اورتا آسیا جمهوریتلرینین گوندمیندهکی اولایلار
اورتا آسیا اؤلکهلرینده اؤنملی اولوسلارآراسی ییغینجاقلار گئرچکلشدیریلمهیه داوام ائدیر
۲۰-۲۳ ژوئن ۲۰۲۳ تاریخلرینده آلمانیا فدرال جمهوریتی جمهورباشقانی فرانک والتر اشتاینمایر قازاقیستان و قیرقیزیستانا رسمی سفر گئرچکلشدیردی. قازاقیستان جمهورباشقانی قاسم جؤمرت توکایئو و قیرقیزیستان جمهورباشقانی سادیر جاپاروو آلمانیا جمهورباشقانینی رسمی مراسیمله قارشیلادیلار. جمهورباشقانلاری آراسیندا ائدیلهن گؤروشمهده آلمانیانین اورتا آسیا اؤلکهلری ایله ایلیشکیلری، قیرقیزیستان و قازاقیستانین آوروپا بیرلیگی ایله ایلیشکیلری اله آلیندی. آلمانیا جمهورباشقانی فرانک والتر اشتانمایرین بؤلگه سفری آوروپا بیرلیگینین اورتا آسیایا اولان ماراغینین ملموس گؤستریجیسیدیر. اؤزبکیستان جمهورباشقانی شؤوکت میرضیایئو ده داها می آیی باشیندا آلمانیا فدرال جمهوریتینه سفر گئرچکلشدیرمیشدی.
۲۲ ژوئن ۲۰۲۳ تاریخینده آذربایجان جمهورباشقانی ایلهام علییئو باکییا رسمی سفر گئرچکلشدیرن قازاقیستان جمهوریتی باشباخانی علیخان اسماعیلووو قبول ائتدی. گؤروشمهده ایکیلی ایلیشکیلرین مؤوجود سیریندن دویولان سئوینج دیله گتیریلدی. عینی گون باشباخان اسماعیلوو آذربایجان جمهوریتی باشباخانی علی اسدوو ایله ده گؤروشدو. گؤروشمهلردن سونرا ایکی اؤلکه حکومتلری آراسیندا ۱۰ آنلاشما ایمضالاندی.
۲۶-۲۷ ژوئن ۲۰۲۳ تاریخلرینده قیرقیزیستان جمهوریتی پارلمانی ژوقورکو کنهش باشقانی نورلانبک شاکیئو قازاقیستانا رسمی سفر گئرچکلشدیردی. ژوقورکو کنهش باشقانی شاکیئو آستانادا قازاقیستان جمهورباشقانی قاسم جؤمرت توکایئو، قازاقیستان پارلمانینین آلت قانادی مجلیس باشقانی یئرلان کوشانوو، پارلمانین اوست قانادی سنا باشقانی ماولئن آشیمبایئو ایله آیری آیری گؤروشدو. گؤروشمهلرده ایکی اؤلکه ایلیشکیلرینی ماراقلاندیران قونولار اله آلیندی.
۲۹ ژوئن ۲۰۲۳ تاریخینده قازاقیستان جمهورباشقانی قاسم جؤمرت توکایئو لوکزامبورگ بؤیوک دوکلوغو خاریجی ایشلر باخانی ژان آسلبورنو قبول ائتدی. گؤروشمهده قازاقیستان-لوکزامبورگ ایکیلی ایلیشکیلری، آوروپا بیرلیگی ایله ایلیشکیلر ماسایا یاتیردیلدی. سفر چرچیوهسینده قازاقیستان و لوکزامبورگ آراسیندا ایکی آنلاشما متنی ایمضالاندی.
عینی گون قازاقیستان مجلیسی، نورسلطان نظربایئوی اؤز آدینی داشییان اونیوئرسیته، اوخول و وقفین یؤنهتیم قورولوندان اوزاقلاشدیران قانونو قبول ائتدی.
***
۲۶ ژوئن ۲۰۲۳ تاریخینده موغولستان باشباخانی اویون اردهنه لوسانامسراین چین خالق جمهوریتی رسمی سفر گئرچکلشدیردی. موغولستان باشباخانی ۲۸ ژوئن تاریخینده چین باشباخانی لی چیانگ ایله گؤروشدو. گؤروشمه سونوندا ایکی اؤلکه آراسیندا ۵ آنلاشما ایمضالاندی. باشباخان اویون اردهنه لوسانامسراین سفر چرچیوهسینده دونیا اقتصاد فورومونا قاتیلدی.
۲۹-۳۰ ژوئن ۲۰۲۳ تاریخلرینده اولانباتوردا بیرینجی قادین خاریجی ایشلر باخانلاری گؤروشمهسی گئرچکلشدیریلدی. بو ییغینجاغا خاریجی ایشلر وظیفهسینی داوام ائتدیرمکده اولان قادین باخانلار، بیرلشمیش میللتلر باشدا اولماق اوزره اولوسلارآراسی و بؤلگهسل قوولوشلارین قادین نمایندهلری ایشتیراک ائتدیلر. ییغینجاغین آچیلیشینا موغولستان جمهورباشقانی اوهناگین هورئلسوه ایشتیراک ائتدی. موغولستان مجلیس باشقانی گومبوژاو زاندانشاتار ییغینجاغا قاتیلان قوناقلاری قبول ائتدی. ایکی گون داوام ائدن ییغینجاقلاردا جینسیت برابرلیگی، اینسان حاقلاری قونولاری گؤروشولدو.
گلیشمهلردن گؤرولدوگو اوزره، اورتا آسیا اؤلکهلرینده اؤنملی اولوسلارآراسی ییغینجاقلار گئرچکلشدیریلمهیه داوام ائدیر. اورتا آسیا اؤلکهلری آراسیندا دا ایلیشکیلرین ساغلاملاشدیریلماقدا اولدوغو ائدیلهن سفرلردن آیدین اولماقدادیر.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی