گونئی قافقازدا گئچهن هفته اؤنه چیخان اؤنملی حادثهلر
جمهور باشقانی علییئو، گلهجک هفتهدن اعتباراً قاراباغین آبادلیغی قونوسوندا ماجار شیرکتلری ایله پروژهلری گؤروشهجکلرینی بیلدیردی
گئچهن هفته گونئی قافقازدا بیر نئچه اؤنملی سفر گئرچکلشدی. ایندی بو سفرلره سیراسی ایله گؤز آتاجاغیق.
مصر جمهورباشقانی عبدالفتاح السیسی ۲۷-۲۹ ژانویه ۲۰۲۳ تاریخلرینده گونئی قافقازا سفر گئرچکلشدیردی. مصر جمهورباشقانینین ایلک دوراغی باکی اولدو. ۲۸ ژانویه تاریخینده آذربایجان جمهورباشقانی ایلهام علییئو و جمهورباشقانی السیسی آراسیندا ائدیلهن گؤروشمهده آذربایجان-مصر ایلیشکیلری، بؤلگهسل مؤوضوعلار اله آلیندی.
۲۸ ژانویه تاریخینده مصر جمهورباشقانی عبدالفتاح السیسی ارمنیستانا سفر گئرچکلشدیردی. ایرواندا جمهورباشقانی السیسی، ارمنیستان جمهورباشقانی واهاگن هاچاتوریان و باشباخان نیکول پاشینیان ایله آیری آیری گؤروشدو. گؤروشمهلر سونوندا تحصیل، مدنیت، بیلیم، ایدمان کیمی ساحهلرده امکداشلیق آنلاشمالاری ایمضالاندی. بئلهجه بیر مصر جمهو باشقانی ایلک دفعه ارمنیستانا سفر گئرچکلشدیرمیش اولدو.
۲۹-۳۰ ژانویه تاریخلرینده آذربایجان جمهور باشقانی ایلهام علییئو، ماجاریستانا رسمی سفر گئرچکلشدیردی. ۳۰ ژانویه تاریخینده بوداپستده جمهور باشقانی علییئوه رسمی قارشیلاما مراسیمی تشکیل ائدیلدی. مراسیمدن سونرا ایکی اؤلکه جمهورباشقانلاری ایلهام علییئو و کاتالین نوواک باش باشا گؤروشدولر. عینی گون جمهورباشقانی علییئو، ماجاریستانباش باخانی ویکتور اوربان ایله ده گؤروشدو. گؤروشمهده انرژی باشدا اولماق اۆزره گوندمدهکی مؤوضوعلار اله آلیندی. گؤروشمهلر سونوندا طرفلر آراسیندا ۶ آنلاشما و استراتژیک امکداشلیغی درینلشدیرمهیه ایستیقامتلی اورتاق بیلدیری ایمضالاندی. لیدئرلر آراسیندا آذربایجان الکتریک انرژیسینین قارادنیز اۆزریندن آوروپا اؤلکهلرینه چاتدیریلماسی، آذربایجان طبیعی گازینین ماجاریستانا و ماجاریستان اۆزریندن دیگر آوروپا اؤلکهلرینه نقل ائدیلمهسی مؤوضوعلاریندا آنلاشما تامین ائدیلدی. علییئو و اوربان مطبوعات کنفرانسی تشکیل ائتدیلر. جمهور باشقانی علییئو، گلهجک هفتهدن اعتباراً قاراباغین آبادلیغی قونوسوندا ماجار شیرکتلری ایله ملموس پروژهلری گؤروشهجکلرینی بیلدیردی.
۲ فوریه تاریخینده رومانی جمهورباشقانی کلاوس ایوهانیس آذربایجانا رسمی سفر گئرچکلشدیردی. جمهور باشقانی علییئو ایله جمهور باشقانی ایوهانیس آراسیندا ائدیلهن گؤروشمهده، انرژی باشدا اولماق اۆزره ایکیلی ایلیشکیلری ماراقلاندیران مؤوضوعلار ماسایا یاتیردیلدی.
۳ فوریه تاریخینده باکیدا آذربایجان و رومانی جمهورباشقانلارینین ایشتیراکی ایله ۹.جو گونئی طبیعی گاز کوریدورو باخانلار موشاویره ییغینجاغی گئرچکلشدیریلدی. ییغینجاقدا آوروپابیرلیگی، آمریکا بیرلشمیش دؤولتلری، اینگیلتره، ایتالیا، تورکیه، گۆرجوستان، ماجاریستان، بولقاریستان، یونانیستان، آلبانی، مولدووا، صربیستان، قاراداغ، اوکراینا و هکروواسیدن نباخانلار ایشتیراک ائتدیلر.
***
تۆرکیه ایله ایلیشکیلری قونوسوندا اؤنملی سفرلر گئرچکلشدیریلدی. تۆرکیه میللی تحصیل باخانی محمود اؤزار و تۆرکیه بؤیوک میللت مجلیسی میللت وکیللریندن اولوشان هیئت، ۱ فوریه تاریخینده آذربایجان جمهورباشقانی ایلهام علییئو طرفیندن آنلاین اولاراق قبول ائدیلدی. گؤروشمهده ایکیلی ایلیشکیلر، آچیلماسی پلانلانان آذربایجان – تۆرکیه اونیوئرسیتهسی قونولاری اله آلیندی.
۱ فوریه تاریخینده آذربایجان ساوونما باخانی ذاکیر حسنوو تۆرکیهیه سفر گئرچکلشدیردی. تۆرکیه ساوونما باخانی حولوصی آخارین دعوتی اۆزرینه تۆرکیهیه گلن حسنوو "قیش مانورلاری-۲۰۲۳" اولوسلارآراسی عسگری مانورلارینی ایزلهدی.
گلیشمهلردن گؤرولدوگو اۆزره گئچهن هفته گونئی قافقاز اؤلکهلرینین گوندمینده اؤنملی سفرلر وار ایدی. آذربایجان آوروپابیرلیگی اؤلکهلری ایله ایلیشکیلرینی گوجلندیریر.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی