۲۰۲۲ده تۆرکیهنین آوراسیا اؤلکلری ایله ایلیشکیلری
گلیشمهلردن گؤرولدوگو اۆزره، ایستر دیپلوماسی ایستر اقتصادی ایلیشکیلر، ایستر انرژی گؤندریمی، ایسترسه ساوونما ساحهلرینده بؤلگه اؤلکهلری ایله امکداشلیق باخیمیندان ۲۰۲۲ ایلی تۆرکیه اوچون وئریملی بیر ایل اولدو
۲۰۲۲-جی ایلده تۆرکیه جمهوریتی جمهورباشقانی بیر چوخ آوراسیا اؤلکهسینه سفر گئرچکلشدیردی. ایندی سیراسی ایله بو سفرلره گؤز آتاق.
۳ فوریه ۲۰۲۲ تاریخینده تۆرکیه جمهوریتی جمهورباشقانی رجب طیب اردوغان، تۆرکیه-اوکراینا یوکسک سویهلی استراتژیک شوراسینین اونونجو ییغینجاغینا قاتیلماق اوچون کیئوه گئتدی. ییغینجاغین آردیندان ۸ آنلاشمیا ایمضا آتیلدی. جمهورباشقانی اردوغان ۱۸ آگوستدا اوکراینایا بیر گونلوک سفر گئرچکلشدیردی.
۲۹-۳۰ مارس ۲۰۲۲ تاریخلرینده جمهورباشقانی رجب طیب اردوغان اؤزبکیستانا رسمی سفر گئرچکلشدیردی. ائدیلهن گؤروشمهلرین آردیندان ۹ آنلاشما ایمضالاندی.
۲۸ می ۲۰۲۲ تاریخینده جمهورباشقانی رجب طیب اردوغان آذربایجانا بیر گونلوک رسمی سفر گئرچکلشدیردی. جمهورباشقانی اردوغان ۲۰ اکتبر تاریخینده آذربایجانا بیر باشقا بیر گونلوک رسمی سفر گئرچکلشدیردی. ایکی اؤلکه جمهورباشقانلاری اولوسلارآراسی زنگیلان هاوالیمانینین و دیگر پروژهلرین آچیلیشینی گئرچکلشدیردیلر.
۵ آگوست ۲۰۲۲ تاریخینده جمهورباشقانی رجب طیب اردوغان روسیایا بیر گونلوک ایش سفری گئرچکلشدیردی. گؤروشمهده ایکیلی و بؤلگهسل پروبلئملر اله آلیندی.
جمهورباشقانی رجب طیب اردوغان ۱۵-۱۶ سپتامبر ۲۰۲۲ تاریخلرینده سمرقند شهرینده تشکیل ائدیلهن شانگهای امکداشلیق تشکیلاتی دؤولت باشقانلاری ۲۲.جی ییغینجاغینا قاتیلدی.
جمهورباشقانی رجب طیب اردوغان ۱۲ اکتبر ۲۰۲۲ تاریخینده قازاقیستانا دؤولت سفری گئرچکلشدیردی. ائدیلهن گؤروشمهلردن سونرا ۶ آنلاشما ایمضالاندی. جمهورباشقانی اردوغان سفر چرچیوهسینده ۶.جی آسیادا امکداشلیق و گووهن آرتیریجی تدبیرلر کنفرانسی ذیروهسینه قاتیلدی.
جمهورباشقانی رجب طیب اردوغان ۱۰-۱۱ نوامبر ۲۰۲۲ تاریخلرینده سمرقند شهرینده تشکیل ائدیلهن تورک دؤولتلر تشکیلاتی ۹.جو ذیروهسینه قاتیلدی.
۱۴ دسامبر ۲۰۲۲ تاریخینده تورکمنیستانین آوازا توریسم بؤلگهسینده آذربایجان، تۆرکیه و تورکمنیستان جمهورباشقانلارینین اوچلو ذیروهسی گئرچکلشدیریلدی. ذیروه سونوندا ۵ آنلاشمایا ایمضا آتیلدی. ۲۵ مادهدن عبارت اولان اورتاق بیلدیری یاییملاندی.
تۆرکیه و قیرغیزیستان جمهورباشقانلاری ۱۸ دسامبر تاریخینده دونیا فوتبال کاپی فینال اویونو اوچون گئتدیکلری قطرده بیر آرایا گلدیلر. گؤروشمهده ایکیلی ایلیشکیلرله باغلی موختلیف مؤوضوعلار اله آلیندی.
***
۲۰۲۲-جی ایلده آوراسیا جغرافیاسی اؤلکهلریندن تۆرکیهیه ائدیلهن اوست دۆزئی سفرلر ده اؤنملی ایدی. قازاقیستان جمهورباشقانی قاسیم جوؤمرت توکایئو ۱۰-۱۱ می ۲۰۲۲ تاریخلرینده تۆرکیهیه ایلک دؤولت سفرینی گئرچکلشدیردی. گؤروشمهلر سونوندا ۱۵ آنلاشما ایمضالاندی.
۱۱-۱۳ مارس ۲۰۲۲ تاریخلرینده تشکیل ائدیلهن ۲.جی آنتالیا دیپلوماتییا فورومونا آوراسیا جغرافیاسیندان افغانیستان، قازاقیستان و اوکراینا اسکی جمهورباشقانلاری، اؤزارک قاقاووز یئری باشقانی، آذربایجان جمهورباشقانی کؤمکچیسی، افغانیستان، آذربایجان، ارمنیستان، قیرقیزیستان، اؤزبکیستان، روسیا، تاجیکیستان و اوکراینا خاریجی ایشلر باخانلاری قاتیلدیلار. ارمنیستاندان تۆرکیهیه اوست سویه سفر ۲۰۰۸-جی ایلدهن بو یانا ایلک دفعه فوروم وسیلهسی ایله ائدیلمیش اولدو.
۴.جو دونیا کؤچری اویونلاری ۲۹ سپتامبر-۲ اکتبر ۲۰۲۲ تاریخلرینده ایزنیک شهرینده گئرچکلشدیریلدی. ۴.جو دونیا کؤچری اویونلارینین آچیلیش مراسیمینه تۆرکیه، قیرقیزیستان، قوزئی قیبریس تورک جمهوریتی و تاتاریستان جمهورباشقانلاری، قازاقیستان مجلیس باشقانی قاتیلدی.
گلیشمهلردن گؤرولدوگو اۆزره، ایستر دیپلوماسی ایستر اقتصادی ایلیشکیلر، ایستر انرژی گؤندریمی، ایسترسه ساوونما ساحهلرینده بؤلگه اؤلکهلری ایله امکداشلیق باخیمیندان ۲۰۲۲ ایلی تۆرکیه اوچون وئریملی بیر ایل اولدو.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی