تورک جمهوریتلرینین گوند‌مینده‌کی اولایلار
آیریجا قیریم تاتار تورکو روستم اوماروو ۶ سپتامبر ۲۰۲۳ تاریخینده اوکراینا ساوونما باخانی اولدو
۴ سپتامبر ۲۰۲۳ تاریخینده تورکیه جمهورباشقانی رجب طیب اردوغان سوچی شهرینده روسیا فدراسیونو دؤولت باشقانی ولادیمیر پوتین ایله بیر آرایا گلدی. گؤروشمه‌ده ایکیلی، بؤلگه‌سل و کوره‌سل مسئله‌لرله باغلی موذاکیره ائدیلدی. ایر‌لیله‌یه‌ن گونلرده روسیا خاریجی ایشلر باخانلیغی، تورکیه ایله ۱ میلیون تون تاخیل تداروکو قونوسوندا اصولا آنلاشما تامین ائدیلدیگینی بیلدیردی.
۵ سپتامبر ۲۰۲۳ تاریخینده آذربایجان جمهورباشقانی ایلهام علییئو اسلوواکی جمهوریتی مجلیسی باشقانی بوریس قوللار باشقانلیغینداکی هیئتی قبول ائتدی. گؤروشمه‌ده ایکیلی ایلیشکیلرین سیریندن دویولان ممنونیت دیله گتیریلدی. اسلوواکی هیئتی قاراباغا گئتدی.
۵ سپتامبر ۲۰۲۳ تاریخینده قیرقیزیستان جمهورباشقانی سادیر جاپاروو تورکیه قامو باش‌دنه‌تچیسی شرف مالکوچو قبول ائتدی. سفر چرچیوه‌سینده قیرقیزیستان و تورکیه اومبودزمانلیقلاری آراسیندا امکداشلیغی گلیشدیرمه آنلاشما متنی ایمضالاندی.
۷ سپتامبر ۲۰۲۳ تاریخینده آلبانی جمهورباشقانی بایرام بئگای قازاقیستانا ایلک رسمی سفرینی گئرچکلشدیردی. بو سفر عینی زاماندا بیر آلبانیلی جمهورباشقانینین سون ۳۰ ایلده قازاقیستانا ائتدیگی ایلک سفر اولاراق ثبت ائدیلدی. ایکی اؤلکه جمهورباشقانلاری باش-باشا و هیئتلر آراسی گؤروشمه‌لر ائتدی. گؤروشمه‌لر سونوندا اورتاق بیلدیری ایمضالاندی.
۷ سپتامبر ۲۰۲۳ تاریخینده اؤزبکیستان جمهورباشقانی شؤوکت میرضیایئو بیرلشمیش میللتلر غذا و اکینچیلیک تشکیلاتی باش کاتیبی شو دنیونو قبول ائتدی. گؤروشمه‌ده غذا گوونلیگی باشدا اولماق اوزره اؤزبکیستانین سؤز قونوسو تشکیلات ایله ایلیشکیلری اله آلیندی. ۷-۸ سپتامبر تاریخلرینده اؤزبکیستان باشباخانی عبدالله آریپووون ایشتیراکی ایله سمرقند شهرینده اولوسلارآراسی غذا گوونلیگی کنفرانسی تشکیل ائدیلدی. کنفرانسا تورکیه، قیرقیزیستان و اؤزبکیستان اکینچیلیک باخانلاری دا ایشتیراک ائتدی. تورکیه اکینچیلیک و اورمان باخانی ابراهیم یوماقلی و اؤزبکیستان اکینچیلیک باخانی عزیز وویتوو ایکی اؤلکه اکینچیلیک باخانلیقلاری آراسیندا اکینچیلیک سیگورتالاری ساحه‌سینده امکداشلیق نیت پروتوکولو ایمضالادی.
۷ سپتامبر ۲۰۲۳ تاریخینده باکی‌دا تورک دؤولتلر تشکیلاتی عاجیل دوروم یؤنه‌تیمی ایکینجی باخانلار ییغینجاغی ائدیلدی. ییغینجاغا تشکیلاتا عضو و گؤزلمچی اؤلکه‌لرین آفت و عاجیل دوروم باخانلاری قاتیلدی. ییغینجاق سونوندا تورک دؤولتلر تشکیلاتی عاجیل دوروم یؤنه‌تیمی ایکینجی باخانلار ییغینجاغی بیاننامه‌سی ایمضالاندی. باخانلار "باکی-۲۰۲۳ اولوسلارآراسی مانورونو" ایزله‌دیلر. آذربایجان جمهورباشقانی ایلهام علییئو ییغینجاغا قاتیلان باخانلاری قبول ائتدی.
۸ سپتامبر ۲۰۲۳ تاریخینده اؤزبکیستان جمهورباشقانی شؤوکت میرضیایئو دونیا ائتنو اسپور کنفدراسیونو باشقانی بیلال اردوغانی قبول ائتدی. ۸-۱۰ سپتامبر تاریخلرینده خیوه‌ده ۶۳ اؤلکه‌دن ۹۳۰ نماینده‌نین ایشتیراکی ایله اولوسلارآراسی ائتنو اسپور فستیوالی ائدیلدی.
***
گئچه‌ن هفته قازاقیستان و قیرقیزیستاندا کابینه‌لر یئنیلندی. یئنی باخانلیقلار قورولدو و بعضی باخانلار دییشدیریلدی. آیریجا قیریم تاتار تورکو روستم اوماروو ۶ سپتامبر ۲۰۲۳ تاریخینده اوکراینا ساوونما باخانی اولدو.
گلیشمه‌لردن گؤرولدوگو اوزره، گئچه‌ن هفته تورک جمهوریتلرینده اؤنملی ییغینجاق و کنفرانسلار گئرچکلشدیریلدی. ائدیله‌ن سفرلر تورک جمهوریتلرینین اولوسلارآراسی ساحه‌ده‌کی آرتان اؤنمینه ایشاره ائدیر.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
