تورک جمهوریتلرینین گوندمی
تورک دؤولتلر تشکیلاتی، تورک جمهوریتلری آراسیندا امکداشلیغین ان اوست سویهیه چیخاریلماسی اوچون چالیشمالارینی داوام ائتدیریر
۱-۲ اکتبر ۲۰۲۳ تاریخلرینده اؤزبکیستان جمهورباشقانی شؤوکت میرضیایئو قطره رسمی سفر گئرچکلشدیردی. قطر امری تمیم بن حمد آل ثانی جمهورباشقانی میرضیایئوی مراسیمله قارشیلادی. ائدیلهن گؤروشمهلردن سونرا ایکی اؤلکه آراسیندا ۹ آنلاشما ایمضالاندی. لیدئرلر ئکسپو دوحه-۲۰۲۳ آچیلیش مراسیمینه قاتیلدیلار. سفر چرچیوهسینده جمهورباشقانی میرضیایئو قطرین بعضی شیرکتلرینین ایدارهچیلری ایله آیری آیری گؤروشمهلر ائتدی.
شؤوکت میرضیایئو ۵-۷ اکتبردا، روسیا فدراسیونونا رسمی سفر ائتدی. میرضیایئو بو چرچیوهده، تاتاریستانین باشکندی قازانا گئتدی. تاتاریستان رئیسی روستم میننیخانوو جمهورباشقانی میرضیایئو ایله گؤروشدو و قازان کرملینینی گزدیردی. جمهورباشقانی میرضیایئو قازان اکسپونو دا گزدی. ۴ اکتبر تاریخینده قازاندا ۳.جو روسیا-اؤزبکیستان بؤلگهلرآراسی امکداشلیق فورومو گئرچکلشدیریلدی. فورومدا توپلام ۳.۵ میلیارد دلار دگرینده آنلاشما گئرچکلشدی.
۶ اکتبر تاریخینده جمهورباشقانی میرضیایئو قازاندان موسکوایا گئچدی. موسکوادا جمهورباشقانی میرضیایئو روسیا فدراسیونو باشباخانی میخائیل میشوستین و دؤولت باشقانی ولادیمیر پوتین ایله گؤروشدو. ائدیلهن گؤروشمهلر نتیجهسینده ایکی اؤلکه آراسیندا ۱۰ آنلاشما ایمضالاندی. ۷ اکتبر تاریخینده روسیا، قازاقیستان و اؤزبکیستان دؤولت باشقانلاری روس طبیعی گازینین قازاقیستان اوزریندن اؤزبکیستانا چاتدیریلماسینی تامین ائدجک پروژهیه استارت وئردیلر.
۶ اکتبر ۲۰۲۳ تاریخینده قیرقیزیستان جمهورباشقانی سادیر جاپاروو بیرلشمیش عرب امرلیکلری انرژی و آلت یاپی باخانی سهیل المزروعینی قبول ائتدی. گؤروشمهده ایکی اؤلکه ایلیشکیلرینین گلیشمکده اولدوغو وورغولاندی. بیرلشمیش عرب امرلیکلرینین مصدر شیرکتینین قیرقیزیستاندا گونش انرژی مرکزی تیکهجگی آچیقلاندی.
آذربایجان جمهورباشقانی ایلهام علییئو ۶ اکتبر ۲۰۲۳ تاریخینده ایران ایسلام جمهوریتی یول و آلت یاپی باخانی مهرداد بذرپاشی قبول ائتدی. گؤروشمهده ایکی اؤلکه ایلیشکیلرینه باغلی مختلیف مؤوضوعلار اله آلیندی. عینی گون زنگیلان ائلینده آذربایجان-ایران سرحدینه یئنی کؤرپو و سرحد گئچیش نقطهسی تیکیمینه باشلاندی.
۶ اکتبر ۲۰۲۳ تاریخینده آذربایجان جمهورباشقانی ایلهام علییئو صربیستان میللی مجلیسی باشقانی ولادیمیر اورلیچی قبول ائتدی. گؤروشمهده آذربایجان-صربیستان ایکیلی ایلیشکیلرینین سویهسیندن دویولان ممنونیت دیله گتیریلدی. صربیستان میللی مجلیسی باشقانی ولادیمیر اورلیچ رسمی سفر چرچیوهسینده آذربایجان باشباخانی علی اسدوو، مجلیس باشقانی صاحبه غافارووا ایله گؤروشدو.
***
۳ اکتبر ۲۰۲۳ تاریخینده تورک دؤولتلر تشکیلاتی قورولوشونون ۱۴.جو ایلدؤنومونو قوتلاندی. ۴ اکتبر تاریخینده تشکیلاتا عضو دؤولتلرین خاریجی ایشلر باخان کؤمکچیلری ایستانبولدا چوخ طرفلی سیاسی موشاویره ییغینجاغی تشکیل ائتدیلر. بیر سونراکی تورک دؤولتلر تشکیلاتی ذیروهسی ۳ نوامبر ۲۰۲۳ تاریخینده آستانادا ائدیلهجک.
۵ اکتبر ۲۰۲۳ تاریخینده تورک دؤولتلر تشکیلاتی عدالت باخانلاری ییغینجاغی ائدیلدی. ییغینجاق چرچیوهسینده تورک دؤولتلر تشکیلاتی رسمی سندلرین ثبتی قوروملاری بیرلیگینین قورولماسینا دایر آنلاشما متنی ایمضالاندی. آیریجا تورکسوی اؤندرلیگینده تورک دونیاسی سینماچیلار بیرلیگی قورولدو.
گلیشمهلردن گؤرولدوگو اوزره، گئچهن هفته تورک جمهوریتلرینده اؤنملی سفرلر گئرچکلشدی. تورک دؤولتلر تشکیلاتی، تورک جمهوریتلری آراسیندا امکداشلیغین ان اوست سویهیه چیخاریلماسی اوچون چالیشمالارینی داوام ائتدیریر.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی