تۆرک دؤولتلری آراسیندا داوام ائتمکده اولان بۆتونلشمه
تۆرک جمهوریتلرینین اولوسلارآراسی تشکیلاتلاری ایش‌بیرلیگی ایچینده ایشلرینی آرتیراراق داوام ائتدیره‌جکلر
۱۹ ژانویه ۲۰۲۴ تاریخینده ایستانبولدا تۆرک امکداشلیق تشکیلاتلاری ایش‌بیرلیگی کومیته‌سی ۴.جو ییغینجاغی گئرچکلشدیریلدی. تۆرک دؤولتلر تشکیلاتی باش کاتیبی کوبانیچ‌بک عؤمورعلییئوین باشقانلیق ائتدیگی ییغینجاغا تۆرک پا و تۆرک‌سوی باش کاتیبلری، اولوسلارآراسی تۆرک آکادمیسی و اولوسلارآراسی تۆرک مدنیت و میراث وقفی باشقانلاری قاتیلدیلار. ییغینجاقدا ۲۰۲۴.جو ایلده ائدیله‌جک ایشلر، تۆرک جمهوریتلری دؤولت باشقانلارینین قرار و تلاپشیریقلارینین تطبیق اولونماسی کیمی قونولار ماسایا یاتیردیلدی. تۆرک جمهوریتلرینین اولوسلارآراسی تشکیلاتلاری ایش‌بیرلیگی ایچینده ایشلرینی آرتیراراق داوام ائتدیره‌جکلر.
۲۰۲۳.جو ایلده بؤیوک سرعت قازانان تۆرک دؤولتلری آراسینداکی اورتاق چالیشما ایجرا ائتمه سۆره‌جی سرعت کسمه‌دن داوام ائدیر. مثلاً، ۱۸ ژانویه ۲۰۲۴ تاریخینده باکی‌دا تۆرک دونیاسی سینما یؤنه‌تیچیلری ییغینجاغی گئرچکلشدیریلدی. ییغینجاغا آذربایجان، قازاقیستان، قیرقیزیستان، اؤزبکیستان و تۆرکیه‌دن سینما یؤنه‌تیچیلری قاتیلدی. ییغینجاقدا ملا نصرالدین اورتاق فیلم پرویژه‌سینین آیرینتیلاری اله آلیندی.
تۆرک دؤولتلری مسلک بیرلیکلرینین قورولماسی ایشلری ده داوام ائدیر. ۲۳ ژانویه ۲۰۲۴ تاریخینده ایستانبولدا تۆرک دؤولتلری رقابت تشکیلاتینین قورولوش مراسیمی ائدیلدی. داوامیندا تۆرک دؤولتلری رقابت تشکیلاتی ۱.جی ییغینجاغی گئرچکلشدیریلدی. تۆرک دؤولتلری رقابت تشکیلاتینین بیر سونراکی ییغینجاغی آذربایجاندا ائدیله‌جک.
۱ فوریه ۲۰۲۴ تاریخینده تۆرک دونیاسی آراچیلار بیرلیگی باشقانی یعقوب اریک‌ائل آذربایجانا سفر گئرچکلشدیردی. باشقان اریک‌ائل آذربایجان آراچیلار شوراسی باشقانی نادیر عادیلوو، آذربایجان عدلیه آکادمیسی باشقانی شاهین علییئو ایله گؤروشمه‌لر ائتدی. تۆرک دۆیاسی آراچیلار بیرلیگی باشقانی اریک‌ائل گله‌جک آیلاردا دیگر تۆرک جمهوریتلرینه سفر ائد‌رک صلاحیتلی شخصلر ایله گؤروشمه‌لر ائدجگینی بیلدیردی. آگوست آییندا اؤزبکیستاندا تۆرک دونیاسی آراچیلار بیرلیگی ۱.جی قورولتایینین ائدیله‌جگی آچیقلاندی.
۱ فوریه ۲۰۲۴ تاریخینده تۆرک دؤولتلر تشکیلاتینا عضو و گؤزلمچی اؤلکه‌لرین دمیریولو ایداره‌لری نماینده‌لری ایلک آنلاین ییغینجاغی ائتدیلر. ییغینجاغین سون مقصدی تۆرک دؤولتلری دمیریولو ایداره‌لری کنه‌شینی/شوراسینی قورماقدیر.
***
ژانویه آییندا قوزئی قیبریس تۆرک جمهوریتی جمهورباشقانی تۆرکیه‌یه، قازاقیستان تیجارت و بۆتونلشمه باخانی اؤزبکیستانا، تۆرکیه خاریجی ایشلر باخانی قیرقیزیستانا، تۆرکیه جمهورباشقانی کؤمکچیسی قوزئی قیبریس تۆرک جمهوریتینه، تۆرکیه میللی ساوونما باخان کؤمکچیسی آذربایجانا، تۆرکیه میللی تحصیل باخانی آذربایجانا گئتدی. آیریجا قیرقیزیستان و اؤزبکیستان ایچ ایشلری باخانلاری قازاقیستانا، اؤزبکیستان مجلیس باشقانی کؤمکچیسی آذربایجانا، تۆرکیه انرژی و طبیعی قایناقلار باخانی آذربایجانا، قازاقیستان خاریجی ایشلر باخانی قیرقیزیستانا، قیرقیزیستان و اؤزبکیستان باشباخانلاری قازاقیستانا سفر گئرچکلشدیردی. گئرچکلشدیریلن سفرلره باخاراق گئچدیگیمیز آییندا تۆرکیه و آذربایجان آراسیندا سفرلرین سیخ اولدوغونو ایفاده ائتمک مومکوندور.
تۆرک دؤولتلری تشکیلاتینا عضو اؤلکه‌لر آراسینداکی بۆتونلشمه گیریشیملری میوه‌سینی وئرمه‌یه باشلادی. تشکیلاتا عضو اؤلکه‌لر آراسینداکی تیجارت ۲۰۲۲.جی ایلده ۳۳ میلیارد دلارکه‌ن، ۲۰۲۳.جو ایلده بو رقم ۴۲ میلیارد دلارا یۆکسلدی. تۆرک سرمایه صاندیغینین فعال شکیلده ایشه باشلاماسی، بو رقمین قات قات آرتماسینا وسیله اولاجاق.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
