تۆرک جمهوریتلرینین گۆندمینده‌کی گلیشمه‌لر

آذربایجان جمهورباشقانی ایلهام علییئو ۱۰ دسامبر ۲۰۲۳ تاریخینده صربیستانا ایش سفری گئرچکلشدیردی. جمهورباشقانی علییئو نیش شهرینده صربیستان-بولقاریستان طبیعی گاز تدارک سیستمینین آچیلیشینا قاتیلدی. سفر چرچیوه‌سینده ایلهام علییئو صربیستان جمهورباشقانی آلکساندر ووجیج و بولقاریستان جمهورباشقانی رومالی رادئو ایله گؤروشدو.

۱۱ دسامبر ۲۰۲۳ تاریخینده بیرلشمیش میللتلر ایقلیم دییشیکلیگی چرچیوه آنلاشما‌سی ۲۹.جو طرفلر کنفرانسینین (کوپ۲۹) گله‌جک ایل آذربایجاندا ائدیله‌جگی رسمی اولاراق آچیقلاندی. بو قرار، آذربایجانین اولوسلارآراسی ساحه‌ده تأثیرلی، اطراف مسئله‌لرینه حساس بیر اؤلکه اولدوغونو یئنیدن اثبات ائتمیش اولدو.

۱۱ دسامبر ۲۰۲۳ تاریخینده گورجوستان مجلیس باشقانی شالوا پاپواشویلی آذربایجانا رسمی سفر گئرچکلشدیردی. گورجوستان مجلیس باشقانی آذربایجان جمهورباشقانی ایلهام علییئو ایله گؤروشدو.

تۆرک دؤولتلر تشکیلاتینا عضو اؤلکه‌لرین گؤمروک تشکیلاتلاری باشقانلاری ۹.جو ییغینجاغی داشکند‌ده ۱۲ دسامبر ۲۰۲۳ تاریخینده ائدیلدی. ییغینجاغا گورجوستان گؤمروک خیدمتی باشقانی اؤزل قوناق اولاراق قاتیلدی. ییغینجاقدا تشکیلاتا عضو دؤولتلر آراسیندا ساده‌لشدیریلمیش گؤمروک کوریدورونو میدانا گتیرمه قونوسونون تکنیک آیرینتیلاری اله آلیندی. آیریجا تۆرکمنیستان، قازاقیستان و آذربایجان اولوسلارآراسی یۆکلرین رومانینین کؤستنجه لیمانی اۆزریندن داشینماسی قونوسوندا اورتاق ایشلر ایجرا ائتمه‌یه باشلادیقلارینی بیلدیردیلر.

۱۴ دسامبر ۲۰۲۳ تاریخینده تۆرکیه جمهوریتی خاریجی ایشلر باخانی حاکان فیدان آذربایجانا رسمی سفر گئرچکلشدیردی. قونومداشی جئیحون بایراموو ایله گؤروشه‌ن باخان فیدان، آذربایجان جمهورباشقانی ایلهام علییئو طرفیندن قبول ائدیلدی. ایکی اؤلکه خاریجی ایشلر باخانلاری اورتاق مطبوعات کنفرانسی تشکیل ائتدیلر.

ایل سونو دگرلندیرمه‌سی مقصدی ایله ژورنالیستلرین سواللارینی جاوابلاندیران روسیا فدراسیونو دؤولت باشقانی ولادیمیر پوتین، ۲۰۲۴ ایلی باشلاریندا تۆرکیه‌یه سفر ائده‌بیله‌جگینی بیلدیردی.

۱۵ دسامبر ۲۰۲۳ تاریخینده آذربایجان جمهورباشقانی ایلهام علییئو بیرلشمیش عرب امرلیکلری سرمایه باخانی محمد حسن السویدینی قبول ائتدی. گؤروشمه‌ده ایکی اؤلکه آراسینداکی سرمایه قونولاری اله آلیندی. گؤروشمه سونوندا آذربایجان و بیرلشمیش عرب امرلیکلری آراسیندا ۴ آنلاشما ایمضالاندی.

ماجاریستان باش باخانی ویکتور اوربان اوکراینانین آوروپا بیرلیگینه قاتیلیم سۆره‌جی باشلاتماسینا قارشی چیخدی. ماجاریستان آیریجا آوروپا بیرلیگی طرفیندن اوکراینایا آیریلان ۵۰ میلیارد یورو مادی کؤمک پاکتینی وتو ائتدی.

***

تۆرک‌سویون قورولوشونون ۳۰.جو ایل‌دؤنومو ایل ایچی موختلیف فعالیتلرله تۆرک جمهوریتلرینده قوتلاندی. سون قوتلاما فعالیتلری آنکارادا ۱۲-۱۳ دسامبر تاریخلرینده ائدیلدی. تۆرک دونیاسی کۆلتور باشکندی عنوانی شوشادان تۆرکمنیستانین آنئو شهرینه وئریلدی.

۱۲ دسامبر ۲۰۲۳ تاریخینده تۆرکمنیستاندا طرفسیزلیک گونو قوتلاندی. طرفسیزلیک گونو وسیله‌سی ایله موختلیف فعالیتلر ائدیلدی. عشق‌آباددا دیالوگ، باریشین ضمانتی آدلی اولوسلارآراسی فوروم ائدیلدی.

۱۲ دسامبر ۲۰۲۳ تاریخینده مشهور یازار چنگیز آیتماتووون آد گونو تۆرک جمهوریتلرینده موختلیف فعالیتلرله قوتلاندی. ۱۳ دسامبر تاریخینده آنکارا شهرینده تۆرکیه مدنیت و توریزم باخانلیغی حمایه‌سینده ۵.جی چنگیز آیتماتوو اولوسلارآراسی ایسیک گؤل فورومونون آچیلیشی ائدیلدی. فورومون قاپانیشی آذربایجاندا ائدیله‌جک.