آوراسیا جمهوریتلرینین گوندمیندهکی اولایلار
کوبانیچ‌بک عؤمورعلییئو، بروکسله سفر گئرچکلشدیرن ایلک تورک دؤولتلر تشکیلاتی باش یازمانی اولدوغونو و بونون تشکیلاتین بؤلگه‌ده‌کی و اولوسلارآراسی ساحه‌ده‌کی آرتان سیاسی رولونو گؤستردیگینی بیلدیردی
۴ جولای ۲۰۲۳ تاریخینده شانگهای امکداشلیق هؤرگوتو ذیروه‌سی هیندیستان باشباخانی نارندرا مودی باشقانلیغیندا آنلاین اولاراق گئرچکلشدیریلدی. ذیروه‌یه هؤرگوته عضو و گؤزلمچی دؤولتلرین باشقانلاری، بیرلشمیش میللتلر باش کاتیبی، قوناق اؤلکه اولاراق تورکمنیستان جمهورباشقانی قاتیلدی. هؤرگوته گؤزلمچی اولان افغانیستان ذیروه‌یه دعوت ائدیلمه‌دی. طالبان خاریجی ایشلر باخانلیغی هؤرگوتون بیر سونراکی ذیروه‌سینه قاتیلماق ایسته‌دیکلرینی آچیقلادیلار. ذیروه‌ده دانیشان قازاقیستان جمهورباشقانی قاسم جؤمرت توکایئو، هؤرگوتون قورولدوغو گوندن بو یانا هؤرگوت بونیه‌سینده بیر دنه بئله بؤیوک اقتصادی پروژه‌نین گئرچکلشدیریلمه‌دیگینی بیلدیره‌رک اورتاق پروژه‌لری گئرچکلشدیرمه چاغریسی ائتدی. ذیروه‌ده ایران ایسلام جمهوریتی هؤرگوته تام عضو اولاراق قبول ائدیلدی. ذیروه سونوندا یئنی دهلی بیاننامه‌سی قبول ائدیلدی و ۱۳ سند ایمضالاندی.
تورک دؤولتلر تشکیلاتی باش یازمانی کوبانیچ‌بک عؤمورعلییئو ۴ جولای ۲۰۲۳ تاریخینده بلژیکه سفر گئرچکلشدیردی. تورک دؤولتلر تشکیلاتی باش کاتیبی بروکسلده آوروپا بیرلیگی قوروملارینا گئد‌رک گؤروشمه‌لر گئرچکلشدیردی. کوبانیچ‌بک عؤمورعلییئو، بروکسله سفر گئرچکلشدیرن ایلک تورک دؤولتلر تشکیلاتی باش یازمانی اولدوغونو و بونون تشکیلاتین بؤلگه‌ده‌کی و اولوسلارآراسی ساحه‌ده‌کی آرتان سیاسی رولونو گؤستردیگینی بیلدیردی.
۶ جولای ۲۰۲۳ تاریخینده هیندیستان مجلیسینین آلت قانادی لوک سبها باشقانی اوم بیرلا، موغولستان جمهوریتینه رسمی سفر گئرچکلشدیردی. ۷ جولای تاریخینده موغولستان مجلیس باشقانی، زاندانشاتار گومبوژاو اوم بیرلا‌نی مراسیمله قارشیلادی. عینی گون موغولستان جمهورباشقانی هورئلسوه اوهنا، هیندیستان مجلیس باشقانینی قبول ائتدی. موغولستان-هیندیستان ایلیشکیلری سون ایللرده ساوونما، گوونلیک و معدنچی‌لیک کیمی استراتژیک ساحه‌لرده سرعتله اینکیشاف ائتمکده‌دیر.
اوکراینا دؤولت باشقانی وولودیمیر زلنسکی گئچه‌ن هفته بولقاریستان، چکیا و تورکیه‌یه سفر گئرچکلشدیردی. ۷ جولای ۲۰۲۳ تاریخینده اوکراینا دؤولت باشقانی وولودیمیر زلنسکی تورکیه‌یه گلدی. جمهورباشقانی رجب طیب اردوغان و وولودیمیر زلنسکی ایستانبولدا گؤروشمه گئرچکلشدیردیلر. سفر چرچیوه‌سینده ایکی اؤلکه آراسیندا بیر سیلسیله استراتژیک آنلاشما ایمضالاندی. بیرلشمیش میللتلر اوکراینادا ساواش سوره‌جی بویونجا دوققوز میندن چوخ وطنداشین حیاتینی ایتیردیگینی آچیقلادی.
***
۵-۶ جولای ۲۰۲۳ تاریخلرینده باکی‌دا باغلانتیسیزلار حرکتی کووردیناسیون بوروسونون باخانلار ییغینجاغی گئرچکلشدیریلدی. ییغینجاغا ۹۳ اؤلکه‌دن باخانلار و ۱۱ اولوسلارآراسی قورولوشون نماینده‌لری ایشتیراک ائتدی. ییغینجاق آچیلیش مراسیمینه آذربایجان جمهورباشقانی ایلهام علییئو ده قاتیلدی. آذربایجانین باغلانتیسیزلار حرکتی دؤنم باشقانلیغی ایللرینده سؤز قونوسو تشکیلاتین پارلامنترلر قورولو و گنجلر قورولو یارادیلدی.
۷ جولای ۲۰۲۳ تاریخینده آذربایجان جمهورباشقانی ایلهام علییئو، اؤلکه‌سینه رسمی سفر گئرچکلشدیرن آلبانی جمهورباشقانی باژرام بئگاژ ایله ایکی‌لی و هیئتلر آراسی گؤروشمه‌لر ائتدی. گؤروشمه‌لرده انرژی باشدا اولماق اوزره آذربایجان ایله آلبانی آراسینداکی ایلیشکیلرله باغلی موختلیف قونولار اله آلیندی.
گلیشمه‌لردن گؤرولدوگو اوزره گئچه‌ن هفته آوراسیا جغرافیاسیندا اؤنملی اولوسلارآراسی ییغینجاقلار گئرچکلشدیریلدی. ائدیله‌ن سفرلر ده بؤلگه طالعینه تأثیر ائد‌ن ماهیتده ایدی.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
