تورک جمهوریتلرینین گوندمیندهکی اولایلار
"قوزئی قیبریس تورک جمهوریتی، دوغو آغ دنیز‌ده تورکیه‌نین و تورک دؤولتلرینین وازگئچیلمز بیر قالاسی مؤوقعیتینده‌دیر"
۱۷-۱۹ جولای ۲۰۲۳ تاریخلرینده تورکیه جمهورباشقانی رجب طیب اردوغان کؤرفز عرب اؤلکه‌لریندن سعودی عربیستان، قطر و بیرلشمیش عرب امیرلیکلرینه سفر گئرچکلشدیردی. ائدیله‌ن ایکیلی گؤروشمه‌لردن سونرا تورکیه و بیرلشمیش عرب امیرلیکلری آراسیندا ۱۳، تورکیه و سعودی عربیستان آراسیندا ۵ آنلاشما، تورکیه و قطر آراسیندا ایکیلی ایلیشکیلرین قورولماسینین ۵۰.جی ایل دؤنومو اورتاق بیلدیری ایمضالاندی. جمهورباشقانی اردوغانین کؤرفز سفری وئریملی گئچدی. بیرلشمیش عرب امیرلیکلری دؤولت باشقانی محمد بن زاید آل نهیان داها گئچه‌ن آی تورکیه‌یه سفر گئرچکلشدیرمیشدی.
۱۹ جولای ۲۰۲۳ تاریخینده سعودی عربیستانین جده شهرینده اورتا آسیا-کؤرفز عرب اؤلکه‌لری امکداشلیق شوراسی ذیروه‌سی تشکیل ائدیلدی. ذیروه‌یه قازاقیستان، قیرقیزیستان، اؤزبکیستان، تاجیکیستان، تورکمنیستان، سعودی عربیستان، بحرین، عمان، قطر و کویت دؤولت باشقانلاری قاتیلدی. ذیروه نتیجه‌سینده جده بیلدیرگه‌سی قبول ائدیلدی. ذیروه چرچیوه‌سینده چوخ ساییدا ایکیلی گؤروشمه‌لر ائدیلدی. اؤزبکیستان جمهورباشقانی شؤوکت میرضیایئو بیر سونراکی ذیروه‌نین اؤلکه‌سینده ائدیلمه‌سینی تکلیف ائتدی. تورک جمهوریتلری باشقانلارینین عرب اؤلکه‌لرینه سفرلری قارشیلیق‌لی ایلیشکیلرین ان اوست سویه‌یه یوکسلدیگینین آچیق گؤستریجیسی‌دیر. عرب اؤلکه‌لری سون دؤنمده اورتا آسیا اؤلکه‌لری ایله داها یاخین امکداشلیق ائتمه‌یه چالیشیرلار.
گونئی کره جمهوریتی مجلیس باشقانی کیم ژین-پیو تورکمنستانا رسمی سفر گئرچکلشدیردی. گونئی کره مجلیس باشقانی ۲۰ جولای ۲۰۲۳ تاریخینده عشق‌آباددا تورکمنیستان خالق مصلحتی باشقانی قوربانقولو بردی‌محمدوو ایله گؤروشدو. گؤروشمه‌ده تورکمنیستان-گونئی کره ایلیشکیلری ایله باغلی چئشیدلی مؤوضوعلار اله آلیندی. گؤروشمه سونوندا گونئی کره مجلیس باشقانینا تورکمنیستانین "طرف‌سیزلیک" دؤولت نیشانی وئریلدی.
۲۰ جولای ۲۰۲۳ تاریخینده قوزئی قیبریس تورک جمهوریتینده باریش و اؤزگورلوک بایرامی قوتلاندی. قوزئی قیبریس تورک جهوریتی جمهورباشقانی ارسین تاتار "قوزئی قیبریس تورک جمهوریتی، دوغو آغ دنیز‌ده تورکیه‌نین و تورک دؤولتلرینین وازگئچیلمز بیر قالاسی مؤوقعیتینده‌دیر" دئدی.
***
۱۸ جولای ۲۰۲۳ تاریخینده عراق کورد بؤلگه‌سی باشقانی نچیروان بارزانی، آذربایجان جمهوریتینه ایش سفری گئرچکلشدیردی. آذربایجان جمهورباشقانی ایلهام علییئو نچیروان بارزانینی باکی‌دا قبول ائتدی. گؤروشمه‌ده بیر باشا اوچاق سفرلرینین قارشیلیق‌لی اولاراق آچیلماسی، اربیلده آذربایجان باش کونسوللوغونون آچیلماسی، قارشیلیق‌لی سرمایه ایمکانلاری اله آلیندی.
اؤزبکیستان باشباخانی عبدالله آریپوو ۱۹ جولای ۲۰۲۳ تاریخینده آذربایجانا رسمی سفر گئرچکلشدیردی. آذربایجان جمهورباشقانی ایلهام علییئو باشباخان آریپووو قبول ائتدی. باکی‌دا گئرچکلشدیریلن آذربایجان باشباخانی علی اسدوو و عبدالله آریپوو گؤروشمه‌سینده ایکی اؤلکه ایلیشکیلرینه باغلی مختلیف قونولار اله آلیندی. اؤزبکیستان جمهورباشقانی شؤوکت میرضیایئوین آذربایجانا دؤولت سفری گئرچکلشدیره‌جگی ایفاده ائدیلدی.
۲۱-۲۳ جولای ۲۰۲۳ تاریخلرینده آذربایجاندا شوشا کوره‌سل مئدیا فورومو ائدیلدی. ۴.جو صنایع انقیلابی دؤنمینده یئنی مئدیا باشلیغی آلتیندا ائدیله‌ن فوروما ۵۰ اؤلکه‌دن ۲۵۰ نماینده قاتیلدی. تورک دؤولتلر تشکیلاتی، تورکسوی باش کاتیبلری ده فوروم‌دا حاضر اولدو. فورومون آچیلیشینا قاتیلان آذربایجان جمهورباشقانی ایلهام علییئو، سؤزو ئدن فورومو هر ایل گئرچکلشدیرمه‌یی تکلیف ائتدی.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
