تورک جمهوریتلرینین گوندمیندهکی اولایلار
تورک دونیاسینین اؤنمی اولوسلارآراسی ساحهده آرتماقدادیر. تورک جمهوریتلری آراسیندا امکداشلیق گون گئچدیکجه گلیشمکدهدیر
۲۸ می سئچیملرینده یئنیدن جمهورباشقانی سئچیلهن رجب طیب اردوغان ایلک خاریج سفرینی ۱۲-۱۳ ژوئن ۲۰۲۳ تاریخلرینده قوزئی قیبریس تورک جمهوریتی و آذربایجانا گئرچکلشدیردی. بئلهجه تورکیه جمهورباشقانینین دؤولت گلهنگی داوام ائتدیریلدی. جمهورباشقانی اردوغان سفر چرچیوهسینده قوزئی قیبریس تورک جمهوریتی جمهورباشقانی ارسین تاتار، قوزئی قیبریس تورک جمهوریتی باشباخانی اونال اوستال و آذربایجان جمهورباشقانی ایلهام علییئو ایله گؤروشمهلر ائتدی. ایلهام علییئو-رجب طیب اردوغان گؤروشمهسینده آزربایجان-تورکیه اورتاق اونیوئرسیتهسینین قورولماسی قونوسوندا چالیشمالارین یئریدیلمکده اولدوغو دیله گتیریلدی. ژورنالیستلرین سواللارینی جاوابلاندیران جمهورباشقانی اردوغان، تورک دؤولتلر تشکیلاتینی داها دا گلیشدیرمک و گوجلهندیرمک اوچون بعضی آددیملارین آتیلابیلهجگینی آچیقلادی. سفرله باغلی پایلاشیم ائدن جمهورباشقانی رجب طیب اردوغان، "اینشاالله تورکیه عصری، عینی زاماندا تورک دونیاسینین عصری اولاجاق" دئدی.
۱۳-۱۴ ژوئن ۲۰۲۳ تاریخلرینده سمرقند شهرینده تورک دؤولتلر تشکیلاتی تحصیل باخانلاری ۷.جی ییغینجاغی گئرچکلشدیریلدی. ییغینجاغا آذربایجان، قازاقیستان، قیرقیزیستان و اؤزبکیستاندان باخان و باخان کؤمکچیلری قاتیلدی. اؤزبکیستان اوخول اؤنجهسی و اوخول تحصیلی باخانی حیلولا عومارووا، تورک دؤولتلر تشکیلاتی چرچیوهسینده الخوارزمی اولوسلارآراسی گنج ریاضیاتچیلار اولمپیادینین ائدیلمهسینی تکلیف ائتدی.
۱۵-۱۶ ژوئن ۲۰۲۳ تاریخلرینده داشکند شهرینده ۲۱.جی عصرده ایپک یولو: معاصر نقلیات و لجستیک تکنولوژیلر آدلی چالیشتای تشکیل ائدیلدی. چالیشتایا تورکیه، آذربایجان و اؤزبکیستاندان متخصصلر قاتیلدی. چالیشتایدا داشکند دؤولت اولاشدیرما اونیوئرسیتهسی، ایستانبول تکنیک اونیوئرسیتهسی و آذربایجان تکنیکی اونیوئرسیتهسی آراسیندا امکداشلیق پروتوکولو ایمضالاندی.
۱۵ ژوئن ۲۰۲۳ تاریخینده پاکیستان باشباخانی محمد شاهباز شریف آذربایجانا رسمی سفر گئرچکلشدیردی. آذربایجان جمهورباشقانی ایلهام علییئو پاکیستان باشباخانی محمد شاهباز شریف ایله ایکیلی و هیئتلر آراسی گؤروشمهلر ائتدی.
۱۶ ژوئن ۲۰۲۳ تاریخینده قیرقیزیستان جمهورباشقانی سادیر جاپاروو بیشکئکده فیلیسطین جمهورباشقانی محمود عباس ایله گؤروشدو. فیلیسطین جمهورباشقانی عباس گؤروشمهده قیرقیزیستان ایله امکداشلیغی گلیشدیرمک ایستهدیگینی ایفاده ائتدی. فیلیسطین خاریجی ایشلر باخانی ریاض المالیکینین آگوست آییندا قیرقیزیستانا سفر گئرچکلشدیرجگی آچیقلاندی.
۱۷ ژوئن ۲۰۲۳ تاریخینده تاتاریستان رئیسی روستم میننیخانوو آذربایجانا سفر گئرچکلشدیردی. روستم میننیخانوو قاراباغدا گؤروشمهلر گئرچکلشدیردی.
***
تورکیه ایله آذربایجان آراسینداکی هاوا کؤرپوسونه بیر یئنیسی علاوه اولوندو. ایزمیر-باکی سفرلری باشلادی. باکییا آنکارا، بودروم و ایستانبول شهرلریندن ده چاتماق مومکون. آنادولوجت بو ایل آنکارادان تورک دونیاسی باشکندلری اولان بیشکئک، داشکند و آستانا شهرلرینه ده اوچاق سفرلری باشلاتمیشدی.
تورکیه و اؤزبکیستان مولکی هاواچیلیق باش مودورلوکلری مسئوللاری ایستانبولدا بیر آرایا گلهرک، ایکی اؤلکه آراسیندا ۵ یئنی نقطهیه اوچوش ایجازهسی وئریلمهسی قونوسوندا آنلاشما تامین ائتدیلر. بئلهجه تورک جمهوریتلری آراسیندا هاوا نقلیاتی داها دا سیخلاشمیش اولدو.
گلیشمهلردن گؤرولدوگو اوزره تورک دونیاسینین اؤنمی اولوسلارآراسی ساحهده آرتماقدادیر. تورک جمهوریتلری آراسیندا امکداشلیق گون گئچدیکجه گلیشمکدهدیر.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی