدیریر و آوروپا اؤلکهلرینه سرمایهلر قویور.
اؤزتله، آذربایجان جمهورباشقانی ایلهام علییئوین آلبانی سفرینین چوخ وئریملی گئچدیگینی و ایکیلی ایلیشکیلرین یئنی بیر سویهیه یوکسلدیلدیگینی سؤیلهیهبیلریک.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی