آوراسیا جمهوریتلرینین گوند‌مینده‌کی اولایلار
آذربایجان و اؤزبکیستان اوردوسونون جولای آیی سونوندا اؤزبکیستانداکی چیرچیک‌ده اورتاق عسگری مانور تشکیل ائتدیکلری بیلدیریلدی
گئچه‌ن هفته روسیا فدراسیونوندا اؤنملی بیر ذیروه گئرچکلشدیریلدی و آوراسیا اؤلکه‌لرینده دقت چکه‌ن سفرلر ائدیلدی. ایندی اونلارا سیراسی ایله باخاجاغییق.
گورجوستان باشباخانی ایراکلی گاریباشویلی ۲۳-۲۴ جولای ۲۰۲۳ تاریخلرینده کروواسی جمهوریتینه رسمی سفر گئرچکلشدیردی. باشباخان ایراکلی گاریباشویلی باشکند زاگرب‌ده کروواسی باشباخانی آندرژ پلنکوویج ایله گؤروشدو. باش باخان آندرژ پلنکوویج گورجوستانی آوروپا بیرلیگی عضوو اولما مدتینده دستکلدیکلرینی بیلدیردی. گورجوستان باشباخانی زاگرب‌ده اؤلکه‌سینین ائلچیلیگی بیناسینی آچدی.
گورجوستان باشباخانی ایراکلی گاریباشویلی ۲۷ جولای ۲۰۲۳ تاریخینده چین خالق جمهوریتینه ایش سفری گئرچکلشدیردی. ۲۸ جولای تاریخینده گاریباشویلی چین دؤولت باشقانی شی جینپینگ ایله گؤروشدو. گؤروشمه‌ده ایکی اؤلکه ایلیشکیلرینین استراتژیک سویه‌یه یوکسلدیلدیگی وورغولاندی. باشباخان گاریباشویلی چنگدو شهرینده ائدیله‌ن اتوزبیرینجی دونیا اونیوئرسیته یاز اویونلاری آچیلیش مراسیمینده ایشتیراک ائتدی.
۲۵ جولای ۲۰۲۳ تاریخینده موسکوادا روسیا، آذربایجان و ارمنیستان خاریجی ایشلر باخانلاری اوچلو قاراباغ ییغینجاغی گئرچکلشدیردی. آذربایجان و ارمنیستان خاریجی ایشلر باخانلاری داها اول ۲۷-۲۹ ژوئن تاریخلرینده آمریکادا بیر آرایا گلمیشدیلر.
۲۶ جولای ۲۰۲۳ تاریخینده اؤزبکیستان، تاجیکیستان و تورکمنیستان خاریجی ایشلر باخانلاری آنلاین اوچلو گؤروشمه گئرچکلشدیردیلر. گؤروشمه‌ده آگوست آیی باشلاریندا تورکمنیستاندا ائدیله‌جک سؤز قونوسو اؤلکه جمهورباشقانلارینین اوچلو ذیروه‌سینین آیرینتیلاری اله آلیندی.
۲۶ جولای ۲۰۲۳ تاریخینده چولپون آتا شهرینده قیرقیزیستان باشباخانی آکیل‌بک جاپاروو آذربایجان باشباخان کؤمکچی‌سی علی احمدوو ایله گؤروشدو. چولپون آتادا ۵.جی قیرقیزیستان-آذربایجان حؤکومتلئرآراسی اقتصادی و اجتماعی امکداشلیق کمیسیونو اورتاق ییغینجاغی گئرچکلشدیریلدی. عینی گون قیرقیزیستان-آذربایجان ایش فورومو ائدیلدی.
۲۷ جولای ۲۰۲۳ تاریخینده قیرقیزیستاندا ۷.جی ایسیک گؤل ۲۰۲۳ اولوسلارآراسی اقتصاد فورومو ائدیلدی. فوروما ۴۰۰دن چوخ نماینده قاتیلدی. بورادا توپلام دگری ۲،۵ میلیارد دلارلیق ۱۰ آنلاشمانین امضالاندیغی آچیقلاندی.
۲۷-۲۸ جولای ۲۰۲۳ تاریخلرینده ۲. روسیا-آفریقا ذیروه‌سی و اقتصادی و اینسانی فورومو سن پترزبورگ شهرینده گئرچکلشدیریلدی. ذیروه‌یه آفریقا قاره‌سینین ۵۴ اؤلکه‌سیندن نماینده‌لر قاتیلدیغی بیلدیریلدی. ذیروه‌ده دانیشان ولادیمیر پوتین، بورکینا فاسو، ریمبابوه، مالی، سومالی، اورتا آفریقا جمهوریتی و اریتره‌یه ۲۵-۵۰ مین تون اؤدنیشسیز تاخیل تداروک ائده‌جکلرینی آچیقلادی. روسیا-آفریکا اورتاقلیق فورومو باشقانی، ائلچی اولئگ اوزئروو، روسیا فدراسیونو طرفیندن ۱۹۹۰ ایللرینده باغلانیلان آفریقاداکی ائلیچیلیکلرینی یئنی‌دن آچاجاغینی بیلدیردی. آفریقا لیدئرلرینین ذیروه چرچیوه‌سینده روسیا و اوکراینانی باریشدیرما پلانلاری کاغیذ اوزرینده قالدی.
***
آذربایجان و اؤزبکیستان اوردوسونون جولای آیی سونوندا اؤزبکیستانداکی چیرچیک‌ده اورتاق عسگری مانور تشکیل ائتدیکلری بیلدیریلدی.
ایستانبولدا تشکیل ائدیله‌ن ۱۶.جی UDEF-23 ساوونما صنایع سرگیسی چرچیوه‌سینده آذربایجان ساوونما باخانلیغی تورک هاواچیلیق و اوزای صنایعی (توساش) شیرکتی ایله سو-۲۵ اوچاغینین مودرنیزاسیونو قونوسوندا امکداشلیق آنلاشماسی ایمضالادی.
توساش آیریجا عنقا اینسانسیز هاوا آراجینین قازاقیستاندا تست ائدیلمه‌یه باشلاندیغینی بیلدیردی.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
