تورک جمهوریتلرینین گوند‌می
جمهورباشقانی اردوغانین ناخچیوان سفری و ائدیله‌ن آنلاشمالار تورک جمهوریتلرینین قایناشماسیندا اؤنملی رول اوینایاجاق
۲۵ سپتامبر ۲۰۲۳ تاریخینده قازاقیستان جمهورباشقانی قاسیم جومرد توکایئو روسیا فدراسیونو، بلاروس و قیرقیزیستان باشباخانلارینی قبول ائتدی. گؤروشمه‌ده قازاقیستانین سؤز قونوسو اؤلکه‌لر ایله اقتصادی ایلیشکیلری اله آلیندی. روسیا فدراسیونو، بلاروس و قیرقیزیستان باشباخانلاری آستانادا تشکیل ائدیله‌ن "اینوپروم قازاقیستان ۲۰۲۳" اولوسلارآراسی صنایع سرگیسینین آچیلیشینا قاتیلدیلار.
عینی گون قازاقیستان جمهورباشقانی قاسیم جومرد توکایئو تاتاریستان جمهوریتی رئیسی روستم مینیخانووو قبول ائتدی. گؤروشمه‌ده قازاقیستان-تاتاریستان ایلیشکیلری ماسایا یاتیردیلدی.
تاتاریستان جمهوریتی رئیسی روستم مینیخانوو ۲۶-۲۷ سپتامبر ۲۰۲۳ تاریخلرینده تورکمنیستانا ایش سفری گئرچکلشدیردی. آرخاداغ شهرینده رئیس مینیخانوو تورکمنیستان خالق مصلحتی باشقانی قوربانقولو بردی‌محمدوو، جمهورباشقانی سردار بردی‌محمدوو ایله آیری آیری گؤروشدو. روستم مینیخانوو تورکمنیستان موستقیللیک بایرامی مراسیملرینه غرور قوناغی اولاراق قاتیلدی.
۲۶ سپتامبر ۲۰۲۳ تاریخینده اؤزبکیستان جمهورباشقانی شؤوکت میرضیایئو قیرقیزیستان مجلیس باشقانی نورلان‌بک شاکیئوی قبول ائتدی. گؤروشمه‌ده اؤزبکیستان-قیرقیزیستان استراتژیک ایلیشکیلرینین موختلیف مؤوضوعلاری اله آلیندی. عینی گون مجلیس باشقانی نورلان‌بک شاکیئو اؤزبکیستان یاساما مجلیسی باشقانی نورالدین اسماعیلوو و عالی مجلیس باشقانی تانزیلا ناربایئوا ایله گؤروشمه‌لر ائتدی.
۲۸ سپتامبر ۲۰۲۳ تاریخینده قازاقیستان جمهورباشقانی قاسیم جومرد توکایئو "برلین قلوبال دیالوگ" فورومونا قاتیلیب، دانیشدی. جمهورباشقانی توکایئو فوروم چرچیوه‌سینده سریلانکا جمهورباشقانی رانیل ویکرماسیمگه ایله گؤروشدو.
۲۹ سپتامبر ۲۰۲۳ تاریخینده برلینده اورتا آسیا-آلمانیا ذیروه‌سی گئرچکلشدیریلدی. ذیروه‌یه آلمانیا باشباخانی، قازاقیستان، قیرقیزیستان، اؤزبکیستان و تاجیکیستان جمهورباشقانلاری، تورکمنیستان خالق مصلحتی باشقانی قاتیلدی. ذیروه‌ده آلمانیانین اورتا آسیا اؤلکه‌لری ایله ایلیشکیلری موختلیف یؤنلری ایله اله آلیندی. اورتا آسیا لیدئرلری آلمانیا باشباخانی اولاف شولتس ایله ایکیلی گؤروشمه‌لر ائتدیلر. قیرقیزیستان و آلمانیا حکومتلری آراسیندا کؤچ و دییشمه قونوسوندا اورتاق بیلدیری ایمضالاندی. عینی گون آلمانیا جمهورباشقانی فرانک والتر اشتاین‌مایر اورتا آسیا لیدئرلری ایله توپلو و ایکیلی گؤروشمه‌لر تشکیل ائتدی.
اورتا آسیا جمهورباشقانلاری ذیروه چرچیوه‌سینده آلمان ایش دونیاسینین تانینمیش نماینده‌لری ایله گؤروشدولر. آیریجا اورتا آسیا لیدئرلری آلمان شیرکتلری نماینده‌لری ایله آیری آیری گؤروشمه‌لر گئرچکلشدیردیلر.
***
۲۵ سپتامبر ۲۰۲۳ تاریخینده تورکیه جمهورباشقانی رجب طیب اردوغان آذربایجانا رسمی سفر گئرچکلشدیردی. آذربایجان جمهورباشقانی ایلهام علییئو جمهورباشقانی اردوغانی ناخچیواندا مراسیمله قارشیلادی. ائدیله‌ن گؤروشمه‌دن سونرا ایکی اؤلکه آراسیندا ۳ آنلاشما ایمضالاندی. جمهورباشقانلاری ایغدیر-ناخچیوان طبیعی گاز بورو خطینین تملینی آتدیلار و ناخچیوان عسگری اوره‌تیم تاسیسینین آچیلیشینی ائتدیلر.
۲۸-۲۹ سپتامبر ۲۰۲۳ تاریخلرینده آذربایجان باشباخانی علی اسدوو تاجیکیستانا ایش سفری گئرچکلشدیردی. تاجیکیستان باشباخانی قاهر رسولزاده ایله گؤروشه‌ن باشباخان اسدوو، اولوسلارآراسی دوشنبه-۲۰۲۳ سرمایه فورومونا قاتیلدی.
گلیشمه‌لردن گؤرولدوگو اوزره، گئچه‌ن هفته تورک جمهوریتلری باخیمیندان وئریملی گئچدی. جمهورباشقانی اردوغانین ناخچیوان سفری و ائدیله‌ن آنلاشمالار تورک جمهوریتلرینین قایناشماسیندا اؤنملی رول اوینایاجاق.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
